Ɛsitɛɛ 5:4 - Bibeli do fee

⁴ Ŋɔi Ɛsitɛɛ í jɛaa í ni, bii á sĩaɛ si, ǹ bi awɔ do Hamaa ì naa idem nnyi ŋa i naa i jɛ jingau iyi ǹ ceɛ sɔɔluɛ.

Ɛsitɛɛ 5:4 Iomraidhean Croise

Kusintii Andunya 27:25

Ŋɔi Izaaki í ni, naaò mɛɛmui sakou wa n ŋɔ ku ba n weeɛ. Ŋɔi Zakɔbu í sɛkɛɛ siɛ í náa iŋau í ŋɔ nɔ í so vɛ̃ɛ má í náa í mɔ.

Kusintii Andunya 32:20

Ide dimi akã bɛɛbɛ mɔi í sɔ̃ inɛ minjisiau do inɛ mɛɛtasiau do inɛ ŋa iyi à waa too mɛɛmu ŋau fei. Í ni, bii ì ko Esau i sɔ̃ɔ bɛɛbɛ ŋa.

Ɛsitɛɛ 1:9

Nɔ Vasiti aboi ilaaluu mɔ í nya jingau iyi í jɛ ti inaabo ŋa si inɔ kpasɛ̃i mɔkɔu.

Ɛsitɛɛ 3:15

Woo bɛ ŋau à kooi gbãa gbãa si bɛi ilaaluu í na wooda, nɔ ideu í fangaa hee do si ilu nlai Suzeu fei. Nɔ waati iyi inɛi ilui Suze ŋau fei à wɛɛò inɔ kufɔ nla nla, waati bɛɛbɛi ilaaluu do Hamaa à buba à waa mɔ atɛ̃ nŋa.

Ɛsitɛɛ 5:3

Ŋɔi ilaaluu í beeɛ í ni, mii í ce Ɛsitɛɛ. Mii ì bi. Ǹ tã sɔɔlu n naɛ baa bubui bommam.

Ɛsitɛɛ 5:5

Nɔ ilaaluu í bɛ ama í ni ku sɛi koo kpe Hamaa wa, domi bɛɛbɛi Ɛsitɛɛ í bi. Ŋɔi aŋa minji fei à koo à jɛ jingau iyi Ɛsitɛɛ í ce sɔɔluɛu.

Ɛsitɛɛ 5:8

Bii í jɛ ǹ ba didɔ̃ si wajuɛi, nɔ bii ì tã sɔɔlu i nam mii iyi ǹ bi feii, ǹ bi awɔ do Hamaa i nyi wa i naa i jɛ jingau iyi an ce nŋɛ má ala. Waati bɛɛbɛ an sɔ̃ɛ mii iyi ǹ bi.

Iri ku kɔ̃ 112:5

Inɛ jiida í ya wɛ̃a inɛi do inɔ akã. Í ya maa ce wũaɛ ŋai ku maa jirimaò wooda.

Mɔnda ŋa 29:11

Nnyɛi í ya fitaò idɔɔkɔ̃ɛi anu akã, amma ilu laakai í ya mu tɛɛi ku maa cokoò.

Kɔrɛnti 1, 14:20

Iŋɛ inɛm ŋa, i maà ya wũa ide bɛi ama keeke ŋa má ŋa. Bii í jɛ idei laalɔ ku cei, í sĩa i yɛ bɛi ama keeke ŋa iyi a kù mà laalɔ ku ce, amma si kpãai ide ku wũa i jɔ̀ i yɛ bɛi inɛ ngbo ŋa.