Efɛɛzu 6:9 - Bibeli do fee

⁹ Iŋɛ lafɛ̃ɛ ŋa mɔ, i cea aru nŋɛ ŋa bɛɛbɛ, i maà ya ta nŋa gbugbã. I mà ŋa iyi iŋɛò ŋa fei Lafɛ̃ɛ akãi ì nɛ lele bii inɛ gɔ kù re inɛ gɔ.

Efɛɛzu 6:9 Iomraidhean Croise

Neemi 5:5

Baa do iyi awaò inɛ nwa ŋa dimi akãi à jɛ, nɔ ama nwa ŋa a kù jɛ ikã do ti aŋa mɔ, do nŋu fei à tilasi wa ka ta nŋa ama nwa ŋau. Wee ama inaabo nwa ŋau nkpɔ nŋa í jɛ aru tã, nɔ a kaa ka yɔkɔ ka ce nkãma si na iyi í jɔ̀ andi iko nwa ŋa do jĩi ndii rezɛ̃ɛ nwa ŋau à jɛ ti ngu ŋa tã.

Zɔɔbu 34:19

Ci ya cɔ inɛ nla ku jɛi inɛ gɔ, ci ya nɔ ku cɔ ilu fia ku re ilu are, domi nŋui í taka aŋa fei.

Iri ku kɔ̃ 140:12

Maà jɔ̀ woo fɔ laalɔi inɛ mmu ŋa a ba gbugbã si ilɛu, jɔ̀ laalɔ ku maa too woo taa inɛ ŋa gbugbã ŋau hee koo ce nfe nŋa.

Woo lasabu 5:8

Á nɛa inɛ fei aranfãani bii í jɛ ilaalu í ya sobi kãma ŋa ku ba icɛi iko nŋa ku bɔ waju.

Ezai 47:6

Idɔm í kɔ̃i wo si inɛm ŋau, nɔ ǹ jɔ̀ anyɔ í mu ŋa. Ǹ so ŋai wo ǹ daaɛ si awɔɛ ŋa. Amma i kù ce araare nŋa baa keeke. Ì jɔ̀ aso kuwo í tɛ mɔkɔ ngbo ntɔ ntɔ.

Daniɛli 3:15

Bɛbɛi i jɔ̀ i wɛɛò sɔɔlu ŋa. Waati iyi aa na i gbɔ anu ku dɔ̃i kuu ŋa, do ti yee, do ti gitaa, to ti mɔɔlɔ, do ti kundigi, hee do jĩnɛi iri ku kɔ̃ dimi ikã ikã ŋa iyi à gbe ŋau fei, i sɛɛbata i tɔɔ iwɛ̃ iyi ǹ jɔ̀ à ce do wurau ŋa. Bii ì kɔ̀ ku tɔɔɛ ŋa, tengi bɛ gbakã, aa so ŋɛi a sɔsi ŋɛ si inɔ ina nla nlau. Nɔ waati bɛɛbɛ, iwɛ̃ yoomai á yɔkɔ ku nya ŋɛ hai si awɔm.

Daniɛli 3:6

Inɛ baa yooma iyi í kɔ̀ ku sɛɛbata ku tɔɔɛ fei, aa sooi tengi bɛ gbakã a sɔsiɛ si inɔ bii ina nla nla gɔ wa jo.

Kuwee 19:13

I maà taa kpaasi nŋɛ gbugbã ŋa. I maà gba mii ndɛɛ do bisi ŋa, nɔ i maà gɛɛ fiai woo ce icɛ nŋɛ hee iju koo máò.

Malasi 3:5

An naa si ŋɛi n na n kiiti ŋɛ. An dede si woo ce dobu dobu ŋa do woo ce sakara ŋa, do woo ce kugbasi si ibo ŋa do si inɛ ŋa iyi à waa taa woo ce icɛ ŋa iyi à nɛ a ba isã do jaaɔ̃ ŋa do kɔyɔ ŋa do isɛ mmu ŋa gbugbã, nɔ a kù mà bɛɛrɛm. Amu Aɔ̃ Lafɛ̃ɛi lele do ilɛi ǹ fɔ bɛɛbɛ.

Matie 22:10

Nɔ amaacɛ ŋau à bɔ si tafa ŋau à tɔtɔɔ inɛ ŋa iyi à wa bɛ fei wa, hai inɛ jiida do inɛ laalɔ ŋa, nɔ abɔdɔ̃u í kɔ̃ do amanɛ.

Matie 22:8

Ŋɔi í sɔ̃ amaacɛɛ ŋau má í ni, to, ijɛi abɔdɔ̃u í jĩa, amma inɛ ŋa iyi ǹ tako ǹ kpe ŋau a kù jɔò ijɛu bɛ má.

