Efɛɛzu 6:5 - Bibeli do fee

⁵ Iŋɛ aru ŋa, i jirima lafɛ̃ɛ nŋɛ ŋa si andunyau ihɛ̃ do bɛɛrɛ do kuyaya, ku maà jɛ do muafiti, nɔ kú yɛ bɛi Kirisii ì waa cea ŋa.

Efɛɛzu 6:5 Iomraidhean Croise

Kusintii Andunya 16:9

Ŋɔi amalekai Aɔ̃ Lafɛ̃ɛ í sɔ̃ɔ í ni, sinda i nyi bi lafɛ̃ɛɛ nɔ i koo i sũaa iri ilɛ.

Bomma 1, 29:17

Aɔ̃ Lafɛ̃ɛm, ǹ mà iyi awɔ ì ya yɛ idɔi inɛ, nɔ í ya bi inɛ iyi í jɛ dee dee. Ǹ fũ inɔm nii n ceɛò amua ŋau ihɛ̃ do inɔ akã. Nɔ nsɛi ǹ yɛ zamaau ihɛ̃ mɔ í wa ihɛ̃ do inɔ didɔ̃ wa ceɛ amua ŋa do idɔɔbiɛ.

Iri ku kɔ̃ 123:2

Bɛi ijui aru ŋa í ya maa kãsi lafɛ̃ɛ nŋa, nɔ ti inaabo woo ce icɛ ŋa mɔ í ya maa kãsi lafɛ̃ɛ nŋa, bɛɛbɛ mɔi iju nwa í ya maa kãsi Aɔ̃ Lafɛ̃ɛ nwa ka maa degbeò didɔ̃ iyi á ce nwa.

Iri ku kɔ̃ 86:11

Aɔ̃ Lafɛ̃ɛ, jɔ̀ n mà idɔɔbiɛ, nɔ n maa n nɛ si ntɔɛ. Lasabui mii akã ku dɛdɛ iyi ǹ bi i daam si idɔi í jɛ n mà bɛɛrɛɛ.

Malasi 1:6

[Aɔ̃ Lafɛ̃ɛi lele do ilɛ wa ba woo wee ŋa ide ku fɔ wa ni,] ama í ya mà bɛɛrɛi baaɛi, amaacɛ mɔ í ya jirima lafɛ̃ɛɛi. Bii ǹ jɛ baa nŋɛi, bɛirei ì waa nyisiò bɛɛrɛm ŋa. Bii ǹ jɛ lafɛ̃ɛ nŋɛi hee iwoi jirimam iyi ì nɛ í wa ŋa. Iŋɛ woo wee ŋau, ì waa yaakom nɔ ì waa ni ŋa, si iwoi à waa yaakoɛ.

Matie 6:22

Í ni má, ijui í jɛ fitilai ara. Bii ijuɛ wa nɛ baani, araɛ fei í wa si inya kumái.

Matie 6:24

Jesu í sɔ̃ ŋa má í ni, inɛ gɔ kaa yɔkɔ ku cea lafɛ̃ɛ minji icɛ ajɔ. Ntɔ ntɔ, á cé inɛ akã nɔ ku bi inɛ akã, walakɔ á jirima inɛ akã nɔ ku donda inɛ akã. I kaa yɔkɔ i too Ilaaɔ̃ do fia ajɔ ŋa.

Matie 8:9

Amu takam, ǹ nɛ inɛ ngbo ŋa iyi ǹ wa n jirima, nɔ ǹ nɛ sooge gɔ ŋa mɔ iyi ǹ wa n gbã. Inɛ akã nŋa iyi ǹ bɛ á kooi, inɛ iyi ǹ kpe mɔ á naai, nɔ icɛ iyi ǹ ni amaacɛm ku ce nŋui í ya ce.

Woo bɛ ŋa 2:46

Ajɔ fei à ya tɔtɔɔi si bantumai kpasɛ̃i Ilaaɔ̃. À ya tɔtɔɔ a maa jɛi si inɔ kpasɛ̃ nŋa ŋa do inɔ didɔ̃. Muafiti ci ya wa si.

