Ɛsitɛɛ 3:12 - Bibeli do fee

¹² Ŋɔi si ajɔ maatɛtasiai cukpa sinteu à kpe woo kɔ tiai ilaalu ŋau, nɔ bɛi Hamaa wa sɔ̃ ŋa fei à wasi ku kɔɔ. Nɔ amanlu ŋai à waa kɔa do inɛ ngboi ilɛ ŋau do inɛ ŋa iyi à jɛ inɛ ngbo si dimi ikã ikã fei. À kɔ tiaui ikã ikã si dimii kukɔ iyi inɛ ŋa à mà, do si fee iyi inɛ ŋa à waa fɔ fei si bommau. À kɔɔi do irii ilaaluu do sɛɛdai nŋu takaɛ.

Ɛsitɛɛ 3:12 Iomraidhean Croise

Ilaalu 1, 21:8

Ŋɔi abou í kɔ tia ŋa do irii Akabu nɔ í ce si nyindai Akabu. Ŋɔi í samba ŋa bi inɛ ngbo ŋa do bi woo cuai ilui Nabɔti ŋa.

Ɛsidarasi 8:36

Si anyiɛ nɔ à sisia ilu ilɛ ŋa do inɛ ngbo ŋa iyi à wa ikpa nunui alɛi idoi Efaratau ide ŋa iyi ilaaluu í sɔ̃ ŋa wau. Ŋɔi inɛ ŋau à sobi inɛi Izirɛli ŋau si kpasɛ̃i Ilaaɔ̃u ku ma.

Ɛsitɛɛ 1:22

Í jɔ̀ à kɔ tiau do fee ikã ikã iyi inɛ ŋa à ya fɔ si ilɛu fei. Si tiau í ni, inɛmɔkɔi í sĩa ku jɛ inɛ ngboi kpasɛ̃ɛ. Nɔ í samba tiau si ilɛ ikã ikã iyi í wa si bommaɛ.

Ɛsitɛɛ 3:11

Nɔ í sɔ̃ɔ í ni, mu fiaɛ. Inɛ ŋau mɔ, ce nŋa bɛi ì bi.

Ɛsitɛɛ 8:2

Iyi Maadosee í koo ŋɔi ilaaluu í nya lɛlɛawɔɛ iyi í tako í na Hamaau í so í naa. Si anyiɛ nɔ Ɛsitɛɛ í jilɛ Maadosee si kpasɛ̃i Hamaa ku maa cɔɔa.

Ɛsitɛɛ 9:27

Zuifu ŋa à so ajɔ ŋau bɛi í baa í jɛ jingaui dedemba iyi a kaa yɔkɔ a kpaasiɛ. Aa ya maa cooi hee koo too si tɔku nŋa ŋa. Nɔ inɛ ŋa mɔ iyi à kpaasi ara nŋa Zuifu, aŋa mɔ aa ya cooi. Adɔ̃ fei aa ya cooi ajɔ minji si bɛi à kɔɔu bii waatiɛ í to.

Daniɛli 3:10

Nɔ à mɔsi do ide nŋa má à ni, ilaalu, ì na wooda ì ni, inɛ baa yooma iyi í gbɔ anu ku dɔ̃i kuu, do ti yee, do ti gitaa, do ti mɔɔlɔ, do ti kundigi hee do ti jĩnɛi iri ku kɔ̃ ikã ikãu fei, í nɛ ku sɛɛbatai ku tɔɔ mii iyi à ce do wurau,

Daniɛli 6:12

Ŋɔi gbakã mbɛɛ ŋau à kanju wa nɔ à naa à ba Daniɛli í wasi ku ce kutɔɔ wa kpe Ilaaɔ̃ Lafɛ̃ɛɛ.

Daniɛli 6:15

Iyi ilaaluu í gbɔ ideu bɛɛbɛ, inɔɛ í fɔ ntɔ ntɔ. Ŋɔi í dasi idɔ nŋu ku faaba Daniɛli, nɔ í wasi kookaaiɛ ku ce hee alɛ í koo í lɛò.

Daniɛli 6:25

Ŋɔi ilaalu í na wooda í ni a gbã inɛ ŋa iyi à yɛ taalei Daniɛli ŋau a naaò ŋa wa nɔ a sɔsi ŋa si inɔ isa bii muusu nla ŋau à wau, aŋa do ama nŋa ŋa do abo nŋa ŋa. [Waati iyi à so inɛ ŋau à waa dasi ŋa,] hai a kù to baa inɔ isau mɔm nii muusu nla ŋau à zoo si ŋa wa nɔ à lɛgɛ kũkũ nŋa ŋa fei.

Daniɛli 6:8

Inɛ ngbo ŋa iyi à wa si bommai ilɛu, do akawe ŋa do ilu ilɛ ŋau à ce kutɔtɔɔ. Si kutɔtɔɔ nŋau, ikɔ iyi à waa bi a naɛ wee. À yɔɔi iyi zakai ajɔ kuntaa, ì nɛ i jilɛ woodai iyi á ganji inɛ gɔ ku tɔɔ inɛ mmu gɔ walakɔ iwɛ̃ gɔ bii kù jɛ awɔ. Nɔ si afei ajɔ kuntaau bɛ, inɛ baa yooma iyi wa ce kutɔɔ do irii iwɛ̃ gɔ, walakɔ do irii inɛ mmu gɔ, bii kù jɛ do irii awɔ ilaalu, a so lafɛ̃ɛ a sɔsiɛ si inɔ isa bii muusu nla ŋa à wau.