Efɛɛzu 6:4 - Bibeli do fee

⁴ Iŋɛ baa ŋa, i maà ya kɔ̃ idɔi ama nŋɛ ŋa, amma i bi ŋa, i dasi ŋa iju ŋa i kɔ ŋa si idei Aɔ̃ Lafɛ̃ɛ ŋa.

Efɛɛzu 6:4 Iomraidhean Croise

Kusintii Andunya 18:19

An sɔ̃ɔi domi nŋui ǹ nya ku ba ku sɔ̃ amaɛ ŋa do tɔkuɛ ŋa a too kpãam, a maa nɛ dee dee nɔ a maa ce jiidaɛ. Bɛɛbɛi an kɔ̃ò kuwã iyi ǹ ceaau.

Bomma 1, 28:20

Ŋɔi Davidi í sɔ̃ Salomɔɔ amaɛu í ni, jɔ̀ i nɛ gbugbã nɔ i dasi wɔɔkɔ i ce icɛɛ. Maà ce njo nɔ i maà jɔ̀ idɔɛ ku dede, domi Aɔ̃ Lafɛ̃ɛm á wɛɛ do awɔ. Kaa kɔ̀siɛ pai, nɔ kaa fũsiɛ awɔ hee icɛi kpasɛ̃ɛu koo tãò.

Bomma 1, 29:19

Mua amam Salomɔɔ lasabu jiida iyi á yɔkɔ ku jirimaò ikɔ ŋa iyi ì jilɛ, do woodaɛ ŋa, ku ba ku ceò mii ŋau bɛ fei icɛ nɔ ku ma kpasɛ̃ iyi ǹ ce sɔɔluɛu.

Mɔnda ŋa 19:18

Kpã amaɛ iju do njuma hai waati iyi aa nɔɔ, amma maà cãa i kpaa.

Mɔnda ŋa 22:15

Idei nnyɛi ku ce í ya wa si idɔi amu ŋa, amma golo á yɔkɔ ku nya ŋa si.

Mɔnda ŋa 22:6

Nyisi ama keeke kpãa iyi í nɛ ku too, baa bii í na í la kaa yaa ku jɔ̀ɔ má.

Mɔnda ŋa 29:15

Golo do kugbagbasii í ya jɔ̀ ama ku jɛ ilu laakai, amma ama iyi à jɔ̀ɛ í bɛjɛ á na ku jɛa iyeɛ anyɔ.

Mɔnda ŋa 29:17

Bii ì kpã amaɛ iju, zigiɛ kaa maa da na iriɛ, nɔ amau á jɔ̀ inɔɛ ku maa dɔ̃.

Ezai 38:19

Inɛ iyi í wɛɛ si hundei í jɛ inɛ iyi á maa saabuɛ bɛi ǹ wa n ce nnyiu ihɛ̃. Baai í ya jɔ̀ amu ŋa a mà dee dee ku jɛɛ.

Efɛɛzu 6:3

ku ba i nɛ inɔ didɔ̃ ŋa nɔ hunde nŋɛ ku sɔ si ilɛ.

Wooda ku kɔsi 4:9

Moizi í fɔ má í ni, iŋɛ de i ce laakai ŋa. I ce laakai ntɔ ntɔ i maà ti i gbɛjɛ mii ŋa iyi Aɔ̃ Lafɛ̃ɛ í ce iyi iŋɛ taka nŋɛ ì jɛ sɛɛdaɛ ŋa ku ba ajɔ kãma si kuwɛɛ nŋɛ mii ŋau bɛ a maà fita hai si idɔ nŋɛ. Ì nɛ i sisia ama nŋɛ ŋa mɔm nii do tɔku nŋɛ ŋa.

Wooda ku kɔsi 6:7

Aa ya kɔ ama nŋɛ ŋa sii bii ì wa ide ì waa buba ŋa. Aa ya sisi nŋa idei woodaui bii ì waa bɔ ilu ŋa, walakɔ bii ì waa sũ ŋa, walakɔ bii ì waa dede ŋa.

Kolosee 3:21

Iŋɛ baa ŋa mɔ, i maà kɔ̃ idɔi ama nŋɛ ŋa i jɔ̀ inɔ nŋa ku fɔ.

Timɔtee 2, 1:5

Ǹ wa n ye gigii naanɛ ku dasi hai nɛ muafiti iyi ì nɛ. Dimiɛi ayiɛ Loisi do iyeɛ Enisi à nɛu. Ǹ mà kãm kãm iyi awɔ mɔ ì nɔɔ.

Timɔtee 2, 3:15

Hai keekeɛi, ì mà kukɔi idei Ilaaɔ̃ iyi á yɔkɔ ku muuɛ bisi i dasiò Jesu Kirisi naanɛ ku ba i ba faaba.

Zozue 24:15

Bii ì nɔ ì yɔɔ iyi i kaa cea Aɔ̃ Lafɛ̃ɛ icɛ ŋai, to, i cica inɛ iyi ì bi i cea icɛ ŋa. Iwɛ̃ ŋa iyi bala nŋɛ ŋau à ya tako à maa tɔɔ do icei idoui ì bi i cea icɛ ŋa de, mà iwɛ̃i inɛi Amɔre ŋa si ilɛ bii ì wa ŋau. Amu de, amu do inɛi kpasɛ̃m ŋa Aɔ̃ Lafɛ̃ɛi aa ka cea icɛ.

Woo kiiti ŋa 13:12

Nɔ Manoa í ni, to. Nsɛi, waati iyi ideɛ ŋau á na ku ce, wooda yoomai à nɛ ku too si idei amau. Bɛirei à nɛ ku ce.