Ɛsitɛɛ 7:10 - Bibeli do fee

¹⁰ Nɔ à bagãm Hamaa si jĩi iyi wa bi ku bagãm si Maadoseeu. Ŋɔi idɔɔkɔ̃i ilaaluu í bɛi í sũ.

Ɛsitɛɛ 7:10 Iomraidhean Croise

Kusintii Andunya 40:22

Amma inɛ ngboi woo ce pɛ̃ɛu í jɔ̀ à bagãm dɛɛ si bɛi Zozɛfu í fɔu.

Ɛsitɛɛ 2:1

Si anyii fei ndɛɛ, waati iyi idɔɔkɔ̃i ilaalu Asuerusi í na í sũ, ŋɔi í ye gigii Vasiti si mii iyi í tako í ce do ide iyi nŋu mɔ í jilɛ na iriɛ.

Ɛsitɛɛ 5:14

Ŋɔi Zerɛsi aboɛ do kpaasiɛ ŋau fei à sɔ̃ɔ à ni, dɛdɛ jĩi iyi kusɔɛ í to agbãawɔ ciitaa, ala daakɔ nɔ i sɔ̃ ilaaluu i ni ku jɔ̀ a bagãm Maadosee. Bii ì ce bɛɛbɛ aa yɔkɔ i sì ilaaluu jingauu do inɔ didɔ̃. Si bɛi ideu í dɔ̃a Hamaa si, ŋɔi í ce sɔɔlui jĩi nɔu.

Ɛsitɛɛ 7:7

Nɔ si bɛi idɔi ilaaluu í kɔ̃, í dede í fita hai bi ku ce jingauu í koo í lɔ inɔ lamboi kpasɛ̃ɛu. Ŋɔi Hamaa í gbe bɛ í wasi ku tɔɔ Ɛsitɛɛ suuru, domi í mà tã iyi ilaalu Asuerusi á kpa nŋui.

Ɛsitɛɛ 7:8

Nɔ í kanju í koo í sɛɛbata si daayi bii Ɛsitɛɛ í wau. Ŋɔi gbakã ilaalu wa baa hai lambou wa naa ku lɔ ileu. Nɔ í la siɛ í ni, ì nyi ì waa bi i tɔtɔɔ sɛ̃ɛ do Ɛsitɛɛ má bi tom ihɛ̃ hee si inɔ ilem? Hai ilaalu í fɔ bɛɛbɛ gbakã, woo ce icɛɛ ŋau à naa à bii wajui Hamaa do acɔ.

Ɛsitɛɛ 8:7

Ŋɔi ilaalu Asuerusi í jɛa Ɛsitɛɛ do Maadosee Zuifuu í ni, ǹ jɔ̀ à bagãm Hamaa si jĩi si na iyi í jɔ̀ wa kpã Zuifu ŋa iju, nɔ andi mii iyi í jɛ amaniɛ fei ǹ so ǹ na awɔ Ɛsitɛɛ.

Ɛsitɛɛ 9:14

Ŋɔi ilaaluu í nyi í na ŋa wooda nŋu mɔ má nɔ à fangaaɛ si ilui Suzeu bii fei. Nɔ í jɔ̀ à koo à kɔa ikui ama mɛɛwai Hamaa ŋau si jĩi.

Ɛsitɛɛ 9:25

Amma Ɛsitɛɛ í koo í ba ilaalu, nɔ ilaaluu í na wooda í jɔ̀ à kɔɔ si tia à ni a jɔ̀ laalɔ iyi Hamaa í cea Zuifu ŋa sɔɔluɛu ku bii si irii nŋu takaɛ, nɔ a bagãɛ si jĩi nŋu do amaɛ ŋa.

Zɔɔbu 18:8

Kutɛɛi á bɔòɛ bii à le taao, nɔ koo jɔ̀ taao ku muu.

Zɔɔbu 20:8

Í tã mbɛ bɛi ala, nɔ a kaa yɔɔ má. Á lɔi bɛi kuyɛ iyi inɛ í ce idũ.

