Efɛɛzu 6:20 - Bibeli do fee

²⁰ Na irii ideui ǹ jɛ woo bɛi Ilaaɔ̃ baa do iyi ǹ wa piisɔ̃ɔ si nsɛi. Na nŋu, i ce kutɔɔ ku ba n yɔkɔ n sisi ideu do wɔɔkɔ bɛi á sĩa.

Efɛɛzu 6:20 Iomraidhean Croise

Mɔnda ŋa 13:17

Woo bɛ hai nɛ naanɛ í ya dasi araɛ wahalai, amma woo bɛ ilu naanɛ í ya naaò inɔ didɔ̃ wai.

Ezai 33:7

Woo ja igũ ŋau à waa dɔ̃ anu ikpa waduude, nɔ woo bɛ ŋa iyi à bɔ idei laakai ku sũ ku fɔ ŋau à waa kpata ntɔ ntɔ.

Ezai 58:1

Ŋɔi Aɔ̃ Lafɛ̃ɛ í ni, dɔ̃ anu hee lele, maà coko. Dɔ̃ anu hee lele bɛi kuu i sɔ̃ zamaam nɔu wooda ku kuaɛ. Sɔ̃ inɛi kpasɛ̃i Zakɔbu ŋa dulum du ŋa ŋa.

Zeremi 1:17

Awɔ Zeremi, dede i ce sɔɔlu i koo i sɔ̃ ŋa iyi an sɔ̃ɛ fei. Maà ti i ce njo si waju nŋa i maa yaya, ku ba amu takam n maà n na n jɔ̀ i maa yaya si waju nŋa.

Zeremi 40:1

Si anyii iyi Nebuzaradãa inɛ ngboi woo degbei ilaaluu í jɔ̀ Zeremi í nɛ hai Rama, Aɔ̃ Lafɛ̃ɛ í ba Zeremi ide ku fɔ. Si waati iyi í jɔ̀ à mu Zeremiu, à dũui do sesee à dasiɛ si inɔi inɛ ŋa iyi à mu hai Zeruzalɛmu do Zudaa à waa nɛò ŋa Babilɔniu. Ŋɔi inɛ ngboi woo degbe ŋau í nyaa wa hai si inɔi inɛ ŋau.

Woo bɛ ŋa 21:33

Ŋɔi inɛ ngboi igũu í bɔ bi Pɔlu í muu nɔ í ni a dũu do sesee minji. Nɔ í bee ŋa í ni, yooi. Mii í ce.

Woo bɛ ŋa 26:29

Ŋɔi Pɔlu í jɛaa í ni, ǹ wa n tɔɔ Ilaaɔ̃ ku jɔ̀ i yɛ bɛi amu, bii á ce nsɛi, bii í nɔ í jɛ á kpɛ mɔi. Ku maà jɛ baa awɔ akã, amma hee do inɛ ŋa iyi à waa de itĩ si idem nnyiu ihɛ̃ fei. Ǹ bi iŋɛ mɔ i yɛ bɛi amu amma ku maà jɛ a da nŋɛ si kpɛmkpɛm bɛi à daam siu ihɛ̃.

Woo bɛ ŋa 28:20

Na ŋɔi í jɔ̀ ǹ tɔtɔɔ ŋɛ n sɔ̃ ŋɛ do yaaseɛ. Inɛ ŋa à daam si kpɛmkpɛm nii na inɛ iyi inɛi Izirɛli ŋa à waa cɔ kpãaɛu.

Woo bɛ ŋa 28:31

Wa waazo idei bommai Ilaaɔ̃ nɔ wa kɔ nŋa si idei Lafɛ̃ɛ Jesu Kirisi do wɔɔkɔ nɔ inɛ kãma kù ganjiɛ.

Woo bɛ ŋa 5:29

Ŋɔi Piɛɛ do woo bɛ kpaasiɛ ŋau à jɛ à ni, tilasi idei Ilaaɔ̃i aa ka jirima, kù jɛ ti amanɛ ŋa.

Kɔrɛnti 2, 3:12

À waa fɔ ide do naanɛ si na iyi í jɔ̀ à nɛ kpãa ku cɔu ihɛ̃.

Kɔrɛnti 2, 5:20

Na nŋu, à jɛ woo bɛi Kirisi ŋa. Í yɛi bɛi Ilaaɔ̃ takaɛi wa ba ŋɛ ide ku fɔ hai bi tu wa nɔ à waa tɔɔ ŋɛ do irii Kirisi, i jɔ̀ i dɔ̃ do Ilaaɔ̃ ŋa.

Efɛɛzu 3:1

Na saabui iyi ihɛ̃i amu Pɔlu ǹ wa n ce kutɔɔ, amu iyi ǹ wa piisɔ̃ɔ si na iyi í jɔ̀ ǹ wa n ce icɛi Kirisi na irii iŋɛ dimi mmu ŋa.

