Efɛɛzu 6:23 - Bibeli do fee

²³ Nɔ Ilaaɔ̃ Baaba do Lafɛ̃ɛ Jesu Kirisi a mua kpaasi woo dasi Jesu naanɛ ŋa fei laakai ku sũ do kubi do naanɛ jiida.

Efɛɛzu 6:23 Iomraidhean Croise

Kusintii Andunya 43:23

Woo ce icɛi Zozɛfuu í jɛ nŋa í ni, i wɛɛ si laakai nŋɛ. I maa jɔ̀ zigi nŋɛ ku da. Ilaaɔ̃, nŋu iyi iŋɛ do baa nŋɛ ì waa tɔɔ ŋa, nŋui í da nŋɛ si fiau bɛ si saaki nŋɛ. Amma fia nŋɛu amui ǹ gbaa ihɛ̃. Si anyiɛ, ŋɔi inɛɛu í koo í nya Simeɔ̃ wa hai ile piisɔ̃ɔ,

Laabaau jiida iyi Zãa í kɔ 14:27

Laakai ku sũi ǹ wa n jɔ̀ nŋɛ. Bɛi amu takam ǹ wɛɛò laakai ku sũ, bɛɛbɛ mɔi an jɔ̀ iŋɛ mɔ i wɛɛò laakai ku sũ. Nɔ laakai ku sũ iyi an mu nŋɛu kaa jɛ bɛi ti andunya. Na nŋu, i maà wɛɛò inɔ kufɔ ŋa, nɔ i maà jɔ̀ zigi nŋɛ ku da.

Romu 15:33

Ilaaɔ̃, nŋu iyi wa mu nwa laakai ku sũ, ku wɛɛ do iŋɛ fei. Ami.

Kɔrɛnti 1, 1:3

Ilaaɔ̃ baa nwa do Lafɛ̃ɛ Jesu Kirisi a mu nŋɛ didɔ̃ do laakai ku sũ.

Kɔrɛnti 2, 13:11

Iyi í gbe nsɛi, iŋɛ inɛm ŋa, i jɔ̀ i nɛ inɔ didɔ̃ ŋa, i ce kookaai i jɛò inɛ ŋa iyi à kɔ̃, i ya maa mua njɛ gbugbã ŋa. I ce anu akã ŋa, i wɛɛò laakai ku sũ ŋa. Ilaaɔ̃ ku wɛɛ do iŋɛ, nŋu iyi í bi wa nɔ wa mu nwa laakai ku sũ.

Galati 5:6

Ntɔ ntɔ, bii à nɛ anu akã do Jesu Kirisi, à ce bango, a kù ce bango, kù jɛ ide kãma. Ide iyi í nɛ amboe í re nŋui í jɛ naanɛ ku dasi iyi wa ce icɛ do kubi.

Galati 6:16

Laakai ku sũ do didɔ̃ ku wɛɛa inɛ ŋa iyi à waa too woodau ihɛ̃ hee do inɛi Izirɛli ŋa, aŋa iyi à jɛ inɛi Ilaaɔ̃ ŋa.

Efɛɛzu 6:24

Nɔ didɔ̃i Ilaaɔ̃ ku wɛɛ do inɛ ŋa iyi à bi Lafɛ̃ɛ nwa Jesu Kirisi fei nɔ kubi nŋa ci ya kpaasi.

Tɛsalonika 1, 5:8

Amma awa iyi à jɛ inɛi dasã ŋa, í sĩa ka ya ce laakaii ara nwa. Ka jɔ̀ naanɛ ku dasi do kubi ku degbe wa bɛi ibɔi igũ, nɔ kpãai faaba ku cɔ ku jɛ nwa bɛi fulai isɔ.

Tɛsalonika 2, 1:3

Iŋɛ inɛ nwa ŋa, í sĩa ka ya maa saabu Ilaaɔ̃ waati kãma fei na iri nŋɛ. I jɔ̀ ka maa ce bɛɛbɛ domi naanɛ ku dasi nŋɛ wa kɔ̃ɔsi ntɔ ntɔ, nɔ kubi iyi ì nɛ iŋɛ duusɔ̃ɔ í la wa kɔ̃ɔsii.

Tɛsalonika 2, 3:16

Lafɛ̃ɛ nŋu iyi í jɛ icui laakai ku sũ, ku mu nŋɛ laakai ku sũ waati kãma fei si mii iyi í ba ŋɛ fei. Lafɛ̃ɛ ku wɛɛ do iŋɛ fei.

Timɔtee 1, 1:14

Nɔ wee didɔ̃i Lafɛ̃ɛ nwa í caa sim, nɔ í jɔ̀ ǹ dasiɛ naanɛ nɔ ǹ nɛ kubii inɛ ŋa.

Timɔtee 1, 1:3

Nsɛi, ǹ bi i buba Efɛɛzu si bɛi ǹ sɔ̃ɛ wo si waati iyi ǹ bɔ ilɛi Masedɔni. Inɛ gɔ ŋa à wa bɛ iyi à waa kɔ inɛ ŋa si cio mmu. Ganji ŋa.

Timɔtee 1, 5:8

Inɛ iyi kù waa gbɔa nyaanzeɛ ŋa, iyi í re mɔm inɛi kpasɛ̃ɛ ŋa, lafɛ̃ɛ í kɔ̀si naanɛ ku dasii, nɔ laalɔ ku jɛɛ í re baa hai dasi Jesu naanɛ.

Piɛɛ 1, 5:14

I ce njɛ fɔɔ do kubi jiida ŋa. Laakai ku sũ ku wɛɛ do iŋɛ iyi ì jɛ ti Kirisi fei ŋa.

Zãa 3, 1:14

Ǹ wa n bi ka yɛ njɛ bii í ce ajɔ minji ka fɔ ide gɛlɛò gɛlɛ.

Kuyɛi Zãa 1:4

Amui Zãa, ǹ ce ŋɛ fɔɔ, iŋɛ igbɛ mɛɛjei inɛi Jesu ŋa iyi ì wa ilɛi Azii. Ilaaɔ̃, nŋu iyi í wɛɛ, iyi í tako í wɛɛ wo, nɔ wa naa, ku mu nŋɛ didɔ̃ do laakai ku sũ, nŋu do Jesu Kirisi do hunde mɛɛje ŋa iyi à wa si wajui kitãi bommaɛ. Jesu Kirisiu nŋui í jɛ woo jɛ sɛɛda ilu naanɛ, do inɛ sinte iyi í jĩ hai si balɛ, nɔ í jɛ ilaalui ilaalu ŋa. Í bi wa nɔ í faaba wa hai si dulum du wa do njɛɛ.

Samuɛli 1, 25:6

a ni, Ilaaɔ̃ ku jɔ̀ hundeɛ ku sɔ, nɔ ku muuɛ laakai ku sũ, awɔ do kpasɛ̃ɛ do mii iyi ì nɛ fei.