Ɛsitɛɛ 7:6 - Bibeli do fee

⁶ Nɔ Ɛsitɛɛ í jɛa í ni, mbɛɛ nwa iyi wa kpã wa iju, nŋui í jɛ Hamaa inɛ laalɔu ihɛ̃. Ŋɔi njo í mu Hamaa si wajui ilaaluu do si wajui Ɛsitɛɛ.

Ɛsitɛɛ 7:6 Iomraidhean Croise

Neemi 6:16

Iyi mbɛɛ nwa ŋau fei do inɛi ilɛ ŋa iyi à wa kɔkɔ nwa ŋau à gbɔ, ŋɔi zigii aŋa fei í da nɔ anyɔ í mu ŋa ntɔ ntɔ. Waati bɛɛbɛi à mà iyi Aɔ̃ Lafɛ̃ɛi í jɔ̀ icɛu í ce.

Ɛsitɛɛ 3:10

Ŋɔi ilaaluu í nya lɛlɛawɔɛ iyi í jɛ sɛɛdai nŋu takaɛ í na Hamaa mbɛɛi Zuifu ŋau. Hamaau amai Hamedatai nɔ wa jɛ tɔkui Agagi.

Ɛsitɛɛ 7:5

Ŋɔi ilaalu Asuerusi í bee Ɛsitɛɛ í ni, yooi í ce lasabu dimi bɛɛbɛ, nɔ iwoi í wa.

Ɛsitɛɛ 8:1

Ajɔ nŋu bɛ mɔi ilaalu Asuerusi í na Ɛsitɛɛ mii ndii Hamaa ŋa fei, nŋu iyi í jɛ mbɛɛi Zuifu ŋau. Nɔ Ɛsitɛɛ í sɔ̃ ilaaluu í ni Maadosee nyaanzei nŋui wa jɛ. Ŋɔi ilaaluu í ni Maadosee ku naa wa.

Iri ku kɔ̃ 27:2

Bii inɛ laalɔ ŋa à naa sim bɛi mɛɛmu kugaabu ŋa, aŋa iyi à jɛ mbɛɛm ŋa nɔ à waa dɛ laalɔ ku ceem nɔu, aŋai à ya koosɛ nɔ a cuku.

Mɔnda ŋa 16:14

Idɔɔkɔ̃i ilaalu í ya jɔ̀ ku kpa amanɛ, amma ilu laakaii í ya ce kookaai ku lɛlɛɛ.

Woo lasabu 5:8

Á nɛa inɛ fei aranfãani bii í jɛ ilaalu í ya sobi kãma ŋa ku ba icɛi iko nŋa ku bɔ waju.

Ezai 21:4

Laakaim í dede, nɔ zigiida í naa sim. Ǹ wa n tamaa bɛi bii alɛ í lɛ fufu á tam nii, amma alɛu í kpaasii í jɛɛm zigiida.

Tɛsalonika 2, 2:8

Si anyii nŋu, inɛ iyi wa ba Ilaaɔ̃ ku jau á faata wa nɔ amboei kunaai Lafɛ̃ɛ Jesu ku kpa iriɛ. Jesuu, nŋui á kpaa do fufui gɛlɛɛ.

Samuɛli 1, 24:13

Aɔ̃ Lafɛ̃ɛi á kiiti awaɛ nɔ nŋui á kpãɛ iju si laalɔ iyi ì ceem amma amu takam n kaa n lesiɛ awɔ.