Ɛsitɛɛ 4:1 - Bibeli do fee

¹ Waati iyi Maadosee í gbɔ ideu í ga ibɔɛ ŋa, nɔ í dasi ibɔi saaki nɔ í fãsi ilúlu si iriɛ. Nɔ wa dabii si inɔ iluu bii fei wa dɔ̃ò anu do ara kuro nla nla.

Ɛsitɛɛ 4:1 Iomraidhean Croise

Kusintii Andunya 27:34

Iyi Esau í gbɔ ideu hai si gɛlɛi baaɛ ŋɔi í dɔ̃ anu hee lele do inɔ kufɔ nla nla nɔ í sɔ̃ baaɛu í ni, baaba, cea amu mɔ kuwee.

Kusintii Andunya 37:34

Ŋɔi í mu ibɔɛ í gaa na inɔ kufɔ nɔ í so saaki í we. Nɔ í ce akũi amaɛu ajɔ nkpɔ nkpɔ.

Samuɛli 2, 1:11

Ŋɔi Davidi í mu ibɔɛ ŋa iyi wa dasi í gaa, nɔ inɛ ŋa iyi à wa kɔkɔɛ ŋa fei à ce bɛi Davidi í ceu à nyisiò inɔ kufɔ nŋa.

Samuɛli 2, 13:19

Ŋɔi si inɔ kufɔ nla nlaɛu í kosi iriɛ ilúlu, nɔ í ga ibɔ sisɔ ku nɛ ila nkpɔɛu. Ŋɔi í le awɔ si iri í dɔ̃ anu í kpata wa nɛò.

Ɛsitɛɛ 4:2

Iyi í to anu koofai ilaaluu nɔ í leekĩ, domi wooda kù wɛɛ inɛ kãma ku lɔ bɛ do jĩnɛi inɔ kufɔ.

Ɛsitɛɛ 4:3

Si ilɛ iyi í wa si bommau fei, bii tiai ilaaluu í to fei, Zuifu ŋa à ya wɛɛò inɔ kufɔ nla nlai. Ŋɔi à ya dĩ anu a maa kpataò, nɔ inɛ nkpɔ nkpɔ nŋa ibɔi saakii à ya dasi a maa sũò si ilúlu.

Zɔɔbu 1:20

Ŋɔi Zɔɔbu í dede í ga ibɔɛ nɔ í wa iriɛ ku nyisiò inɔ kufɔɛ nɔ í sɛɛbata ilɛ

Zɔɔbu 2:8

Ŋɔi Zɔɔbu í dɛdɛ kpakpaadɛ̃ í ya maa kɔkɔɔò, nɔ í koo wa buba si ilúlu.

Zɔɔbu 42:6

Na ŋɔi í ce iyi ǹ fɔ wo n kù fɔ má. Nɔ ǹ kaye aram ǹ koo ǹ wa n buba si sãa do si ilúlu.

Ezai 15:4

Inɛi ilui Hɛsebɔ̃ɔ do Eleale ŋa à wasi ku dɔ̃ anu. À waa gbɔ anu ku dɔ̃ nŋau wa hai bɛ hee ku naa Yahasi. Na ŋɔi í jɔ̀ woo ja igũi Moabu ŋau à wasi ku dɔ̃ anu, nɔ à wɛɛò inɔ kufɔ.

Ezai 22:4

Na ŋɔi í jɔ̀ ǹ ni, i maa bitandi ara nŋɛ na irim ŋa. I jɔ̀ n kpata ŋa ntɔ ntɔ, nɔ i maà bitandi ara nŋɛ i maa dɛdɛ i lɛlɛɛm ŋa na wahala iyi í ba inɛm ŋau ihɛ̃.

Ezai 37:1

Waati iyi ilaalu Ezekiasi í gbɔ baaui ideu bɛɛbɛ, ŋɔi í ga ibɔɛ ŋa, nɔ í so jĩnɛi inɔ kufɔ í dasi í bɛi í bɔ kpasɛ̃i Aɔ̃ Lafɛ̃ɛ.

