Ɛsitɛɛ 4:16 - Bibeli do fee

¹⁶ koo tɔtɔɔ Zuifu ŋa iyi à wa Suzeu fei a cea nŋu anu ku dĩ ajɔ mɛɛta do idũ mɛɛta, a maà jɛ nɔ a maà mɔ nkãma. Bɛɛbɛ mɔi í ni nŋu takai nŋu á dĩ anu do woo ce icɛi nŋu ŋa nɔ baa do iyi wooda í ganji fei, nŋu á bɔ bi ilaaluu, nɔ bii í jɛ nŋu á kui, nŋu ku ku.

Ɛsitɛɛ 4:16 Iomraidhean Croise

Kusintii Andunya 18:19

An sɔ̃ɔi domi nŋui ǹ nya ku ba ku sɔ̃ amaɛ ŋa do tɔkuɛ ŋa a too kpãam, a maa nɛ dee dee nɔ a maa ce jiidaɛ. Bɛɛbɛi an kɔ̃ò kuwã iyi ǹ ceaau.

Kusintii Andunya 43:14

Aɔ̃ Lafɛ̃ɛ ilu gbugbã fei ku jɔ̀ inɛɛu ku ce araare nŋɛ, nɔ ku jɔ̀ iŋɛ do Bɛnzamɛɛ do igbãɛ i baa ŋa. Bi ti amu, bɛbɛi bii ǹ kua amam ŋa, kù jɛ taale.

Samuɛli 2, 10:12

Ka maà ti ka tɛkɛɛò anyi, ka ce wɔɔkɔ na zamaa nwa do ilui Ilaaɔ̃ Lafɛ̃ɛ nwa ŋau, nɔ Aɔ̃ Lafɛ̃ɛ ku ce bɛi í sĩaa.

Ilaalu 2, 7:4

Bii à lasabu ka bɔ inɔ ilui aa ka ku, si na iyi í jɔ̀ sɔnda kù wɛɛ. Bii ihɛ̃ mɔi à wa, aa ka ku. Debɛi kaa dasi inɔ asɔi soogei Siri ŋau. Bii à jɔ̀ wa, nɔ ka wɛɛ, bii à kpa wai, nɔ ka ku.

Bomma 2, 20:3

Zigii Zozafati wa da, nɔ í lasabu nŋu ku dɛdɛ Aɔ̃ Lafɛ̃ɛ. Nɔ í jilɛ anu ku dĩ si dimii Zudaa fei.

Ɛsidarasi 8:21

Tengii itĩi idoi Ahavau, tengi bɛi ǹ ni a ce anu ku dĩ ka sũa Aɔ̃ Lafɛ̃ɛ nwa iri ilɛ ku ba ku jɔ̀ ka ce isɛɛnɛ nwa do laakai ku sũ, hai awa taka nwa do nyaanze nwa ŋa do mii ndu wa ŋa fei.

Ɛsitɛɛ 4:15

Ŋɔi Ɛsitɛɛ í ni a koo a sɔ̃ Maadosee

Ɛsitɛɛ 4:17

Ŋɔi Maadosee í koo í ce bɛi Ɛsitɛɛ í sɔ̃ɔu.

Ɛsitɛɛ 4:3

Si ilɛ iyi í wa si bommau fei, bii tiai ilaaluu í to fei, Zuifu ŋa à ya wɛɛò inɔ kufɔ nla nlai. Ŋɔi à ya dĩ anu a maa kpataò, nɔ inɛ nkpɔ nkpɔ nŋa ibɔi saakii à ya dasi a maa sũò si ilúlu.

Ɛsitɛɛ 5:1

Iyi anu ku dĩi ajɔ mɛɛtau í kpa iri, ŋɔi Ɛsitɛɛ í dasi ibɔi ilaaluɛ í koo í leekĩ si inɔ bantumai kpasɛ̃i ilaaluu tengii anui ileɛ. Wee ilaaluu í wa kabaɛ wa buba si kitãi bommaɛ kɔkɔi anui ileu.

Ɛsitɛɛ 9:31

Nɔ à kɔ má à ni Zuifu ŋau a jɛ jingaui Purimu si waati iyi à dau, si bɛi à tako à fɔ wo. Zuifu ŋa aŋa taka nŋai à jilɛ jingauu ti aŋa taka nŋa do tɔku nŋa ŋa, nɔ à ni aa ce anu ku dĩ do kukpata a bɛi a jɛ jingauu.

Ezai 22:12

Aɔ̃ Lafɛ̃ɛi lele do ilɛ í kpe ŋɛ ajɔ nŋu í ni i kpata nɔ i maa weewea ŋa. I wa iri nŋɛ ŋa, nɔ i we saaki ŋa i nyisiò inɔ kufɔ nŋɛ.