Iri ku kɔ̃ 37:15

Amma taakuba nŋa ŋau si idɔ nŋai á lɔ, nɔ bioo nŋa ŋau aa cɛi.

Iri ku kɔ̃ 7:16

Í tuaa araɛ isa nla nla nɔ í cuku si isa iyi í tuu.

Iri ku kɔ̃ 94:23

Nŋui á jɔ̀ laalɔ iyi à ce, ku cuku si ŋa. Nŋui á ce nfei inɛ laalɔ ŋa ku kpa ŋa. Aɔ̃ Lafɛ̃ɛ nwai á ce nfe nŋa nɔ ku kpa ŋa.

Mɔnda ŋa 11:27

Inɛ iyi lasabuɛ fei í wa si jiida ku ce, inɛ ŋa aa saabuɛ, amma inɛ iyi lasabuɛ fei í wa si laalɔ ku ce, laalɔi á baa.

Mɔnda ŋa 11:8

Inɛ dee dee í ya fita hai si zigiida, nɔ inɛ laalɔ ku sãsi agbɛɛ.

Mɔnda ŋa 26:27

Inɛ iyi í tu isai á dasi ndɛɛ, nɔ inɛ iyi wa bimbili kutai kutau á sinda si wa.

Zeremi 34:17

Na ŋɔi í jɔ̀ Aɔ̃ Lafɛ̃ɛ í sɔ̃ ŋa í ni, i kù jirimam ŋa si gãmɛi kpaasi nŋɛ ŋa do inɛi kɔkɔ nŋɛ ŋa iyi ì ni aa jɔ̀ ŋa a nɛ ara nŋa ŋau ŋa. Na nŋu, amu Aɔ̃ Lafɛ̃ɛ ǹ wa n sɔ̃ ŋɛi iyi an naa nŋɛ ara ku nɛ wa do wahala dimi ikã ikã baa yooma fei. Hai igũ do patapoo do ari. Nɔ an jɔ̀ kuwɛɛ nŋɛ ku jɛaa bomma ŋa iyi à wa si andunya fei zigiidai.

Ezekiɛli 5:13

Aɔ̃ Lafɛ̃ɛ í ni, an nyisi idɔɔkɔ̃m nii hee kɔɔ. An sã gbesei si ŋa. Nɔ aa mà kãm kãm ŋa iyi amu Aɔ̃ Lafɛ̃ɛi ǹ ba ŋa ide ku fɔ si na iyi í jɔ̀ n kaa n maa n temuaò dee dee hai jɛ nŋau.

Daniɛli 6:24

Ŋɔi do inɔ didɔ̃ nla nla, ilaalu í na wooda í ni a nya Daniɛli wa hai si inɔ isau. Ŋɔi à nya Daniɛli wa hai si inɔ isau, nɔ nkãma kù coo si na iyi í jɔ̀ í dasi naanɛɛ si Ilaaɔ̃ Lafɛ̃ɛɛ.

Daniɛli 6:25

Ŋɔi ilaalu í na wooda í ni a gbã inɛ ŋa iyi à yɛ taalei Daniɛli ŋau a naaò ŋa wa nɔ a sɔsi ŋa si inɔ isa bii muusu nla ŋau à wau, aŋa do ama nŋa ŋa do abo nŋa ŋa. [Waati iyi à so inɛ ŋau à waa dasi ŋa,] hai a kù to baa inɔ isau mɔm nii muusu nla ŋau à zoo si ŋa wa nɔ à lɛgɛ kũkũ nŋa ŋa fei.

Zakari 6:8

Nɔ amalekau í kpem í sɔ̃m í ni, cɔ inɛ ŋa iyi à waa nɛ ikpa awɔ njɛi kpãai inunuu à jɔ̀ idɔɔkɔ̃m í sũ ikpa bɛ.

Woo kiiti ŋa 15:7

Nɔ Samusɔ̃ɔ í sɔ̃ ŋa í ni, bɛi ì ce ŋau bɛ, n kaa n leekĩ sɛ̃ɛ bii n kù sã si ŋɛ gbese.