Ɛsitɛɛ 2:9 - Bibeli do fee

⁹ Ŋɔi Ɛsitɛɛ í sĩaa Hegai si nɔ í ceaa didɔ̃. Ŋɔi í naa mii baa yooma fei iyi á jɔ̀ ku maa maaju, nɔ í ya maa naa sɔnda jiida. Nɔ si inɔ kpasɛ̃i ilaaluu í cicaa ama mudɛ̃ɛ mɛɛje ŋa iyi aa ya maa ceaa icɛ, nɔ í dasiɛ inɔ ile iyi í sĩa í re si inɔ kpasɛ̃ bii inaabo ŋa à wau.

Ɛsitɛɛ 2:9 Iomraidhean Croise

Kusintii Andunya 39:21

Amma Aɔ̃ Lafɛ̃ɛ í wɛɛ do nŋu nɔ í ceaa didɔ̃. Nɔ inɛ ngboi woo degbe ile piisɔ̃ɔu í buu jiida.

Kusintii Andunya 39:4

Na ŋɔi í jɔ̀ í cɔɔ do iju jiida nɔ í coo inɛ ngboi inɛ ŋa iyi à waa ce icɛ inɔ kpasɛ̃ɛ ŋau fei nɔ mii iyi í nɛ fei í daa si awɔ.

Ilaalu 1, 8:50

Kpa idei dulum dii zamaaɛ ŋau do kurara iyi à ceɛ fei, nɔ jɔ̀ inɛ ŋa iyi à waa mu ŋa aruu a ce araare nŋa,

Ɛsidarasi 7:6

Ɛsidarasiu hai ilɛi Babilɔnii í naa. Í jɛ inɛ gɔ iyi í ce cio í nɛ kumài wooda iyi Aɔ̃ Lafɛ̃ɛi inɛi Izirɛli ŋa í na Moiziu sãa sãa. Mii ŋa iyi í tɔɔ fei ilaaluu í naa si bɛi awɔi Ilaaɔ̃ í wa siɛ.

Neemi 2:8

Si anyiɛ nɔ a nam tia akã má iyi á jɛ ti Azafu woo degbe agboɛu ku ba ku nam jĩi ŋa iyi aa ka ceò gamboi ile ku nɛ gbugbã iyi í ya wa kɔkɔi kpasɛ̃i Aɔ̃ Lafɛ̃ɛu do ti bindii iluu do ti ile bii an koo n wa. Ŋɔi ilaaluu í nam tia ŋau, domi awɔ jiidai Ilaaɔ̃ Lafɛ̃ɛm wa bii anyim.

Ɛsitɛɛ 2:12

Mudɛ̃ɛ fei, cukpa maateejii í nɛ ku ce, bɛi à jilɛa inaabo ŋau. Waati bɛɛbɛ boodai aa ce cukpa mɛɛfa sinteu do ikpoi miru, cukpa mɛɛfa iyi ihɔ̃ mɔ do tuae do mii mmu ŋa iyi inaabo ŋa à ya ceò booda. Si anyi nŋu, aŋa fei aa bɔ bi ilaaluui akã akã.

Ɛsitɛɛ 2:3

Na nŋu nsɛi, cica akawe ŋa iyi à wa ilɛ mmu ŋa si bommaɛ a tɔtɔɔ mudɛ̃ɛ ŋa iyi à sĩa wa si ilui Suze, inɛ ŋa iyi a kù mà mɔkɔ. Nɔ i jɔ̀ Hegai inɛmɔkɔ bantãm woo degbe inaabo ŋau ku maa cɔ ŋa si inɔ kpasɛ̃ bi kuwai inaabo ŋa iyi à jɛ aboɛ ŋa awɔ ilaalu. Nŋui á maa na ŋa mii ku ce booda ŋa.

Ɛsitɛɛ 5:2

Iyi í yɛ Ɛsitɛɛ wa leekĩ si bantumau, ŋɔi í cɔɔ do iju jiida nɔ í toaa goloi wura iyi wa mu si awɔu. Ŋɔi Ɛsitɛɛ í nɛ wa í naa í mu imɔi golou.

Iri ku kɔ̃ 106:46

Í jɔ̀ inɛ ŋa iyi à waa mu ŋa aru ŋau fei à ce araare nŋa.

Mɔnda ŋa 16:7

Bii Aɔ̃ Lafɛ̃ɛ í saabu si kucei inɛ gɔ í ya jɔ̀ baa lafɛ̃ɛ do mbɛɛɛ ŋa a dɔ̃i.

Daniɛli 1:9

Ŋɔi Ilaaɔ̃ í jɔ̀ inɛ ngboi akawe nla ŋau í jɛsi kutɔɔi Daniɛliu do bɛɛrɛ do jiida ku jɛ.

Woo bɛ ŋa 7:10

ŋɔi í nyaa hai si wahalaɛ fei. Í muaa bisi nɔ í jɔ̀ í nɛ bɛɛrɛ bi Faraɔ̃ ilaalui Ezibitiu. Ŋɔi Faraɔ̃ í coo minjisiaɛ si ilɛu nɔ í jɔ̀ í jɛ inɛ ngboi kpasɛ̃ɛ má.