Ezai 37:2

Ŋɔi í bɛ inɛ ŋa bi walii Ezai amai Amɔɔsuu. Inɛ ŋa iyi í bɛ ŋau wee. Eliakimu inɛ ngboi woo ce icɛi kpasɛ̃ɛu, do Sebuna woo kɔ tiaɛu, do inɛ ŋa iyi à ce inɛ ngbo à re si inɔi woo wee ŋau. Inɛ ŋau mɔ, jĩnɛi inɔ kufɔ ŋai à dasi à bɛi à bɔò bi walii Ezaiu.

Ezai 58:5

Anu ku dĩ dimi bɛɛbɛi ǹ bi si ajɔ iyi inɛ wa kpa araɛ ari? Inɛ ku kɔmba iri ilɛ bɛi njee nɔ ku dasi jĩnɛi inɔ kufɔ ku bɛi ku maa sũ si ilúlui? Nŋu bɛi ì waa kpe anu ku dĩ do ajɔ iyi á dɔ̃a amu Aɔ̃ Lafɛ̃ɛ si?

Ezekiɛli 21:11

Awɔ amanɛ, kakaa, i kɔmba na inɔ kufɔ nla nla. Aa maa kakaai si wajui inɛ fei.

Ezekiɛli 21:6

Ŋɔi Aɔ̃ Lafɛ̃ɛ í bam ide ku fɔ má í ni,

Daniɛli 9:3

Ŋɔi ǹ lɔsi kutɔɔ ku ce do anu ku dĩ. Ǹ dasi jĩnɛ ŋa iyi inɛ ŋa à ya dasi bii iku í ce, nɔ ǹ kosi irim ilulu. Si anyii nŋu, nɔ ǹ sinda si Ilaaɔ̃ Lafɛ̃ɛ ǹ wasi ku tɔɔɛ.

Misee 1:8

Amu Misee, an kpata n maa n weewea n maa n nɛ isɛ ngbɛ, nɔ n maa n nɛ basĩ. An maa n dɔ̃ anui bɛi ajaako, nɔ n maa n dɔ̃ anu bɛi taataa.

Sofoni 1:14

Ajɔ nlai Aɔ̃ Lafɛ̃ɛu í maai wa. Í maai wa, nɔ wa naai gbãa gbãa. Ibai ajɔi Aɔ̃ Lafɛ̃ɛu í jɔ̀ woo ja igũ wa dɔ̃ anu na zigiida.

Matie 11:21

Í ni, inɔ kufɔ nla nlai á jɛ tu ŋɛ, iŋɛ inɛi Kɔrazɛ̃ɛ ŋa. Iŋɛ mɔ inɛi Bɛsaida ŋa, inɔ kufɔ nla nlai á jɛ tu ŋɛ. Maamaake ŋa iyi à ce si ilu nŋɛ ŋau ihɛ̃, bii í jɛ Tii do Sidɔ̃ɔi à coo wo, inɛi ilu ŋau aa dĩ saaki a kpataò na irii dulum du ŋa nɔ a kpaasi idɔ hai ku kpɛ.

Woo bɛ ŋa 14:14

Amma iyi woo bɛ minji ŋau à gbɔ ideu, à ga ibɔ nŋa ŋa à waa nyisiò iyi aŋa a kù jɛsi, nɔ à sɛi à waa nɛò bi zamaau à dɔ̃ anu à waa ni,

Zozue 7:6

Ŋɔi Zozue í ga ibɔɛ ŋa nɔ í sɛɛbata si wajui kpakoi akabuui Aɔ̃ Lafɛ̃ɛ hai daakɔ hee alɛ í koo í lɛò, nŋu do inɛ ngboi Izirɛli ŋau, nɔ à kosi iri nŋa ŋa sãa a nyisiò inɔ kufɔ nŋa.

Kuyɛi Zãa 11:3

Nɔ í ni nŋu á jɔ̀ woo jɛ sɛɛda minjii nŋu ŋau a fɔ idei nŋu. Aa maa we saaki ŋa, nɔ nŋu á na ŋa kpãa a ceò walii si afei ajɔ dubu do cĩɔ minji do kita (1.260).