Zeremi 36:9

Ide ŋau bɛ í cei si adɔ̃ miiusiai bomma ku jɛi Zoakimu amai Zoziasi ilaalui Zudaa si cukpa mɛɛsãsiai adɔ̃u. À kpe zamaai Zeruzalɛmu do ti Zudaau fei wa a naa a ce anu ku dĩu si wajui Aɔ̃ Lafɛ̃ɛ.

Daniɛli 2:18

ku ba a tɔɔ araarei Ilaaɔ̃ Lafɛ̃ɛi lele si gãmɛi asiii alau bɛ, ku ba a maà a na a ce nfei nŋu Daniɛli do kpaasiɛ ŋa do woo mài Babilɔni ŋa iyi à gbe ŋau.

Matie 12:40

domi si bɛi Zonasi í ce dasã mɛɛta do idũ mɛɛta si inɔi cɛ̃ɛ nlau, bɛɛbɛ mɔi Amai Amanɛ á ce dasã mɛɛta do idũ mɛɛta si balɛ.

Luku 9:24

Nɔ inɛ iyi wa bi ku ba kuwɛɛɛ do idɔɔbiɛ kaa baa. Amma inɛ iyi í nyɔ kuwɛɛɛ na irim, lafɛ̃ɛi á baa do ntɔ.

Laabaau jiida iyi Zãa í kɔ 19:22

Ŋɔi Pilati í ni, iyi ǹ kɔ tã ǹ kɔɔi.

Woo bɛ ŋa 10:7

Iyi amalekau í baa ide ku fɔ í tã í nɛ, ŋɔi Kɔɔnɛi í kpe inɛ minji gɔ ŋa si inɔi woo ce icɛɛ ŋau. Nɔ si inɔi sooge ŋa iyi à ya wa kɔkɔɛu í kpe inɛ akã gɔ má iyi í mà bɛɛrɛi Ilaaɔ̃.

Woo bɛ ŋa 20:24

Amma kuwɛɛm kù jɛ ngɔgɔ bi tom, n kù nɔ n kù wa n saaluɛ, amu de n ba n tambɔ icɛm iyi Jesu Lafɛ̃ɛ í dasim n ce. Icɛu nŋui í jɛ n sisi laabaau jiidai didɔ̃ iyi Ilaaɔ̃ í ce nwa.

Woo bɛ ŋa 21:13

Amma í ni, na mii í ce ì waa kpata bɛɛbɛ ŋa ì waa ganji wɔɔkɔm ŋa. Ǹ tã sɔɔlu n ku na irii icɛi Lafɛ̃ɛ Jesu Zeruzalɛmu bɛ, kù jɛ ku dĩ nŋu akã.

Woo bɛ ŋa 27:33

Si bɛi à waa degbe iju kumáu ŋɔi Pɔlu í tɔɔ aŋa fei a jɛ. Í ni, ajɔ maatɛ̃ɛ wai ihɛ̃ ì waa dɛ kpãai faaba ŋa i kù nɔ i kù jɛ ngɔgɔ ŋa.

Woo bɛ ŋa 9:9

Í fɛɛju ajɔ mɛɛta, kù jɛ kù mɔ.

Romu 16:4

aŋa iyi a kù saalu baa kuwɛɛ nŋa ku ba a faaba ti amu. Kù jɛ amu akãi ǹ wa n saabu ŋa, hee do igbɛi inɛi Jesu ŋa iyi à jɛ dimi mmu ŋau fei à waa saabu ŋa.

Filipi 2:30

domi í maai iku si icɛi Kirisi. Í ta hundeɛ í naaò sobi iyi iŋɛ taka nŋɛ i kù ba fayaɛ i naam wa ŋa wo.

Zozue 24:15

Bii ì nɔ ì yɔɔ iyi i kaa cea Aɔ̃ Lafɛ̃ɛ icɛ ŋai, to, i cica inɛ iyi ì bi i cea icɛ ŋa. Iwɛ̃ ŋa iyi bala nŋɛ ŋau à ya tako à maa tɔɔ do icei idoui ì bi i cea icɛ ŋa de, mà iwɛ̃i inɛi Amɔre ŋa si ilɛ bii ì wa ŋau. Amu de, amu do inɛi kpasɛ̃m ŋa Aɔ̃ Lafɛ̃ɛi aa ka cea icɛ.

Samuɛli 1, 19:5

Nɔ kù saalu baa kuwɛɛɛ í kpaò inɛi Filisiu nɔ Aɔ̃ Lafɛ̃ɛ í faabaò inɛi Izirɛli ŋa fei. Awɔ takaɛ ì yɔɔ nɔ ì wɛɛò inɔ didɔ̃. Na mii í ce aa ce dulum i kpa Davidi ngbɛ ngbɛ, nŋu iyi kù ce taale gɔ.