Ɛsitɛɛ 10:3 - Bibeli do fee

³ Bɛɛbɛi Maadosee í na í jɛ minjisiai ilaalu Asuerusi. Í jɛ ilu jirima nɔ Zuifu inɛɛ ŋau fei à nɛ kubiɛ. Wa dɛdɛ jiida ku jɛi inɛɛ ŋa do aranfãani nŋa.

Ɛsitɛɛ 10:3 Iomraidhean Croise

Kusintii Andunya 41:40

An ceɛ ilu kpasɛ̃m. Inɛm ŋa fei aa ya gbɔ ideɛ. Batai bommai ilaalum nŋu akãi an reɛ do.

Kusintii Andunya 45:10

Ku naa wa ku na ku buba si ilɛi Gosɛni nɔ ku wa kɔkɔm, nŋu do amaɛ ŋa do tɔkuɛ ŋa do mɛɛmuɛ ŋa, hai angudãɛ ŋa do iwoɛ ŋa do kɛtɛɛ ŋa, andi mii iyi í jɛ mii ndɛɛ ŋa fei de.

Kusintii Andunya 45:11

An ya n maa n woo tengi bɛ, domi ariu á nyi ku ce má zakai adɔ̃ miiu. Na nŋu, bii í wa kɔkɔm ihɛ̃ bukaatai mii iyi í nɛ fei, an naa, nŋu do inɛi kpasɛ̃ɛ ŋa do andi mii iyi í jɛ titɛɛ fei.

Bomma 2, 28:7

Zikiri sooge ilu wɔɔkɔi Efaraimu í kpa Maaseya amai ilaalu do Azurikamu inɛ ngboi kpasɛ̃i ilaaluu, do Elikana minjisiai ilaaluu.

Neemi 2:10

Ŋɔi Sanbala inɛi Horɔ̃ɔ do Tobiya inɛi Amɔɔ iyi í jɛ minjisiaɛu, à gbɔ ideu nɔ inɔ nŋa í fɔ ntɔ ntɔ do bɛi inɛ gɔ wa naa inɛi Izirɛli ŋa ku cea jiida.

Ɛsitɛɛ 2:5

Wee Zuifu gɔ í wa Suze bɛ à ya kpoo Maadosee. Amai Yaiii nɔ wa jɛ tɔkui Simei, Simei mɔ tɔkui Kisii si dimii Bɛnzamɛɛ.

Ɛsitɛɛ 3:2

Woo ce icɛi ilaalu ŋau fei à ya maa gulɛi a maa sɛɛbata si wajui Hamaa, domi ilaaluui í na wooda bɛɛbɛ. Í gbe Maadosee nŋu akã iyi í kɔ̀ ku ce bɛɛbɛ.

Daniɛli 5:16

Nɔ ǹ gbɔ à ni ì ya gbɔ yaasei mii ŋa iyi à gaabu fei nɔ ì ya ba iwɔi ide kugaabu ŋa mɔ fei. To, nsɛi bii í jɛ aa yɔkɔ i ciom kukɔu ihɛ̃ nɔ i tusɛɛm yaaseɛ, aa daɛ si ibɔ kusĩa ŋa, nɔ a daɛ si sabai wura si kɔ̃ɔ, nɔ si bommai ilɛu, inya mɛɛtasiau, titɛɛi á jɛ.

Daniɛli 5:29

Ŋɔi gbakã Bɛlisasaa í ni a daa Daniɛli si ibɔ kusĩau, nɔ a daa si sabai wura, nɔ a naa inya mɛɛtasiai bommai ilɛu.

Daniɛli 6:3

Nɔ í jilɛ nŋa inɛ ngbo mɛɛta. Daniɛli í wa si inɔi inɛ ngbo mɛɛta ŋau, nɔ nŋui aa ya na a sisia yaase bɛi wũai ilɛu fei wa nɛ ku ba inɛ kãma ku maà kɔ̀ ku sã iyi í nɛ ku jɛ ti ilaaluu.

Romu 10:1

Iŋɛ inɛm ŋa, iyi ǹ bi si idɔm fei do iyi ǹ wa n tɔɔ Ilaaɔ̃, nŋui í jɛ dimim ŋa a ba faaba.

Romu 14:18

Inɛ iyi wa cea Kirisi icɛ si yaase bɛɛbɛ, lafɛ̃ɛi Ilaaɔ̃ á bi, nɔ baa amanɛ ŋa aa saabuɛ.

Samuɛli 1, 18:16

Amma inɛi Izirɛli do inɛi Zudaa ŋau fei à bi Davidi si na iyi í jɔ̀ í ya cua nŋa à bɔò igũ.

Samuɛli 1, 23:17

í ni, maà ce njo má, domi Saulu kaa baɛ. Awɔi aa naa i jɛ bommai Izirɛli nɔ amu mɔ n jɛ minjisiaɛ. Nɔ baa Saulu baam takaɛ í mà sãa sãa.