Ɛsitɛɛ 4:4 - Bibeli do fee

⁴ Ŋɔi inaabo woo ce icɛi Ɛsitɛɛ ŋau do woo degbeɛ ŋa à naa à sisiaa mii ŋa iyi aŋa à yɛ, ŋɔi zigiɛ í da ntɔ ntɔ. Nɔ í sambaa Maadosee ibɔ ŋa ku ba ku bɔ ibɔi saakiu ku nyɔɔ, amma í kɔ̀ ku gba.

Ɛsitɛɛ 4:4 Iomraidhean Croise

Kusintii Andunya 37:35

Ama inɛmɔkɔ do ama inaaboɛ ŋa fei à naa siɛ à na a tũ idɔɛ, amma í kɔ̀ ku gbɔ ide nŋa. Í ni nŋu á maa kpata akũi ama nŋui hee nŋu koo yɔɔò bi kuwai iku ŋa. Nɔ í kpata akũi amaɛui waati sisɔ.

Ilaalu 2, 9:32

Ŋɔi Yehu í wu iju í cɔ fɛrɛntiu nɔ í ni, yooi í jɛ inɛm, yoo. Ŋɔi inɛ ngboi woo ce icɛi ilaalu ŋau aŋa minji walakɔ mɛɛta à waa cɔɔ wa hai do fɛrɛntiu.

Ɛsitɛɛ 1:12

Inɛ ŋau à koo à sɔ̃ Vasiti bɛi ilaaluu í dɔ̃, amma í kɔ̀ ku koo. Ŋɔi idɔi ilaaluu í kɔ̃ ntɔ ntɔ.

Ɛsitɛɛ 4:3

Si ilɛ iyi í wa si bommau fei, bii tiai ilaaluu í to fei, Zuifu ŋa à ya wɛɛò inɔ kufɔ nla nlai. Ŋɔi à ya dĩ anu a maa kpataò, nɔ inɛ nkpɔ nkpɔ nŋa ibɔi saakii à ya dasi a maa sũò si ilúlu.

Ɛsitɛɛ 4:5

Ŋɔi Ɛsitɛɛ í kpe Hataku inɛ akãi woo degbeɛ ŋa iyi ilaalu í jilɛau, nɔ í bɔɔ koo bee Maadosee mii iyi wa ce, do mii iyi í jɔ̀ wa ce bɛɛbɛ.

Iri ku kɔ̃ 77:2

Ǹ dɔ̃ anu hee lele si Ilaaɔ̃. Si Ilaaɔ̃i ǹ wa n dɔ̃ anu á nɔ ku gbɔɔm.

Ezai 56:3

Nɔ inɛ njoo iyi í na Aɔ̃ Lafɛ̃ɛ araɛ ku maà fɔ ku ni, Aɔ̃ Lafɛ̃ɛ á fɛɛfɛɛm do inɛɛ ŋa. Nɔ inɛmɔkɔ bantãm mɔ ku maà fɔ ku ni, amu jĩi ngbɛi,

Zeremi 31:15

Aɔ̃ Lafɛ̃ɛ í nyi í fɔ má í ni, aa maa gbɔ anu ku dɔ̃ ŋai ikpa Rama, aa maa gbɔ kukpatai do buubuu ku cã. Rasɛlii á maa kpata na irii amaɛ ŋa, nɔ baa bii à waa lɛlɛɛ, kaa jɛ domi amu ŋau a kù wɛɛ má.

Woo bɛ ŋa 8:27

Ŋɔi Filipu í dede í nɛ. Si kpãau, ŋɔi í yɛ inɛi Etiopi gɔ. Inɛɛu akawe nla nlai. Nŋui í ya maa mu amanii inaabo ilaalui Etiopi iyi à kpe Kandaasi. Í naa Zeruzalɛmui Ilaaɔ̃ ku gulɛa,

Samuɛli 1, 8:15

Si mii ŋa iyi ì gbɛ̃ ŋa, si inɔi mɛɛwa fei á ya nya akãi ku na ciikuɛ ŋa do akaweɛ ŋa.