Ɛsitɛɛ 4:5 - Bibeli do fee

⁵ Ŋɔi Ɛsitɛɛ í kpe Hataku inɛ akãi woo degbeɛ ŋa iyi ilaalu í jilɛau, nɔ í bɔɔ koo bee Maadosee mii iyi wa ce, do mii iyi í jɔ̀ wa ce bɛɛbɛ.

Ɛsitɛɛ 4:5 Iomraidhean Croise

Ɛsitɛɛ 1:10

Si ajɔ mɛɛjesiai jingauu ilaaluu í wɛɛò inɔ didɔ̃ na atɛ̃ vɛ̃ɛu iyi í mɔ. Ŋɔi í kpe inɛmɔkɔ bantãm mɛɛje ŋa iyi à jɛ woo ce icɛɛ waati kãma feiu. Iri nŋa wee. Mehumaa do Bizitaa do Haabona do Bigitaa do Abaguta do Zetaa do Kaakasi,

Ɛsitɛɛ 1:12

Inɛ ŋau à koo à sɔ̃ Vasiti bɛi ilaaluu í dɔ̃, amma í kɔ̀ ku koo. Ŋɔi idɔi ilaaluu í kɔ̃ ntɔ ntɔ.

Ɛsitɛɛ 4:10

Nɔ Ɛsitɛɛ í bɛ Hataku koo sɔ̃ Maadosee má,

Ɛsitɛɛ 4:4

Ŋɔi inaabo woo ce icɛi Ɛsitɛɛ ŋau do woo degbeɛ ŋa à naa à sisiaa mii ŋa iyi aŋa à yɛ, ŋɔi zigiɛ í da ntɔ ntɔ. Nɔ í sambaa Maadosee ibɔ ŋa ku ba ku bɔ ibɔi saakiu ku nyɔɔ, amma í kɔ̀ ku gba.

Ɛsitɛɛ 4:6

Ŋɔi Hataku í koo í ba Maadosee bi bantuma iyi í wa wajui kabai bommau.

Ɛsitɛɛ 4:9

Ŋɔi Hataku í naa í sisia Ɛsitɛɛ ide ŋa iyi Maadosee í fɔu fei.

Romu 12:15

Inɛ ŋa iyi à wa si inɔ didɔ̃ i ba ŋa inɔ didɔ̃ ku kpɛ̃, inɛ ŋa mɔ iyi à waa kpata i ba ŋa ku kpata ŋa.

Kɔrɛnti 1, 12:26

Bii ikɔ̃i ara gɔ í ba wahala, nŋu do iyi à gbe ŋau feii à ya gbɔ ara kurou ajɔ. Bɛɛbɛ mɔi bii à saabu gɔgɔ, nŋu do iyi à gbe ŋau fei à ya nɛ inɔ didɔ̃i ajɔ.

Filipi 2:4

Nɔ kãma nŋɛ gɔ ku maà ya ce lasabui iri nŋu akã, amma ku ya ce lasabui inɛ mmu ŋa mɔ má.

Ebɛɛ 4:15

domi woo wee nla iyi à nɛu á yɔkɔ ku ce araarei gbugbã hai nɛ nwa si na iyi í jɔ̀ à lɛlɛɛ ku ceò laalɔ si mii fei bɛi awa mɔ, amma kù ce dulum.