Ɛsitɛɛ 1:1 - Bibeli do fee

¹ Faaji iyi à waa ceu ihɛ̃ í cei si waatii ilaalu Asuerusi, nŋu iyi wa jɛ ilaalui ilɛ cifa do mɛɛje, hai Ɛndi hee ku bɔ Etiopi.

Ɛsitɛɛ 1:1 Iomraidhean Croise

Ɛsidarasi 4:6

Si waati iyi Asuerusi í jɛ bomma kù kpɛ mɔm, ŋɔi inɛ ŋau à ceaa tia wa. Si tia nŋau à waa má inɛi Zudaa ŋa do inɛi Zeruzalɛmu ŋa ide.

Ɛsitɛɛ 10:1

Ŋɔi ilaalu Asuerusi í dasi inɛ ŋa iyi à wa si bommaɛ fei fia ku sã adɔ̃ do adɔ̃, hee do inɛ ŋa iyi à wa kɔkɔi tenkuu fei.

Ɛsitɛɛ 2:3

Na nŋu nsɛi, cica akawe ŋa iyi à wa ilɛ mmu ŋa si bommaɛ a tɔtɔɔ mudɛ̃ɛ ŋa iyi à sĩa wa si ilui Suze, inɛ ŋa iyi a kù mà mɔkɔ. Nɔ i jɔ̀ Hegai inɛmɔkɔ bantãm woo degbe inaabo ŋau ku maa cɔ ŋa si inɔ kpasɛ̃ bi kuwai inaabo ŋa iyi à jɛ aboɛ ŋa awɔ ilaalu. Nŋui á maa na ŋa mii ku ce booda ŋa.

Ɛsitɛɛ 8:9

Ajɔ nŋu bɛ, si ajɔ kɔnfia do mɛɛtasiai cukpa mɛɛtasia iyi à ya kpe Sivãau à kpe woo kɔ tiai ilaalu ŋau wa. Bɛi Maadosee í fɔ fei, bɛɛbɛi inɛ ŋau à kɔɔ. À kɔa Zuifu ŋa do amanlu ŋau do inɛ ngboi ilɛ ŋau do inɛ ŋa iyi à jɛ inɛ ngbo si ilɛ cifa do mɛɛje ŋa iyi à wa si bommau hai Ɛndi hee ku bɔ Etiopi. À kɔɔi do feei inɛ fei do yaase bɛi dimi ŋa iyi à wa si ilɛ ikã ikã ŋau fei à ya fɔ, do si feei Zuifu ŋa taka nŋa, do si yaase bɛi à ya kɔ.

Ɛsitɛɛ 9:30

Tia titɔ̃ iyi à kɔu, à sambaa Zuifu ŋa fei si ilɛ cifa do mɛɛje iyi í wa si bommai ilaalu Asuerusiu fei. Si tiau idei laakai ku sũi à fɔ ntɔ ntɔ.

Ezai 18:1

Inɔ kufɔi í jɛ titɛɛ Etiopi, awɔ ilɛ iyi ì nɛ akɔi inyi ŋa iyi à ya dĩ si acɔ minji. Akɔi inyiɛ ŋau à ya wai itĩi idoɛ ŋau.

Ezai 37:9

Ilaalui Asiriu í tako í gbɔ baau wo si gãmɛi Tiiraka ilaalui Etiopi, à ni wa naa igũ ku ce si nŋu. Iyi í gbɔ bɛɛbɛ gbakã, ŋɔi í bɛ inɛ ŋa bi Ezekiasi í ni a koo a baa ide ku fɔ.

Daniɛli 11:2

Bɛbɛi, ǹ wa n sɔ̃ɛi dee dee mii iyi á na ku ce. Ilaalu ikã ikã mɛɛtai á na ku jɛ bomma si ilɛi Pɛɛsi. Si anyiɛ inɛ mɛɛsia á na ku jɛ bommau, nɔ inɛ nŋu á ko amani ku re inɛ ihɔ̃ ŋau. Waati iyi á ba gbugbã na saabui amaniɛ ŋau, á ce igũi do bommai inɛi Gɛrɛsi ŋa.

Daniɛli 6:1

Ŋɔi Dariusi inɛi Mɛɛdiu í ba bommau si adɔ̃ kita do minjisiaɛ.

Daniɛli 9:1

Dariusi ama inɛmɔkɔi Ɛkusɛɛsi si dimii inɛi Mɛɛdi ŋai í na í jɛ ilaalui inɛi Kaladee ŋa waatɔ inɛi Babilɔni ŋa. Si adɔ̃ sinte iyi í jɛ bommau, amu Daniɛli ǹ cĩ tia kumá ŋau ǹ cɔ. Waati bɛɛbɛi ǹ gbɔ yaasei ide ŋa iyi Aɔ̃ Lafɛ̃ɛ í sɔ̃ walii Zeremiu. Idei adɔ̃ kitaò fɛɛwa si bii Zeruzalɛmu á na ku kpɔò bommai wa fãa.