Ɛsitɛɛ 1:6 - Bibeli do fee

⁶ Sɔbe ŋa iyi à gbe do dimii kuta kusĩa gɔ ŋai à wa bɛ, si bii à dĩ isɔ fũfũ gɔ ŋa iyi à ce bɛi lɛlɛawɔ. Si isɔ ŋaui à kɔa acɔ fũfũ jiida ŋa do nkpa, à dĩ ŋa do ikũ fũfũ do nkpa à ce boodaɛ. À jilɛ kitãi wura sisɔ ŋa, do kitãi isɔ fũfũ sisɔ ŋa si ilɛ iyi à tɛsi dimii kuta kusĩa gɔ ŋa, gɔgɔ ŋa à jɛ nkpa, gɔgɔ ŋa mɔ fũfũ do dũdũ do fũfũ fɛɛ fɛɛ.

Ɛsitɛɛ 1:6 Iomraidhean Croise

Ɛsitɛɛ 7:8

Nɔ í kanju í koo í sɛɛbata si daayi bii Ɛsitɛɛ í wau. Ŋɔi gbakã ilaalu wa baa hai lambou wa naa ku lɔ ileu. Nɔ í la siɛ í ni, ì nyi ì waa bi i tɔtɔɔ sɛ̃ɛ do Ɛsitɛɛ má bi tom ihɛ̃ hee si inɔ ilem? Hai ilaalu í fɔ bɛɛbɛ gbakã, woo ce icɛɛ ŋau à naa à bii wajui Hamaa do acɔ.

Ɛsitɛɛ 8:15

Ŋɔi Maadosee í fita wa hai idei ilaaluu, wa dasi ibɔi amanlu. Ibɔu í yɛ boogu nɔ í nɛ fũfũ. Nɔ í dasi fulai wura nla nla gɔ do ibɔ kumboo nkpa gɔ. Ŋɔi si inɔ ilui Suze bii fei inɛ ŋa à wasi ku dɔ̃ anu do inɔ didɔ̃.

Kufita 26:1

Ŋɔi Aɔ̃ Lafɛ̃ɛ í sɔ̃ Moizi má í ni, wɔ̃ acɔ mɛɛwa do ikũ ku nɛ gbugbã ŋa. Ikũ ku nɛ gbugbã ŋau ikũ boogu do nkpa do boogu iyi à yɔgɛɛ do nkpai. Nɔ i ce booda iyi í jɔ amaleka ŋa iyi à ya kpe serubɛ̃ɛ si acɔ ŋau jiida jiida. Nɔ do acɔ ŋau bɛi aa ceò ilei acɔu.

Ezekiɛli 23:41

Ì waa buba si kitã sisɔ gɔ nɔ à jilɛ taabu gɔ si wajuɛ. Si bɛi ì waa jo tuae do ikpo ku dɔ̃ inunu gɔ iyi í jɛ titom nɔu.

Amɔsu 2:8

Ì ya maa sũ ŋai kɔkɔi bi ku ce kuwee ŋa fei si jĩnɛ ŋa iyi ì gba wa si tɔɔma ŋa. Atɛ̃ iyi ì gba wa do gbugbã, ì ya maa mɔɔ ŋai si inɔ ilei iwɛ̃ nŋa ŋa.

Amɔsu 3:12

Amu Aɔ̃ Lafɛ̃ɛ ǹ nyi ǹ fɔ má ǹ ni, bɛi hai si gɛlɛi muusu nla woo degbe mɛɛmu í ya gba kutɛ minji walakɔ bubui itĩi mɛɛmuɛ, bɛɛbɛ mɔi an gba iŋɛ inɛi Izirɛli ŋa iyi ì wa Samari ŋa. Iŋɛ iyi ì waa sũ si daayi ŋa do si bata ŋa Damasi.

Amɔsu 6:4

Ì ya koo i maa sũ si daayi nŋɛ ŋa iyi à ce si booda do inyíi jua. Ì ya maa ŋɔ angudã do ama kɛtɛ ku nɛ ikpo ŋa.

Samuɛli 1, 28:23

Amma Saulu í kɔ̀ ku jɛ. Ŋɔi akaweɛ ŋa do abou à wasi ku manteɛ hee í na í jɛsi nɔ í dede hai ilɛ í buba si antaii daayi.