Ɛsitɛɛ 1:4 - Bibeli do fee

⁴ Nɔ wa nyisi inɛ ŋa bɛi kulai amanii bommaɛ í to do bɛi bommau í nɛ bɛɛrɛ. Jingauu í kpɛ ntɔ ntɔ, à ce jingauui ajɔ cĩɔ do cinɛ.

Ɛsitɛɛ 1:4 Iomraidhean Croise

Bomma 1, 29:25

Ŋɔi Aɔ̃ Lafɛ̃ɛ í so Salomɔɔ hee lele si wajui inɛi Izirɛli ŋau fei, nɔ í jɔ̀ bommaɛu í nɛ bɛɛrɛ í re ilaalu ŋa iyi à cuaa wa si ilɛi Izirɛliu fei.

Ɛsitɛɛ 1:5

Iyi waatii inɛ nŋu í lɔ, ŋɔi ilaaluu í cea inɛi ilui Suze fei jingau, hai ilu fia hee do ilu are ŋa fei. Jingauu azuma akãi à jɔɔ si bantumai lamboi kpasɛ̃ɛ.

Zɔɔbu 40:10

To, bɛbɛi, nyisi bɛi kulaɛ do bɛɛrɛɛ í to, nɔ i nyisi bɛi inya kumáɛ do amboeɛ í to.

Iri ku kɔ̃ 145:5

An sisi bɛi inya kumái amboeɛ í la í to, nɔ an fɔ maamaakeɛ ŋa iyi ì ce.

Iri ku kɔ̃ 21:5

Í tɔɔɛ kuwɛɛ nɔ ì muaa. Ì mua hunde sisɔ hai nɛ kɔɔ.

Iri ku kɔ̃ 45:3

Awɔi ì sĩa ì re inɛ fei, nɔ ide didɔ̃i í wa si gɛlɛɛ, na ŋɔi í jɔ̀ Ilaaɔ̃ í weeɛ hee do ajɔ fei.

Iri ku kɔ̃ 93:1

Aɔ̃ Lafɛ̃ɛi í jɛ ilaalu, í dasi jĩnɛi ilaalu ŋa. Gbugbãɛ í kaakoɛi bɛi kungbã. Do yaase bɛɛbɛ ilɛ í nɛ gbugbã, nɔ kaa cuku.

Ezai 39:2

Ŋɔi Ezekiasi í nɛ inɔ didɔ̃, nɔ í jɔ̀ à gbã inɛ ŋa iyi à bɛ wa ŋau à bɔò ŋa ile bii à jilɛ jĩnɛ ku nɛ bɛɛrɛ ŋau à nyisi inɛ ŋau isɔ fũfũ ŋa, do wura ŋa do tuae ŋa, do ikpo ku dɔ̃ inunu ŋa. Nɔ í nyisi ŋa bi ku jilɛ jĩnɛi igũɛ ŋa má do mii ŋa iyi à wa bi ku jilɛ kosĩaɛ ŋa fei. Kù singa nŋa nkãma si inɔ kabaɛ hee do si bommaɛu fei.

Ezekiɛli 28:5

Si sĩa ku mà ku ceɛu ì ba amani ŋa, nɔ na amaniɛui ì kɔ̃ò faau.

Daniɛli 4:30

Nɔ tengi bɛ gbakã, bɛɛbɛi ideu í ce. À leleɛi í fita hai si inɔi amanɛ ŋa, nɔ fɔfɔi í ya maa ŋɔ bɛi kɛtɛ ŋa. Ikpã í ya naai hai lele ku jɔ̀ araɛ kú cɔ̀. Iriɛ í wu nto ŋai bɛi ntoi kungbã. Nɔ cikãawɔɛ do cikãasɛɛ ŋa mɔ à sɔi bɛi ti yɛi ŋa.

Daniɛli 5:18

[Ŋɔi Daniɛli í sɔ̃ɔ í ni,] ilaalu, Ilaaɔ̃ iyi í wa hee leleu í jɔ̀ Nebukanɛsaa baaɛu í jɛ ilaalu nla nla. Í nɛ amboe nɔ í nɛ bɛɛrɛ nla nla.

Matie 4:8

Si anyii nŋu, Seetam í bɔò Jesu hee antaii iri kuta nla gɔ má nɔ í nyisiɛ bommai andunya fei do amboe nŋa.

Matie 6:13

Maà ti i jɔ̀ ka dasi kulɛlɛ, amma nya wa hai si awɔi Seetam. [Domi awɔi ì nɛ bomma do gbugbã do amboe hee do ajɔ fei. Ami.]

Romu 9:23

Inɛ gɔ ŋa mɔ í bi ku nyisi ŋa bɛi amboeɛ í la í to. Aŋai í ce araare nŋa nɔ í ce sɔɔlu nŋa hai ku kpɛ a nɛ ikpɛ̃ si amboeɛ.

Efɛɛzu 1:18

Ǹ wa n tɔɔɛ má ku jɔ̀ inya kumá ku lɔ si idɔ nŋɛ ku ba i mà yaasei kpãa ku cɔ si bii í kpe ŋɛ, do si bɛi tubu iyi í jilɛa woo dasiɛ naanɛ ŋa í la í to,

Kolosee 1:27

Í nyisi ŋai si na iyi í jɔ̀ wa bi a mà bɛi asiii nŋu í nɛ bɛɛrɛ do yiiko si anini dimi mmu ŋa. Asiiu wee. Kirisi í wa si ŋɛ, nɔ wa mu nŋɛ kpãa ku cɔ iyi iŋɛ mɔ aa ba ikpɛ̃ si amboei Ilaaɔ̃ ŋa.

Kuyɛi Zãa 4:11

awɔ Ilaaɔ̃ Lafɛ̃ɛ nwa, awɔi ì to i nɛ amboe do bɛɛrɛ do gbugbã, domi awɔi ì taka mii fei. Si idɔɔbiɛi ì taka ŋa nɔ à wɛɛ.