Ɛsitɛɛ 1:13 - Bibeli do fee

¹³ Ŋɔi ilaaluu í sɔ̃ ilu bisi ŋa, aŋa iyi à nɛ kumài waati ŋau. Bɛɛbɛi ilaaluu í ya ce wũaɛ ŋa si wajui inɛ ŋa iyi à mà wooda ŋa do asaiya ŋa.

Ɛsitɛɛ 1:13 Iomraidhean Croise

Bomma 1, 12:32

Hai si dimi bubui Manasee, amanɛ dubu mɛɛwa do mɛɛjɔi (18.000) à cica nɔ à ka ŋa do iri nŋa ŋa a koo a bii Davidi bomma.

Bomma 1, 12:33

Hai si dimii Isakaa ŋa, akawe cĩɔ minjii (200) do inɛ ŋa iyi à waa too ŋa. Inɛ nŋu ŋau à mà mii fei ku wũaa. À ya mà waati iyi á sĩa inɛi Izirɛli ŋau à ce ngɔgɔ do bɛi aa coo.

Ɛsitɛɛ 1:12

Inɛ ŋau à koo à sɔ̃ Vasiti bɛi ilaaluu í dɔ̃, amma í kɔ̀ ku koo. Ŋɔi idɔi ilaaluu í kɔ̃ ntɔ ntɔ.

Zeremi 10:7

Yooi kaa ce njoɛ, awɔ ilaalui ilɛ ŋa. Awɔi inɛ ŋa à nɛ a jirima, domi si ilu laakaii inɛi ilɛ ŋa fei, do si bomma ŋa fei, inɛ kãma kù yɛ bɛi awɔ.

Daniɛli 2:12

Ŋɔi idɔi ilaalu í kɔ̃ ntɔ ntɔ, nɔ í na wooda í ni a kpa woo mà ŋa iyi à wa si ilɛi Babilɔni ŋau fei.

Daniɛli 2:2

Ŋɔi ilaalu í ni a kpe woo mà ŋa wa do woo ce alisi ŋa do woo ce dobu dobu ŋa do inɛi Kaladee ŋa ku ba a naa a sisiaa yaasei alaɛ ŋau. Ŋɔi inɛ ŋau à naa à na à leekĩ si wajuɛ.

Daniɛli 2:27

Ŋɔi Daniɛli í jɛaa í ni, yaasei idei asii iyi ì waa beeu bɛ, ilu laakai ŋa, do woo ce dobu dobu ŋa, do woo ce alisi ŋa, do woo mà yaasei leleaɔ̃ ŋa, kãma nŋa kaa yɔkɔ ku tusɛɛ yaaseɛ.

Daniɛli 5:7

Ŋɔi í dɔ̃ anu do gbugbã, nɔ í na wooda í ni a kpea nŋu woo ce dobu dobu ŋau wa do inɛi Kaladee ŋau do woo mà yaasei leleaɔ̃ ŋau. [Waati iyi woo mà ŋau à to wa,] nɔ í sɔ̃ ŋa í ni, inɛ baa yooma iyi í yɔkɔ í cio kukɔu ihɛ̃, nɔ í tusɛɛm yaaseɛ, ibɔ kusĩa ŋai an daa si, nɔ n daa si sabai wura si kɔ̃ɔɛ, nɔ inya mɛɛtasia si bommau, titɛɛi á jɛ.

Matie 16:3

Bii daakɔi ì ya ni ŋa, ijĩ á wɔ domi ijĩ í dũ í we mango. Ì mà yaasei lele ŋa amma i kù mà yaasei waati iyi à wa si nsɛi ŋa.

Matie 2:1

À bí Jesui Betelehɛmu si ilɛi Zudee si waatii ilaalu Herodu. Si anyii kubíɛ woo mà yaasei leleaɔ̃ gɔ ŋa à naa Zeruzalɛmu hai nunui daakɔ,