Efɛɛzu 6:2 - Bibeli do fee

² Wooda sinte iyi Ilaaɔ̃ í ceò kuwã wee. I jirima iyeò baa nŋɛ ŋa

Efɛɛzu 6:2 Iomraidhean Croise

Kufita 20:12

I jirima iyeò baa nŋɛ ŋa ku ba hunde nŋɛ ku sɔ si ilɛ iyi amu Aɔ̃ Lafɛ̃ɛ nŋɛ an mu nŋɛu.

Mɔnda ŋa 20:20

Inɛ iyi í ceekpe iyeɛ walakɔ baaɛ, lafɛ̃ɛ á kui bɛi fitila í ya ku si ilu kuku nla nla.

Zeremi 35:18

Nɔ Zeremi í sɔ̃ nyaanzei Rekabu ŋau í ni, Aɔ̃ Lafɛ̃ɛi lele do ilɛ, nŋu iyi í jɛ Lafɛ̃ɛi inɛi Izirɛli ŋau í ni, si bɛi ì jirima woodai bala nŋɛ Yonadabu, nɔ ì ceò ide iyi í sɔ̃ ŋɛ feiu icɛ ŋa,

Zeremi 35:7

I kù nɛ i ma ile ŋa, nɔ i kù nɛ i gbɛ̃ nkãma ŋa. I kù nɛ i lɔ jĩi ndii rezɛ̃ɛ ŋa, nɔ i kù nɛ i nɔɔ ŋa mɔm. Amma si ilei acɔ ŋai ì nɛ i maa wa ŋa si kuwɛɛ nŋɛ fei ku ba i buba i kpɛ si ilɛ bii ì waa jɛ inɛ njoo ŋau ŋa.

Ezekiɛli 22:7

Bi tu ŋɛ, inɛ ŋa à donda iyeò baa nŋa ŋa. Inɛ ŋa à ya maa takii inɛ njoo ŋa, nɔ à ya maa taa kɔyɔ ŋa do jaaɔ̃ ŋa gbugbãi.

Malasi 1:6

[Aɔ̃ Lafɛ̃ɛi lele do ilɛ wa ba woo wee ŋa ide ku fɔ wa ni,] ama í ya mà bɛɛrɛi baaɛi, amaacɛ mɔ í ya jirima lafɛ̃ɛɛi. Bii ǹ jɛ baa nŋɛi, bɛirei ì waa nyisiò bɛɛrɛm ŋa. Bii ǹ jɛ lafɛ̃ɛ nŋɛi hee iwoi jirimam iyi ì nɛ í wa ŋa. Iŋɛ woo wee ŋau, ì waa yaakom nɔ ì waa ni ŋa, si iwoi à waa yaakoɛ.

Romu 13:7

I sãa inɛ fei iyi ì nɛ i sã ŋa. Inɛ ŋa iyi ì nɛ i sãa lɛmpoo i sã nŋa ŋa. Inɛ iyi ì nɛ i sãa fiai duani i sãa lafɛ̃ɛ. Inɛ iyi ì nɛ i jirima fei i jirima lafɛ̃ɛ ŋa. Inɛ iyi ì nɛ i mà bɛɛrɛɛ, i màa ŋa.

Efɛɛzu 6:3

ku ba i nɛ inɔ didɔ̃ ŋa nɔ hunde nŋɛ ku sɔ si ilɛ.

Wooda ku kɔsi 27:16

Ikpei á jɛ ti inɛ iyi í donda iyeò baaɛ. Nɔ zamaau fei á jɛi ku ni, ami.

Wooda ku kɔsi 5:16

I jirima iyeò baa nŋɛ ŋa si bɛi amu Aɔ̃ Lafɛ̃ɛ ǹ sɔ̃ ŋɛu ku ba hunde nŋɛ ku sɔ nɔ i jɛ ilu inɔ didɔ̃ ŋa si ilɛ bii amu Aɔ̃ Lafɛ̃ɛ an mu nŋɛu.

Timɔtee 1, 5:4

Bii jaaɔ̃ gɔ í nɛ amu ŋa walakɔ tɔku ŋa, í sĩa amaɛ ŋau a woo bɛi nŋu mɔ í tako í ce nŋa. Bii à waa ce bɛɛbɛ à waa cea Ilaaɔ̃ icɛi, nɔ nŋui á dɔ̃a Ilaaɔ̃ si.