Ɛsitɛɛ 7:7 - Bibeli do fee

⁷ Nɔ si bɛi idɔi ilaaluu í kɔ̃, í dede í fita hai bi ku ce jingauu í koo í lɔ inɔ lamboi kpasɛ̃ɛu. Ŋɔi Hamaa í gbe bɛ í wasi ku tɔɔ Ɛsitɛɛ suuru, domi í mà tã iyi ilaalu Asuerusi á kpa nŋui.

Ɛsitɛɛ 7:7 Iomraidhean Croise

Ɛsitɛɛ 1:12

Inɛ ŋau à koo à sɔ̃ Vasiti bɛi ilaaluu í dɔ̃, amma í kɔ̀ ku koo. Ŋɔi idɔi ilaaluu í kɔ̃ ntɔ ntɔ.

Ɛsitɛɛ 1:5

Iyi waatii inɛ nŋu í lɔ, ŋɔi ilaaluu í cea inɛi ilui Suze fei jingau, hai ilu fia hee do ilu are ŋa fei. Jingauu azuma akãi à jɔɔ si bantumai lamboi kpasɛ̃ɛ.

Ɛsitɛɛ 7:10

Nɔ à bagãm Hamaa si jĩi iyi wa bi ku bagãm si Maadoseeu. Ŋɔi idɔɔkɔ̃i ilaaluu í bɛi í sũ.

Iri ku kɔ̃ 112:10

Ilu inɔ kukã ŋa à ya yɔɔi nɔ idɔ nŋa ku kɔ̃. À ya maa ŋɔ inyíi nɔ inɔ nŋa ku maa fɔ. Kpãa ku cɔ nŋa fei í ya leekĩi.

Mɔnda ŋa 14:19

Inɛ laalɔ ŋa aa na a gulɛ si wajui inɛ jiida ŋa, ilu inɔ kukã ŋa mɔ anu koofai inɛ dee dee ŋa.

Mɔnda ŋa 14:35

Woo ce icɛ ilu bisi í ya jɔ̀ ilaalu ku wɛɛò inɔ didɔ̃, amma idɔɔkɔ̃ɛ í ya wa si inɛ iyi wa dasiɛ anyɔ.

Mɔnda ŋa 16:14

Idɔɔkɔ̃i ilaalu í ya jɔ̀ ku kpa amanɛ, amma ilu laakaii í ya ce kookaai ku lɛlɛɛ.

Mɔnda ŋa 19:12

Idɔɔkɔ̃i ilaalu í ya jɔ̀ njo ku mu inɛi bɛi anu kudɔ̃i muusu nla, amma jiida ku jɛɛ í dɔ̃i bɛi ikpã í ya dɔ̃a fɔfɔ tũtũ si.

Ezai 60:14

Inɛ ŋa iyi à wahalaɛ ŋau, aa kɔmba iri ilɛi a maa naaò wa bi tɛɛ. Inɛ ŋa iyi à tako à waa yaakoɛ ŋau fei, aa na a sɛɛbatai si wajuɛ. Nɔ iri ŋa iyi aa maa kpeɛ do wee. Ilui Aɔ̃ Lafɛ̃ɛ, do Siɔ̃ɔ ilu iyi í jɛ ti Inɛ Kumái Izirɛliu.

Daniɛli 3:19

Ŋɔi idɔi Nebukanɛsaa í kɔ̃ ntɔ ntɔ si Sadaaki do Mesaaki do Abɛdi-Nego. Nɔ í na wooda í ni si inya bii ina nla nla í ya wau, a dasi ina a gbãaɛ ku re zaka bɛi à tako à nɛ dɔ̃ɔnɛu ikɔ mɛɛje.

Kuyɛi Zãa 3:9

Wee an da nŋɛ inɛi igbɛi Seetam ŋa si awɔ, inɛ ŋa iyi à waa kpe ara nŋa Zuifu amma a kù jɛ Zuifu ŋa, iboi à waa sɔ. An jɔ̀ a naa bi tu ŋɛ a na a gulɛ si waju nŋɛ. Aŋa fei aa mà iyi ǹ bi ŋɛ.

Samuɛli 1, 20:7

Bii í jɛsi, aa mà iyi kaa kpam má. Amma bii idɔɛ í kɔ̃, jɔ̀ i mà iyi kãm kãm wa dɛdɛ ku kpam nii hee nsɛi.

Samuɛli 1, 20:9

Ŋɔi Zonatãa í ni, aawo. Kaa ce ajɔ kãma. Nɔ bii ǹ gbɔ baam wa dɛ ku ceɛ laalɔ, ntɔ ntɔ an sɔ̃ɛ.

Samuɛli 1, 25:17

Bɛbɛi lasabu, nɔ i cɔ bɛi aa ce, domi kù nɛ sika kãma laalɔu á naa si lafɛ̃ɛ nwa do si kpasɛ̃ɛ fei. Nɔ lafɛ̃ɛ nwau í gaabu í jɔ̀ baa inɛ kãma ci ya baa ide ku fɔ.