Ɛsitɛɛ 3:1 - Bibeli do fee

¹ Si anyii nŋu, ŋɔi ilaalu Asuerusi í kɔ̃ɔsi gbugbãi Hamaa amai Hamedata tɔkui Agagi. Í soo lele í jɔ̀ í jɛ minjisiaɛ, nɔ í jɛ inɛ ngboi akaweɛ ŋa.

Ɛsitɛɛ 3:1 Iomraidhean Croise

Kusintii Andunya 41:40

An ceɛ ilu kpasɛ̃m. Inɛm ŋa fei aa ya gbɔ ideɛ. Batai bommai ilaalum nŋu akãi an reɛ do.

Kusintii Andunya 41:55

Waati iyi ariu í to si inɛi Ezibiti ŋau fei gbakã à ya koo a bee Faraɔ̃ mii ku jɛi. Nɔ nŋu mɔ í ya jɛa aŋa fei ku ni a bɔ bi Zozɛfu nɔ a ce bɛi á sɔ̃ ŋa.

Ɛsidarasi 7:14

Amu takam do inɛ mɛɛje ŋa iyi à jɛ woo kɔm ŋa, awai à waa bɛɛ Zeruzalɛmu si ilɛi Zudaa ku ba i koo i yɛ yaase bɛi woodai Aɔ̃ Lafɛ̃ɛɛ iyi awɔ takaɛ ì waa mu kukɔɛu wa nɛ.

Ɛsitɛɛ 1:14

Si inɔ nŋa, inɛ mɛɛje ŋa iyi à ya wa bi ilaalu waati kãma feiu à tɔtɔɔ. Iri nŋa wee. Kaasena do Setaa do Adimata do Taasi do Merɛsi do Maasena do Memukani, aŋai à jɛ akawe nla mɛɛjei ilɛi Pɛɛsi do Mɛɛdi. Ilaaluu wa naanɛ ŋa nɔ icɛ nŋa í nɛ gbugbã si bommau í re.

Ɛsitɛɛ 3:10

Ŋɔi ilaaluu í nya lɛlɛawɔɛ iyi í jɛ sɛɛdai nŋu takaɛ í na Hamaa mbɛɛi Zuifu ŋau. Hamaau amai Hamedatai nɔ wa jɛ tɔkui Agagi.

Ɛsitɛɛ 5:11

Ŋɔi Hamaa wa tɔɔ fufu si waju nŋa na amaniɛ ŋa iyi í nɛ do bɛi kukpɔi amaɛ ŋa í to do bɛi ilaaluu í jɔ̀ í nɛ bɛɛrɛ nla nla í re woo ce icɛ ŋau fei do akawe ŋau.

Ɛsitɛɛ 7:6

Nɔ Ɛsitɛɛ í jɛa í ni, mbɛɛ nwa iyi wa kpã wa iju, nŋui í jɛ Hamaa inɛ laalɔu ihɛ̃. Ŋɔi njo í mu Hamaa si wajui ilaaluu do si wajui Ɛsitɛɛ.

Ɛsitɛɛ 8:3

Nɔ Ɛsitɛɛ í nyi í sisi wa tɔɔ ilaaluu suuru má. Í koo í gulɛ si wajuɛ do kukpata wa tɔɔɛ ku ganji laalɔ iyi Hamaa tɔkui Agagi í jilɛ ku ba a kpa Zuifu ŋau.

Iri ku kɔ̃ 12:8

Baa bii inɛ laalɔ ŋa à waa dabii bii fei, nɔ inɛ ŋa à bɛjɛ à waa koo, Aɔ̃ Lafɛ̃ɛ, awɔi aa maa mu awa hai nɛ gbugbã ŋau, nɔ i maa degbe wa si awɔi inɛ laalɔ ŋau bɛ do ajɔ fei.

Mɔnda ŋa 29:2

Bii inɛ dee dee ŋa à waa mu ilɛu inɔi zamaau í ya maa dɔ̃i, amma bii inɛ laalɔ ŋai à waa muu, zamaau í ya maa dɔ̃ anui.

Woo lasabu 10:6

Í jɔ̀ à so nnyɛi ŋa à jilɛ ŋa si bi ku ce icɛ nla nla ŋa, nɔ ilu bɛɛrɛ ŋa à wa si bi ku ce icɛ hai nɛ bɛɛrɛ ŋa.

Daniɛli 6:2

Dariusi í yɔɔ iyi si bommau, á sĩa a ce ikpɛ̃i ilɛu ikɔ cĩɔ do kɔnfia nɔ a jilɛ akawe ŋa si aŋa fei.

Kuka 24:7

À yɛi bɛi inyi iyi í kɔ̃ wa nikã wa hai si soo ŋa, nɔ amaajɛ ku gbɛ̃ ŋau í ce jiida na kukpɔi inyiu. Ilaalui inɛi Izirɛli ŋau á jɛ Agagi igũ, nɔ bommaɛ ku nɛ gbugbã.

Samuɛli 1, 15:33

Amma Samuɛli í sɔ̃ɔ í ni, do taakubaɛi ì kpaò inɛ ŋa ì jɔ̀ iyei amu ŋa à kua ama nŋa ŋa. Bɛɛbɛ mɔi iyeɛ á kua amaɛ. Nɔ Samuɛli í cafeɛ si wajui Aɔ̃ Lafɛ̃ɛ Giligali bɛ.

Samuɛli 1, 15:8

Í kpa zamaau fei do taakuba, í gbe Agagi ilaalu nŋa nŋu akã iyi í mu.