Romu 9:3

An jɛsi Ilaaɔ̃ ku ceekpem nɔ ku fɛɛfɛɛm do Kirisi ku ba inɛ ŋa iyi à jɛ dimim a ba faaba.

Kɔrɛnti 1, 2:3

Nɔ waati iyi ǹ wa bi tu ŋɛu, do gbugbã hai nɛi do njo do kuyaya nla nla.

Kɔrɛnti 1, 7:22

Aru iyi Aɔ̃ Lafɛ̃ɛ í kpe í baa í jɛ inɛ iyi í nɛ araɛi na saabui Lafɛ̃ɛ. Bɛɛbɛ mɔi inɛ iyi í nɛ araɛ iyi Aɔ̃ Lafɛ̃ɛ í kpoo, lafɛ̃ɛ í baa í jɛ arui Kirisi.

Kɔrɛnti 2, 1:12

Ide iyi í jɔ̀ à waa tɔɔ fufu wee. Idɔ nwa wa jɛ nwa sɛɛda iyi isɛɛnɛ nwa í má si wajui inɛi andunya ŋa, nɔ iyi í re mɔm nŋui í jɛ si waju nŋɛ. Kù nɔ kù jɛ do muafiti. Mii ŋau bɛ fei, hai bi Ilaaɔ̃i wa naa. Kù jɛ do bisii amanɛ ŋa, amma do didɔ̃i Ilaaɔ̃i.

Kɔrɛnti 2, 7:15

Kubi nŋɛ iyi Titee í nɛ wa kɔ̃ɔsi si bɛi wa ye gigi iyi iŋɛ fei ì jirimaɛ nɔ ì gbaa ŋa do bɛɛrɛ nla nla.

Efɛɛzu 5:22

Iŋɛ inaabo ŋa i sũa mɔkɔ nŋɛ ŋa iri ilɛ bɛi aa cea Lafɛ̃ɛ ŋa,

Efɛɛzu 6:24

Nɔ didɔ̃i Ilaaɔ̃ ku wɛɛ do inɛ ŋa iyi à bi Lafɛ̃ɛ nwa Jesu Kirisi fei nɔ kubi nŋa ci ya kpaasi.

Filipi 2:12

Iŋɛ baakɔɔm ŋa, ì ya jirimam ŋa si waati iyi ǹ wa inɔ nŋɛ wo. Nsɛi iyi ǹ jĩò ŋɛ í sĩa i ya maa jirimam ku re ŋa. I kookaai i ce icɛ do njo do kuyaya ku ba icɛ jiida nŋɛ ku jɔ̀ a mà iyi ì ba faaba ŋa,

Filemɔɔ 1:16

Kaa nyi wa bi tɛɛ baa bɛi aru nŋu akã má, amma í re aru. Á nyi wai bɛi baakɔɔ jiidaɛ. Ǹ nɛ kubiɛ ntɔ ntɔ, nɔ í sĩa titɛɛ ku re, domi kù jɛ aruɛ nŋu akã, í jɛ baakɔɔɛ si kpãai Kirisi má.

Zozue 24:14

Ŋɔi Zozue í ni má, na nŋu nsɛi, iŋɛi ì nɛ i jirima Aɔ̃ Lafɛ̃ɛ bɛbɛi, nɔ i ceaa icɛ do idɔ nŋɛ fei ŋa, do dee dee ku jɛ. I jɔ̀ iwɛ̃ ŋa iyi bala nŋɛ ŋau à tako à waa tɔɔ waati iyi à wa icei idoi Efaratau do si waati iyi à na à wa ilɛi Ezibitiu, nɔ i na ara nŋɛ si icɛi Aɔ̃ Lafɛ̃ɛ ku ce ŋa.

Piɛɛ 1, 3:2

domi aa yɛ kuwɛɛ nŋɛ í má, nɔ ì mà bɛɛrɛ nŋa ŋa.