Ɛsitɛɛ 5:2 - Bibeli do fee

² Iyi í yɛ Ɛsitɛɛ wa leekĩ si bantumau, ŋɔi í cɔɔ do iju jiida nɔ í toaa goloi wura iyi wa mu si awɔu. Ŋɔi Ɛsitɛɛ í nɛ wa í naa í mu imɔi golou.

Ɛsitɛɛ 5:2 Iomraidhean Croise

Kusintii Andunya 32:28

Ŋɔi mɔkɔu í beeɛ í ni, irei iriɛ. Nɔ í jɛ í ni, amui Zakɔbu.

Neemi 1:11

Lafɛ̃ɛ, jɔ̀ i sotĩ i gbɔ kutɔɔm, amu woo ce icɛɛ, do ti woo ce icɛɛ ŋa iyi à bi aŋa a mà bɛɛrɛɛ. Jɔ̀ isɛɛnɛm nɔu ku dɔ̃ bi ilaaluu, nɔ ku cɔm do iju jiida. Waati bɛɛbɛ amui ǹ jɛ woo bu atɛ̃i ilaaluu.

Ɛsitɛɛ 2:9

Ŋɔi Ɛsitɛɛ í sĩaa Hegai si nɔ í ceaa didɔ̃. Ŋɔi í naa mii baa yooma fei iyi á jɔ̀ ku maa maaju, nɔ í ya maa naa sɔnda jiida. Nɔ si inɔ kpasɛ̃i ilaaluu í cicaa ama mudɛ̃ɛ mɛɛje ŋa iyi aa ya maa ceaa icɛ, nɔ í dasiɛ inɔ ile iyi í sĩa í re si inɔ kpasɛ̃ bii inaabo ŋa à wau.

Ɛsitɛɛ 4:11

ku ni, inɛ fei hai woo ce icɛi ilaalu ŋau do inɛi ilɛ ŋa iyi à wa si bommaɛ fei à mà iyi wooda wa ganji inɛ ŋa a lɔ bi ilaalu. Inɛmɔkɔ walakɔ inaabo iyi í lɔ si inɔ bantumai kpasɛ̃i ilaaluu, bii kù jɛ ilaalui í kpoo, lafɛ̃ɛ á kui, í gbe bii ilaaluu í toaa goloi wuraɛ. Iyi í jɛ ti idei amu takam, ajɔ kuntaai ihɛ̃ bɛbɛi iyi a kù kpem bi ilaaluu.

Ɛsitɛɛ 8:4

Ŋɔi ilaaluu í toa Ɛsitɛɛ goloi wurau, nɔ í dede í leekĩ si wajuɛ

Iri ku kɔ̃ 116:1

Ǹ bi Aɔ̃ Lafɛ̃ɛ, domi í ya gbɔ imum waati iyi ǹ kpoo.

Mɔnda ŋa 21:1

Idɔi ilaalu í yɛi bɛi acãi inyi si awɔi Aɔ̃ Lafɛ̃ɛ. Nŋui í ya maa sindaɛ bɛi í bi.

Woo bɛ ŋa 10:4

Ŋɔi í cɔ amalekau í kãsiɛ iju ŋɔi njo í muu nɔ í beeɛ í ni, Lafɛ̃ɛ, mii í ce. Ŋɔi amalekau í jɛaa í ni, Ilaaɔ̃ í gbɔ kutɔɔɛ, nɔ kù gbɛjɛ yaase bɛi ì sobi ilu are ŋau.

Woo bɛ ŋa 7:10

ŋɔi í nyaa hai si wahalaɛ fei. Í muaa bisi nɔ í jɔ̀ í nɛ bɛɛrɛ bi Faraɔ̃ ilaalui Ezibitiu. Ŋɔi Faraɔ̃ í coo minjisiaɛ si ilɛu nɔ í jɔ̀ í jɛ inɛ ngboi kpasɛ̃ɛ má.