Efɛɛzu 4:1

Na nŋu, amu iyi ǹ wa piisɔ̃ɔ si na iyi í jɔ̀ ǹ wa n ce icɛi Lafɛ̃ɛ, ǹ wa n tɔɔ ŋɛ i maa nɛ dee dee si bɛi í jɔ inɛ ŋa iyi Ilaaɔ̃ í kpe à ya nɛ.

Efɛɛzu 6:19

Nɔ i cea amu mɔ kutɔɔ ŋa ku ba bii ǹ cĩ gɛlɛ, n ya n ba ide iyi an fɔ nɔ n nɛ wɔɔkɔ n sisiò idei laabaau jiida iyi wa singau wo.

Filipi 1:20

Mii iyi ǹ dasi idɔ nɔ ǹ wa n cɔ kpãaɛ kãm kãm nŋui í jɛ n maà n ce nkãma iyi á jɔ̀ anyɔ ku mum. Mii iyi ǹ bi nŋui í jɛ n nɛ wɔɔkɔ bɛi ǹ nɛ hai tako n maa n nyisiò kulai Kirisi bii ǹ wɛɛ si hunde walakɔ baa bii í jɛ ǹ ku mɔi.

Filipi 1:7

Nɔ í sĩa n ce lasabu nŋɛ bɛɛbɛ, domi ǹ nɛ kubi nŋɛ si idɔm. Ntɔ ntɔ, ì ya bam icɛ ku ce ŋa ile piisɔ̃ɔ ihɛ̃ do waati iyi ǹ nɛ aram wo ǹ ya n maa n sisi laabaau jiidau ku ba ku nɛ gbugbã ku maa koo nɔ ǹ ya n maa n jabu na iriɛ.

Kolosee 4:3

Nɔ i ce nwa kutɔɔ ŋa ku ba Ilaaɔ̃ ku fũ nwa kpãa ka waazo ideɛ, ku ba ka yɔkɔ ka sisi asiii Kirisi. Na asiiui ǹ waò piisɔ̃ɔ nsɛi.

Kolosee 4:4

Na nŋu, i ce kutɔɔ ŋa ku ba n yɔkɔ n sisi asiiu si bɛi í jɔ ku ba inɛ ŋa a mà ideu sãa sãa.

Tɛsalonika 1, 2:2

Ì mà ŋa iyi à bú wa, à kpã wa iju Filipi à bɛi à naa bi tu ŋɛ. Do nŋu fei, Ilaaɔ̃ í mu nwa wɔɔkɔ à sisiò laabaau jiidaɛ si anini nŋɛ, baa do iyi inɛ ŋa à bi a ganji wa ntɔ ntɔ.

Timɔtee 2, 1:16

Ilaaɔ̃ kú ce araarei nyaanzei Onɛzifɔɔ domi í muum gbugbã isɛ fɛɛfɛlo. Kù nɔ kù ce baa anyɔi iyi ǹ wa piisɔ̃ɔ.

Timɔtee 2, 2:9

Na laabaau jiidaui ǹ wa n yɛ ijuukpã hee à dĩm do sesee bɛi woo ce laalɔ. Amma idei Ilaaɔ̃ si à dĩ.

Filemɔɔ 1:10

ǹ wa n tɔɔɛ suurui na irii Onezimu, nŋu iyi í jɛ bɛi amam iyi ǹ bí si kpãai naanɛ ku dasi si ile piisɔ̃ɔ ihɛ̃.

Filemɔɔ 1:9

do nŋu fei, na kubii í jɔ̀ ǹ wa n tɔɔɛ suuru. Amu Pɔlu, amu iyi ǹ jɛ mɔkɔ ngbo, nɔ wee nsɛi ǹ wa piisɔ̃ɔ na irii Jesu Kirisi,

Zãa 1, 3:16

À mà bɛi kubi í yɛ si na iyi í jɔ̀ Kirisi í na kuwɛɛɛ na iri nwa. Na nŋu, awa mɔ ka na kuwɛɛ nwa na irii kpaasi nwa ŋa.

Zudu 1:3

Iŋɛ baakɔɔm ŋa, ǹ dasi idɔ wo ntɔ ntɔ n kɔ nŋɛ tia wa, na idei faabai awaɛ ŋau. Amma wee ǹ yɛ í cem tilasi n kɔ nŋɛ tiau ihɛ̃ wa nsɛi n kɔ̃ɔ nŋɛ si himma ku ba i jabu i maa leekĩ si kukɔsi ntɔ iyi à na inɛi Ilaaɔ̃ ŋa gbakã akã hee do ajɔ fei.