Ɛsitɛɛ 1:10 - Bibeli do fee

¹⁰ Si ajɔ mɛɛjesiai jingauu ilaaluu í wɛɛò inɔ didɔ̃ na atɛ̃ vɛ̃ɛu iyi í mɔ. Ŋɔi í kpe inɛmɔkɔ bantãm mɛɛje ŋa iyi à jɛ woo ce icɛɛ waati kãma feiu. Iri nŋa wee. Mehumaa do Bizitaa do Haabona do Bigitaa do Abaguta do Zetaa do Kaakasi,

Ɛsitɛɛ 1:10 Iomraidhean Croise

Kusintii Andunya 43:34

Zozɛfu í so ijɛ ŋa iyi wa jilɛ si wajuɛu í jilɛ nŋa, nɔ í jilɛa Bɛnzamɛɛ ifɔɛu zaka bɛi í jilɛa igbãɛ ŋau ikɔ miiu. Aŋa fei à jɛ à mɔ nɔ à wɛɛò inɔ didɔ̃ ntɔ ntɔ.

Samuɛli 2, 13:28

Ŋɔi Abusalɔmu í sɔ̃ amaacɛɛ ŋa í ni, i maa nɛɛsi Amunɔɔ ŋa. Waati iyi inɔɛ á dɔ̃ si atɛ̃ vɛ̃ɛ an ni, i kpaa ŋa. Bii ì gbɔ bɛɛbɛ ŋa, i kpaa i maà sika ŋa. I maà ce njo ŋa nɔ i ce wɔɔkɔ ŋa. Idei irim nii á jɛ.

Ɛsitɛɛ 1:9

Nɔ Vasiti aboi ilaaluu mɔ í nya jingau iyi í jɛ ti inaabo ŋa si inɔ kpasɛ̃i mɔkɔu.

Ɛsitɛɛ 3:15

Woo bɛ ŋau à kooi gbãa gbãa si bɛi ilaaluu í na wooda, nɔ ideu í fangaa hee do si ilu nlai Suzeu fei. Nɔ waati iyi inɛi ilui Suze ŋau fei à wɛɛò inɔ kufɔ nla nla, waati bɛɛbɛi ilaaluu do Hamaa à buba à waa mɔ atɛ̃ nŋa.

Ɛsitɛɛ 7:9

Nɔ Haabona inɛ akãi woo ce icɛ ŋau í sɔ̃ ilaaluu í ni, Hamaa í ce sɔɔlui jĩi bii aa bagãm Maadosee inɛ iyi í faabaɛ í jɔ̀ a kù ba a kù kpaɛu. À lɔ jĩi nɔu idei Hamaa takaɛ bɛ, kugbokaɛ agbãawɔ ciitaai. Ŋɔi ilaaluu í ni a bagãm Hamaa si bɛ.

Mɔnda ŋa 20:1

Atɛ̃ vɛ̃ɛ í ya jɔ̀ inɛ ku jɛ woo yaako amanɛi, nɔ í ya nɛ kɔsɔngu. Inɛ iyi í ya jɔ̀ atɛ̃u ku kpaa kaa jɛ ilu laakai.

Mɔnda ŋa 31:4

Lemuɛli, atɛ̃ kù sĩaò ilaalu ŋa, kù sĩa ilaalu ku maa mɔ atɛ̃, kù nɔ kù sĩa inɛ ŋa iyi à waa mu ilɛ ŋa a maa mɔ atɛ̃ ku kpa inɛ,

Woo lasabu 10:19

Inɛ ŋa à ya ce sɔndai na inɔ didɔ̃, atɛ̃ vɛ̃ɛ mɔ í ya jɔ̀ kuwɛɛ nŋa ku dɔ̃, fiai í ya jɔ̀ a ba fei ndɛɛ.

Woo kiiti ŋa 16:25

Si bɛi à wɛɛò inɔ didɔ̃ ŋɔi à ni, i jɔ̀ Samusɔ̃ɔ ku fita wa ku ba ka cɔ kucɛi. Ŋɔi à fitaɛ wa hai ile piisɔ̃ɔu à jɔ̀ í jojo si waju nŋa. Nɔ à gbã à bɔòɛ si afei sɔbe ŋau.

Woo kiiti ŋa 19:6

Ŋɔi à buba à jɛ nɔ à mɔ aŋa minji fei ajɔ. Si anyiɛ ŋɔi anau í sɔ̃ inɛi Leviiu má í ni, dasi idɔ i sũ ihɛ̃ nnyi má, domi wee waati í lɔ tã.

Ruutu 3:7

Ŋɔi Boazi í jɛ í mɔ nɔ í wɛɛò inɔ didɔ̃. Iyi í tã ŋɔi í koo í sũ kɔkɔi bii à timbi ɔɔzuɛ ŋau. Ŋɔi Ruutu í nɛ wa sɛ̃ɛ í naa í cĩ acɔ ku biiɛu nɔ í sũ bi ku to isɛɛ bɛ.