Ɛsitɛɛ 7:4 - Bibeli do fee

⁴ Ntɔ ntɔ amu do inɛm ŋa à ta wai a koo a saka wa a kpa wa nɔ a ce nfe nwa mam mam araare kù maa wa si. Bii í jɛ bɛi à ta wa ka jɛ aru nŋu akãi wo n kaa n fɔ ide kãma, domi inɛ nŋu kù to n maa n bitandiɛ.

Ɛsitɛɛ 7:4 Iomraidhean Croise

Neemi 5:5

Baa do iyi awaò inɛ nwa ŋa dimi akãi à jɛ, nɔ ama nwa ŋa a kù jɛ ikã do ti aŋa mɔ, do nŋu fei à tilasi wa ka ta nŋa ama nwa ŋau. Wee ama inaabo nwa ŋau nkpɔ nŋa í jɛ aru tã, nɔ a kaa ka yɔkɔ ka ce nkãma si na iyi í jɔ̀ andi iko nwa ŋa do jĩi ndii rezɛ̃ɛ nwa ŋau à jɛ ti ngu ŋa tã.

Ɛsitɛɛ 3:13

Woo bɛ ŋa à so tia ŋau à waa kpɔ̃ɔ si ilɛu fei si bommai ilaaluu. Si tiau à na woodai à ni a saka Zuifu ŋa nɔ a kpa aŋa fei a maà ce araare nŋa, hai awaasũ do mɔkɔ ngbo fei, inaabo do ama keeke fei, nɔ a wusɛ amani nŋa ŋa a soo. Fei ndɛɛ aa cooi ajɔ akã si ajɔ maatɛtasiai cukpa maateejisia iyi à ya kpe Adaa.

Ɛsitɛɛ 3:9

Bii awɔ ilaalu ì yɔɔ iyi í sĩa, na wooda a kpa ŋa. Nɔ an na akawe woo ce icɛɛ ŋau isɔ fũfũ iyi kuwoɛ í to tɔnu cĩɔ mɛɛta a na a dasi amaniɛ.

Ɛsitɛɛ 7:5

Ŋɔi ilaalu Asuerusi í bee Ɛsitɛɛ í ni, yooi í ce lasabu dimi bɛɛbɛ, nɔ iwoi í wa.

Ɛsitɛɛ 7:6

Nɔ Ɛsitɛɛ í jɛa í ni, mbɛɛ nwa iyi wa kpã wa iju, nŋui í jɛ Hamaa inɛ laalɔu ihɛ̃. Ŋɔi njo í mu Hamaa si wajui ilaaluu do si wajui Ɛsitɛɛ.

Ɛsitɛɛ 8:11

À kɔ sii à ni, ilaalu í na Zuifu ŋa iyi à wa si bommau tengi bii à wa fei wooda í ni a tɔtɔɔ a kɔ̀ò ara nŋa. Í mu nŋa kpãa a kpa inɛ ŋa iyi aa na a ba ŋa igũ ku ce si ilɛ iyi í wa si bommau fei do si dimi baa yooma fei. Aa yɔkɔ a kpa baa abo nŋa ŋa mɔm do ama nŋa ŋa, nɔ a wusɛ amani nŋa ŋa a soo.

Ɛsitɛɛ 8:6

Nɔ í ni má, bɛirei an ce n maa n yɛ laalɔ iyi wa naa si inɛm ŋa do bɛi à waa kpa ŋa nɔ n maa n coko.

Ɛsitɛɛ 9:25

Amma Ɛsitɛɛ í koo í ba ilaalu, nɔ ilaaluu í na wooda í jɔ̀ à kɔɔ si tia à ni a jɔ̀ laalɔ iyi Hamaa í cea Zuifu ŋa sɔɔluɛu ku bii si irii nŋu takaɛ, nɔ a bagãɛ si jĩi nŋu do amaɛ ŋa.

Daniɛli 6:2

Dariusi í yɔɔ iyi si bommau, á sĩa a ce ikpɛ̃i ilɛu ikɔ cĩɔ do kɔnfia nɔ a jilɛ akawe ŋa si aŋa fei.

Amɔsu 2:6

Aɔ̃ Lafɛ̃ɛ í ni, dulum dii iŋɛ inɛi Izirɛli ŋa í la. Na nŋu, an jɔ̀ ijuukpã ku ba ŋɛi ntɔ ntɔ, si na iyi í jɔ̀ ì ta inɛ dee dee na fia nɔ ì ta ilu are na baata isɛ akã ŋa.

Luku 12:45

Amma bii í jɛ amaacɛ laalɔi, á lasabui ku ni, lafɛ̃ɛm kaa baa ńya má, nɔ ku dede ku maa cã inaabo do inɛmɔkɔ woo ce icɛ ŋa iyi à gbeu, nɔ ku maa jɛ ku maa mɔ atɛ̃ ku maa kpaa.

Wooda ku kɔsi 28:68

Aɔ̃ Lafɛ̃ɛ á gbã ŋɛ ku bɔò ŋɛ Ezibitii do akɔi inyi ŋa. Á jɔ̀ i sinda i nyi ilɛ bii ǹ sɔ̃ ŋɛ ǹ ni i kaa yɛ do iju má ŋau. Do ikpa bɛ, inɛmɔkɔ do inaabo ŋa, aa dɛdɛ bɛi aa ce i ta ara nŋɛ bi mbɛɛ nŋɛ ŋa i jɛ aru nŋa ŋa, amma inɛ kãma kaa bi ku ra ŋɛ.

Zozue 9:23

Bɛbɛi aa ka ceekpe ŋɛi nɔ i kaa fita si aru ku jɛ ŋa. Jĩi ŋai aa ya maa da ŋa, nɔ i ya maa kpã inyi i maa bɔò kpasɛ̃i Ilaaɔ̃ Lafɛ̃ɛm ŋa.

Samuɛli 1, 22:23

Bɛbɛi gbe bi tom ihɛ̃ nɔ i maà ce njoi nkãma má. Inɛ iyi wa dɛdɛ ku kpam wa dɛdɛ awɔ mɔ ku kpai. Bii ì wa bi titom an muɛ ku ce ncɛɛ.