Ɛsitɛɛ 5:1 - Bibeli do fee

¹ Iyi anu ku dĩi ajɔ mɛɛtau í kpa iri, ŋɔi Ɛsitɛɛ í dasi ibɔi ilaaluɛ í koo í leekĩ si inɔ bantumai kpasɛ̃i ilaaluu tengii anui ileɛ. Wee ilaaluu í wa kabaɛ wa buba si kitãi bommaɛ kɔkɔi anui ileu.

Ɛsitɛɛ 5:1 Iomraidhean Croise

Ɛsitɛɛ 1:11

nɔ í sɔ̃ ŋa í ni a gbã Vasiti aboi nŋu wa do fulai bommaɛ a naaɛ wa si wajui nŋu ku ba ku nyisi akawe nla ŋau do inɛ ŋa iyi à wa bɛ fei zaka bɛi kusĩaɛ í to, domi abou í sĩai ntɔ ntɔ.

Ɛsitɛɛ 2:5

Wee Zuifu gɔ í wa Suze bɛ à ya kpoo Maadosee. Amai Yaiii nɔ wa jɛ tɔkui Simei, Simei mɔ tɔkui Kisii si dimii Bɛnzamɛɛ.

Ɛsitɛɛ 4:11

ku ni, inɛ fei hai woo ce icɛi ilaalu ŋau do inɛi ilɛ ŋa iyi à wa si bommaɛ fei à mà iyi wooda wa ganji inɛ ŋa a lɔ bi ilaalu. Inɛmɔkɔ walakɔ inaabo iyi í lɔ si inɔ bantumai kpasɛ̃i ilaaluu, bii kù jɛ ilaalui í kpoo, lafɛ̃ɛ á kui, í gbe bii ilaaluu í toaa goloi wuraɛ. Iyi í jɛ ti idei amu takam, ajɔ kuntaai ihɛ̃ bɛbɛi iyi a kù kpem bi ilaaluu.

Ɛsitɛɛ 4:16

koo tɔtɔɔ Zuifu ŋa iyi à wa Suzeu fei a cea nŋu anu ku dĩ ajɔ mɛɛta do idũ mɛɛta, a maà jɛ nɔ a maà mɔ nkãma. Bɛɛbɛ mɔi í ni nŋu takai nŋu á dĩ anu do woo ce icɛi nŋu ŋa nɔ baa do iyi wooda í ganji fei, nŋu á bɔ bi ilaaluu, nɔ bii í jɛ nŋu á kui, nŋu ku ku.

Ɛsitɛɛ 4:17

Ŋɔi Maadosee í koo í ce bɛi Ɛsitɛɛ í sɔ̃ɔu.

Ɛsitɛɛ 6:4

Ŋɔi ilaaluu í bee í ni, inɛ gɔ kù wa si bantumai kpasɛ̃u bɛ? Wee í ko Hamaa í lɔ wa si inɔ bantumau, wa naa ku sɔ̃ ilaaluu ku jɔ̀ a bagãm Maadosee si jĩi iyi nŋu í ce sɔɔluɛu.

Ɛsitɛɛ 8:15

Ŋɔi Maadosee í fita wa hai idei ilaaluu, wa dasi ibɔi amanlu. Ibɔu í yɛ boogu nɔ í nɛ fũfũ. Nɔ í dasi fulai wura nla nla gɔ do ibɔ kumboo nkpa gɔ. Ŋɔi si inɔ ilui Suze bii fei inɛ ŋa à wasi ku dɔ̃ anu do inɔ didɔ̃.

Matie 10:16

Jesu í sɔ̃ ŋa má í ni, wee ǹ wa n bɛ ŋɛ nɔ aa yɛ ŋai bɛi angudã ŋa si inɔi mbo ŋa. Na nŋu, i jɔ̀ i nɛ bisi bɛi njo ŋa, nɔ i jɛ hai ce laalɔ bɛi ankasiidi ŋa.

Matie 11:8

To, mii ì bɔ ku cɔ ŋa. Mà mɔkɔ iyi wa dasi ibɔ kusĩau. Aawo, inɛ ŋa iyi à waa dasi ibɔi fia nkpɔ, aŋai à ya wa kabai ilaalu ŋa.

Matie 27:64

Na nŋu, jɔ̀ a maa degbe balɛu hee ku to zakai ajɔ mɛɛta, ku ba mɔcɔɛ ŋa a maà naa a nya ikuu, a bɛi a koo a sɔ̃ inɛ ŋa a ni, í jĩ hai si balɛ. Waati bɛɛbɛ iboi ankãanyiu ihɛ̃ á na ku re baa ti takou má.

Luku 22:30

ku ba i jɛ nɔ i mɔ do amu si bommam ŋa, nɔ i buba si batai amanlu ŋa i kiitiò dimi maateejii Izirɛli ŋau.

Kuyɛi Zãa 3:21

Inɛ iyi í jɛ igũ, lafɛ̃ɛi an jɔ̀ ku bam ku buba si kitãi bommam, si bɛi amu mɔ ǹ jɛ igũ nɔ ǹ buba do Baam si kitãi bommaɛ.