Ɛsitɛɛ 6:1 - Bibeli do fee

¹ Idũ ajɔ nŋu ilaaluu kù yɔkɔ kù sĩ njoo. Ŋɔi í ni a koo a soa nŋu tiai ide ŋa iyi í ce si bommau wa, nɔ à koo à soo wa à naa à cioaa.

Ɛsitɛɛ 6:1 Iomraidhean Croise

Kusintii Andunya 22:14

Nɔ í sɔ inyau iri í ni, Aɔ̃ Lafɛ̃ɛ í jɔ̀ bukaata í kɔ̃. Ŋɔi í jɔ̀ baa nnyi à ya kpa mɔnda a ni, bukaata á kɔ̃ si iri kutai Aɔ̃ Lafɛ̃ɛ.

Ɛsitɛɛ 10:2

Mii nla nla ŋa iyi ilaaluu í ce do wɔɔkɔ fei, do yaase bɛi í so Maadosee Zuifuu lele si inya nla nlau fei à ce faajiɛ si tiai ide ŋa iyi í ce si bommai ilaalui ilɛi Mɛɛdi do Pɛɛsi ŋau.

Ɛsitɛɛ 2:21

Ajɔ nŋu gɔ Maadosee wa ce icɛ kpasɛ̃i ilaalu. Ŋɔi Bigitani do Terɛsi inɛmɔkɔ bantãm minji gɔ ŋa iyi à jɛ woo degbe andɛ koofai inɔ ile ŋau, idɔ nŋa í kɔ̃ si ilaaluu, nɔ à waa busi njɛ bɛi aa ce a kpaa.

Ɛsitɛɛ 2:22

Ŋɔi Maadosee í gbɔ ideu nɔ í koo í sɔ̃ Ɛsitɛɛ, ŋɔi Ɛsitɛɛ mɔ í sisia ilaaluu ideu í ni Maadoseei í sɔ̃ nŋu.

Ɛsitɛɛ 2:23

Ŋɔi à wusɛ ideu nɔ à ba wee ntɔi. Nɔ à gbã inɛ minji ŋau à koo à bagãm ŋa. Nɔ à kɔ ideu si waatii ilaaluu si tiai ide ŋa iyi í ce si bommau.

Ɛsitɛɛ 5:8

Bii í jɛ ǹ ba didɔ̃ si wajuɛi, nɔ bii ì tã sɔɔlu i nam mii iyi ǹ bi feii, ǹ bi awɔ do Hamaa i nyi wa i naa i jɛ jingau iyi an ce nŋɛ má ala. Waati bɛɛbɛ an sɔ̃ɛ mii iyi ǹ bi.

Ezai 41:17

Ilu are ŋa do hai nɛ gbugbã ŋa à ya maa dɛdɛ inyi, amma a ci ya ba. Agbɛ í ya jɔ̀ amɛ nŋa ku gbɛi. Amu Aɔ̃ Lafɛ̃ɛ an jɛ nŋa. Amu Aɔ̃ Lafɛ̃ɛi Izirɛli, n kaa n fũsi ŋa awɔ.

Daniɛli 2:1

Nebukanɛsaa í ce ala si adɔ̃ minjisiai bomma ku jɛɛ. Alau í jɔ̀ í biti ntɔ ntɔ hee njoo í nya siɛ.

Daniɛli 6:18

Ŋɔi à koo à so kuta nla nla gɔ wa à naa à cĩmboò andɛi isau. Nɔ ilaaluu í dasi nyindai nŋu takaɛ do ti akawe nlaɛ ŋau. Do yaase bɛɛbɛ, inɛ kãma kaa yɔkɔ ku kpaasi ngɔgɔ si gãmɛi mii iyi í nɛ ku ba Daniɛli.

Malasi 3:16

Ŋɔi inɛ ŋa iyi à waa jirima Aɔ̃ Lafɛ̃ɛ ŋa à fɔ si njɛ. Aɔ̃ Lafɛ̃ɛ í de si ŋa itĩ í gbɔ ide nŋa. Nɔ à jilɛ tia gɔ iyi í jɛ ti gigi ku ye si wajuɛ si bii à kɔ irii inɛ ŋa iyi à mà bɛɛrɛɛ nɔ à waa jirimaɛ.

Romu 11:33

Irei ì gbɔ bɛi amanii Ilaaɔ̃ do bisiɛ do kumàɛ í la í to. Inɛ gɔ kaa yɔkɔ ku mà yaasei lasabuɛ. Inɛ gɔ mɔ kù nɔ kù wɛɛ iyi á mà kpãaɛ sãa sãa.