Ɛsitɛɛ 3:5 - Bibeli do fee

⁵ Ŋɔi Hamaa í ba wee ntɔ ntɔi Maadosee í kɔ̀ ku sɛɛbata si wajui nŋu, nɔ idɔɛ í kɔ̃.

Ɛsitɛɛ 3:5 Iomraidhean Croise

Ɛsitɛɛ 1:12

Inɛ ŋau à koo à sɔ̃ Vasiti bɛi ilaaluu í dɔ̃, amma í kɔ̀ ku koo. Ŋɔi idɔi ilaaluu í kɔ̃ ntɔ ntɔ.

Ɛsitɛɛ 3:2

Woo ce icɛi ilaalu ŋau fei à ya maa gulɛi a maa sɛɛbata si wajui Hamaa, domi ilaaluui í na wooda bɛɛbɛ. Í gbe Maadosee nŋu akã iyi í kɔ̀ ku ce bɛɛbɛ.

Ɛsitɛɛ 3:4

Ajɔ fei à ya maa beeɛi amma ci ya gbɔ ide nŋa. Ŋɔi ajɔ nŋu gɔ í sɔ̃ ŋa í ni nŋu Zuifui. Ŋɔi à sisia Hamaa ku ba a cɔ mà á nyi ku kɔ̀ ku sɛɛbata má.

Ɛsitɛɛ 5:9

Ajɔ nŋu bɛ Hamaa í fita hai inɔ kpasɛ̃i ilaalu inaabou do inɔ didɔ̃. Amma iyi í yɛ Maadosee bi anu koofai ilaaluu, nɔ í ba wee kù dede mɔm hee má jɛ ku jirima nŋu, ŋɔi idɔɛ í kɔ̃ siɛ ntɔ ntɔ.

Zɔɔbu 5:2

Idɔɔkɔ̃i í ya kpa inɛ iyi í ce nnyɛi, nɔ igu ku jai í ya kpa hai nɛ yaase.

Iri ku kɔ̃ 37:12

Ilu inɔ kukã lasabu laalɔi í ya maa ce na inɛ dee dee, nɔ í ya maa ŋɔ inyíi na iriɛ.

Mɔnda ŋa 12:16

Nnyɛi í ya jɔ̀ à yɛ idɔɔkɔ̃ɛi anu akã, amma ilu laakai í ya tɛ̀ araɛi.

Mɔnda ŋa 19:19

Ilu idɔɔkɔ̃ yaamɔ í nɛ a jɔ̀ ku sãi. Bii a kù jɔ̀ ku sã, á muaa kpãa ku ce mái.

Mɔnda ŋa 21:24

Woo yaako inɛ fei ilu faaui do woo tɔɔ fufu. Faau hai nɛ yaasei í ya maa tale siɛ si mii iyi wa ce fei.

Woo lasabu 10:6

Í jɔ̀ à so nnyɛi ŋa à jilɛ ŋa si bi ku ce icɛ nla nla ŋa, nɔ ilu bɛɛrɛ ŋa à wa si bi ku ce icɛ hai nɛ bɛɛrɛ ŋa.

Daniɛli 3:19

Ŋɔi idɔi Nebukanɛsaa í kɔ̃ ntɔ ntɔ si Sadaaki do Mesaaki do Abɛdi-Nego. Nɔ í na wooda í ni si inya bii ina nla nla í ya wau, a dasi ina a gbãaɛ ku re zaka bɛi à tako à nɛ dɔ̃ɔnɛu ikɔ mɛɛje.