Matie 24:48

Amma bii í jɛ amaacɛ laalɔi, á lasabui ku ni, lafɛ̃ɛm kaa baa ńya má,

Matie 24:51

nɔ á kpãa iju jiida jiida, nɔ nŋu do ilu muafiti ŋau fei wahala nŋa á jɛ akã. Tengi bɛi á le awɔ si iri ku maa kpataò.

Matie 7:12

Na nŋu, mii iyi ì bi inɛ ŋa a ya ce nŋɛ fei, iŋɛ mɔ i ce nŋa bɛɛbɛ ŋa, domi iyi bɛi í jɛ icui idei kukɔsii walii ŋau do ti woodai Moizi ŋa.

Luku 6:31

Dimi iyi ì bi inɛ ŋa a ce nŋɛ, iŋɛ mɔ i ce nŋa dimi nŋu.

Laabaau jiida iyi Zãa í kɔ 13:13

Ì ya maa kpem Mɛɛtu do Lafɛ̃ɛ ŋa. Ntɔi ì waa fɔ ŋa, domi bɛɛbɛi ǹ jɛ.

Woo bɛ ŋa 10:34

Ŋɔi Piɛɛ í so ide í ni, ǹ mà bɛbɛi iyi Ilaaɔ̃ kù waa cɔ inɛ kãma dimi mmu.

Romu 2:11

Bɛɛbɛi Ilaaɔ̃ á ce domi bi tɛɛ inɛ gɔ kù re inɛ gɔ.

Kɔrɛnti 1, 1:2

à waa ce ŋɛ fɔɔ, iŋɛ inɛi igbɛi Ilaaɔ̃ ŋa iyi ì wa ilui Kɔrɛnti ŋa. À waa ce ŋɛ fɔɔ, iŋɛ iyi Ilaaɔ̃ í kpe ì jɛ tɛɛ ŋa, iŋɛ iyi í cica í jilɛ i maa nɛ anu akã do Jesu Kirisi ŋa. À ce iŋɛ fei fɔɔ hee do inɛ ŋa iyi à wa ilɛ baa yooma fei, inɛ ŋa iyi à waa tɔɔ do irii Lafɛ̃ɛ nwa Jesu Kirisi, nŋu iyi í jɛ Lafɛ̃ɛi awa fei.

Kɔrɛnti 1, 7:22

Aru iyi Aɔ̃ Lafɛ̃ɛ í kpe í baa í jɛ inɛ iyi í nɛ araɛi na saabui Lafɛ̃ɛ. Bɛɛbɛ mɔi inɛ iyi í nɛ araɛ iyi Aɔ̃ Lafɛ̃ɛ í kpoo, lafɛ̃ɛ í baa í jɛ arui Kirisi.

Wooda ku kɔsi 10:17

domi ntɔ ntɔ, nŋui í jɛ Aɔ̃ Lafɛ̃ɛ iyi í nɛ gbugbã í re iwɛ̃ ŋa fei, nɔ nŋui í jɛ Lafɛ̃ɛi lafɛ̃ɛ ŋa, nŋui í la, í nɛ gbugbã nɔ nŋui inɛ ŋa à nɛ a ce njoɛ. Bi tɛɛ, inɛ gɔ kù re inɛ gɔ, nɔ ci ya gba amua iyi kù jɛ dee dee.

Kolosee 3:25

Amma inɛ iyi í ya maa ce laalɔ, á yɛ ribaɛ si bɛi laalɔ ku ceɛ í to, domi Ilaaɔ̃ ci ya nya inɛ gɔ ikã.

Kolosee 4:1

Iŋɛ lafɛ̃ɛ ŋa, i cea aru nŋɛ ŋa dee dee si bɛi í jɔ. I ye gigi iyi iŋɛ mɔ ì nɛ Lafɛ̃ɛ iyi í wa lele ŋa.

Zaaki 2:13

Inɛ iyi kù nɛ araarei kpaasi, Ilaaɔ̃ á kiiti nŋu mɔi kaa ce araareɛ. Amma inɛ iyi í nɛ araarei kpaasi ŋa á jɛ igũ si ajɔi kiitiu.

Zaaki 2:8

Kukɔi idei Ilaaɔ̃ í ni, bi inɛ mmu bɛi ì bi araɛ. Ntɔ ntɔ, mii jiidai ì waa ce bii ì waa too woodai bommai Ilaaɔ̃u bɛ ŋa.

Zaaki 5:4

Wee i ci ya sãa woo da amaajɛ nŋɛ ŋa fia nŋa. I cɔ inɔ kufɔ nŋa ŋa. Anu ku dɔ̃i inɛ ŋau í to hee si itĩi Aɔ̃ Lafɛ̃ɛi lele do ilɛ.

Samuɛli 1, 15:17

Ŋɔi Samuɛli í ni, tako wo, baa do iyi i kù cɔ araɛ inɛ nla, Aɔ̃ Lafɛ̃ɛ í soɛ i jɛò inɛ ngboi dimii Izirɛli ŋa. Í cicaɛ i jɛ ilaalu nŋa,