Ɛsitɛɛ 7:8 - Bibeli do fee

⁸ Nɔ í kanju í koo í sɛɛbata si daayi bii Ɛsitɛɛ í wau. Ŋɔi gbakã ilaalu wa baa hai lambou wa naa ku lɔ ileu. Nɔ í la siɛ í ni, ì nyi ì waa bi i tɔtɔɔ sɛ̃ɛ do Ɛsitɛɛ má bi tom ihɛ̃ hee si inɔ ilem? Hai ilaalu í fɔ bɛɛbɛ gbakã, woo ce icɛɛ ŋau à naa à bii wajui Hamaa do acɔ.

Ɛsitɛɛ 7:8 Iomraidhean Croise

Ɛsitɛɛ 1:5

Iyi waatii inɛ nŋu í lɔ, ŋɔi ilaaluu í cea inɛi ilui Suze fei jingau, hai ilu fia hee do ilu are ŋa fei. Jingauu azuma akãi à jɔɔ si bantumai lamboi kpasɛ̃ɛ.

Ɛsitɛɛ 1:6

Sɔbe ŋa iyi à gbe do dimii kuta kusĩa gɔ ŋai à wa bɛ, si bii à dĩ isɔ fũfũ gɔ ŋa iyi à ce bɛi lɛlɛawɔ. Si isɔ ŋaui à kɔa acɔ fũfũ jiida ŋa do nkpa, à dĩ ŋa do ikũ fũfũ do nkpa à ce boodaɛ. À jilɛ kitãi wura sisɔ ŋa, do kitãi isɔ fũfũ sisɔ ŋa si ilɛ iyi à tɛsi dimii kuta kusĩa gɔ ŋa, gɔgɔ ŋa à jɛ nkpa, gɔgɔ ŋa mɔ fũfũ do dũdũ do fũfũ fɛɛ fɛɛ.

Ɛsitɛɛ 6:12

Iyi Maadosee í na í sinda í baa anu koofai ilaaluu, ŋɔi Hamaa í ce saasa wa nɛ ideɛ do inɔ kufɔ nla nla nɔ í bii wajuɛ ku ba ku singa anyɔɛ.

Ɛsitɛɛ 7:10

Nɔ à bagãm Hamaa si jĩi iyi wa bi ku bagãm si Maadoseeu. Ŋɔi idɔɔkɔ̃i ilaaluu í bɛi í sũ.

Zɔɔbu 9:24

Bii í so ilɛ gɔ wa daa inɛ laalɔ ŋa si awɔ, í ya dĩ ijui woo kiitii ilɛ ŋau feii. Bii kù nɔ kù jɛ nŋui wa coo, yooi aa ni wa coo.

Ezai 22:17

Aɔ̃ Lafɛ̃ɛ á soɛi ku nyɔɛ do gbugbã, nɔ á dĩɛi dim dim.

Ezai 49:23

Ilaalu ŋai aa jɛ woo bíi amaɛ ŋa, nɔ ama inaabo nŋa ŋa mɔi aa jɛ woo wo nŋa ŋa. Aa ya sɛɛbatai si wajuɛ, nɔ aa ya fá ilului kutɛɛ ŋai. Do yaase bɛɛbɛ, aa mà iyi amui ǹ jɛ Aɔ̃ Lafɛ̃ɛ, nɔ inɛ ŋa iyi kpãa ku cɔ nŋa í wa sim, a kaa yɛ anyɔ.

Amɔsu 3:12

Amu Aɔ̃ Lafɛ̃ɛ ǹ nyi ǹ fɔ má ǹ ni, bɛi hai si gɛlɛi muusu nla woo degbe mɛɛmu í ya gba kutɛ minji walakɔ bubui itĩi mɛɛmuɛ, bɛɛbɛ mɔi an gba iŋɛ inɛi Izirɛli ŋa iyi ì wa Samari ŋa. Iŋɛ iyi ì waa sũ si daayi ŋa do si bata ŋa Damasi.

Maaku 14:65

Ŋɔi inɛ gɔ ŋa à wasi ku tu si Jesu antɔ gbakã nɔ à bii ijuɛ à bɛi à waa daa kutu à beeɛ à waa ni, awɔ walii, sɔ̃ wa inɛ iyi í cãɛ. Ŋɔi sooge ŋau à mu Jesu à wasi ku sambalaɛ.