Ɛsitɛɛ 5:9 - Bibeli do fee

⁹ Ajɔ nŋu bɛ Hamaa í fita hai inɔ kpasɛ̃i ilaalu inaabou do inɔ didɔ̃. Amma iyi í yɛ Maadosee bi anu koofai ilaaluu, nɔ í ba wee kù dede mɔm hee má jɛ ku jirima nŋu, ŋɔi idɔɛ í kɔ̃ siɛ ntɔ ntɔ.

Ɛsitɛɛ 5:9 Iomraidhean Croise

Ilaalu 1, 21:4

Ŋɔi Akabu í bɔ kpasɛ̃ɛ do inɔ kufɔ do idɔɔkɔ̃, si na iyi í jɔ̀ Nabɔti í sɔ̃ɔ í ni, n kaa n naɛ tubui balam ŋa. Ŋɔi í koo í gũ antaii daayiɛ í sũ í sinda wajuɛ ikpa bi idĩ nɔ í kɔ̀ sɔnda ku jɛ.

Ilaalu 1, 21:6

Ŋɔi í jɛaa í ni, ǹ koo ǹ sɔ̃ Nabɔti inɛi Yizireɛliu ǹ ni ku taam ikoi jĩi ndii rezɛ̃ɛɛ, walakɔ n kpaasi do iyi í ce jiida í re titɛɛu. Amma í kɔ̀.

Ɛsitɛɛ 2:19

Ŋɔi à sisi à waa tɔtɔɔ mudɛ̃ɛ ŋa má. Waati bɛɛbɛ Maadosee wa ce icɛi bi ilaaluu.

Ɛsitɛɛ 3:2

Woo ce icɛi ilaalu ŋau fei à ya maa gulɛi a maa sɛɛbata si wajui Hamaa, domi ilaaluui í na wooda bɛɛbɛ. Í gbe Maadosee nŋu akã iyi í kɔ̀ ku ce bɛɛbɛ.

Ɛsitɛɛ 3:5

Ŋɔi Hamaa í ba wee ntɔ ntɔi Maadosee í kɔ̀ ku sɛɛbata si wajui nŋu, nɔ idɔɛ í kɔ̃.

Ɛsitɛɛ 5:13

Amma do nŋu fei, nŋu ci ya nɛ inɔ didɔ̃ bii nŋu í na í yɛ Maadosee Zuifuu wa buba anu koofai ilaaluu.

Zɔɔbu 20:5

inɔ didɔ̃i igũ ku jɛi woo ce laalɔ ŋa ci ya sɔ. Nɔ bɛɛbɛi inɔ didɔ̃i inɛ iyi kù mà bɛɛrɛi Ilaaɔ̃ ci ya kpɛ.

Zɔɔbu 31:31

Yooi n kù na iŋa kù ŋɔ kù yo. Inɛ ŋa iyi à wa kpasɛ̃m fei à jɛ sɛɛda.

Iri ku kɔ̃ 15:4

Í ya kɔ̀si woo yaako inɛ ŋa, í ya mà bɛɛrɛi inɛ ŋa iyi à waa jirima Aɔ̃ Lafɛ̃ɛ. Ci ya ce kuwã iyi kù kɔ̃ɔ.

Iri ku kɔ̃ 27:3

Bii mbɛɛ ŋa à faata sim wa, idɔm ci ya dede. Nɔ bii à dede igũ, ǹ ya n nɛ naanɛi dim dim.

Daniɛli 3:13

Ŋɔi idɔi Nebukanɛsaa í kɔ̃ ntɔ ntɔ, nɔ í na wooda í ni a naaò Sadaaki do Mesaaki do Abɛdi-Nego wa. Nɔ à gbã ŋa à kooò ŋa bi ilaaluu.

Matie 10:28

I maà ce njoi inɛ ŋa iyi aa kpa ara nŋu akã, nɔ a kaa yɔkɔ a kpa hunde. Amma i ce njoi inɛ iyi á yɔkɔ ku kpa ara do hunde ajɔ si ina iyi ci ya ku.

Matie 2:16

Ŋɔi ilaalu Herodu í yɛ iyi woo mà leleaɔ̃ ŋau à lɛlɛ nŋui, ŋɔi idɔɛ í kɔ̃ jiida jiida. Ŋɔi í ce dooi waati iyi woo mà ŋau à yɛ leleaɔ̃u í fita, ŋɔi í jɔ̀ à koo à kpa ama inɛmɔkɔ kpɔtɔɔ ŋa hee ku koo si do amai adɔ̃ minji ŋa fei si ilui Betelehɛmu do ilɛɛkoɛ ŋa fei.

Luku 6:25

Inɔ kufɔi á jɛ ti iŋɛ iyi ì wa si ayo si nsɛi, domi ari á na ku kpa ŋɛ. Inɔ kufɔi á jɛ ti iŋɛ iyi ì waa nyaanyi si nsɛi, domi aa na i kpata i maa cã kpokpo ŋa.

Laabaau jiida iyi Zãa í kɔ 16:20

Ntɔ ntɔ ǹ wa n sɔ̃ ŋɛi, aa kpata i weewea ŋa, amma inɛi andunya ŋa aa nɛ inɔ didɔ̃i. Aa wɛɛ do inɔ kufɔ ŋa, amma inɔ kufɔ nŋɛ á na ku kpaasi inɔ didɔ̃.

Woo bɛ ŋa 7:54

Iyi inɛ ŋau à gbɔ ideu ŋɔi idɔ nŋa í kɔ̃ si Etiɛni hee à waa ŋɔ amaawɔ nŋa ŋa.

Zaaki 4:9

I jɔ̀ i wɛɛ do inɔ kufɔ ŋa, i buba gɔɔwoo nŋɛ do kukpata. I jɔ̀ anyi nŋɛ ku kpaasi do kukpata, nɔ inɔ didɔ̃ nŋɛ ku jɛ nŋɛ inɔ kufɔ.