Efɛɛzu 6:18 - Bibeli do fee

¹⁸ Waati kãma fei i ya ce kutɔɔ ŋa nɔ i ya maa tɔɔ sobii Ilaaɔ̃ ŋa. I wɔ njoo nɔ i na ara nŋɛ si idei kutɔɔu do gbugbãi Hundei Ilaaɔ̃ ŋa, nɔ i ya ce kutɔɔ na irii woo dasi naanɛ fei ŋa.

Efɛɛzu 6:18 Iomraidhean Croise

Ilaalu 1, 8:52

Cea amu do zamaaɛu fei didɔ̃ nɔ i gbɔ kutɔɔ nwa ku ba i ce nwa amuai mii iyi à tɔɔɛ fei,

Ilaalu 1, 8:54

Waati iyi Salomɔɔ wa ce kutɔɔu bɛ fei, wa gulɛi si wajui bi kuweeu nɔ í to awɔ lele. Waati iyi í tɔɔ Aɔ̃ Lafɛ̃ɛ í tã, ŋɔi í dede

Ilaalu 1, 8:59

Aɔ̃ Lafɛ̃ɛ ku ya maa ye gigii mii ŋa iyi ǹ tɔɔɛu dasãò idũ, ku ba waati kãma fei ku ya maa sobi wa, hai iŋɛ do amu takam fei, domi awa zamaaɛ ŋai.

Ilaalu 1, 9:3

Ŋɔi í sɔ̃ɔ í ni, ǹ gba kutɔɔɛ. Kpasɛ̃u ihɛ̃ iyi ì ma, ǹ nyaa ikãi í jɛ titom. Bɛi an maa n wa waati kãma fei si anini nŋɛ, nɔ bɛi ijum do idɔm á maa wa.

Ɛsitɛɛ 4:8

Nɔ í naa tia si bii à kɔ wooda iyi à fangaa si ilui Suze ku ba a kpa Zuifu ŋau, nɔ í sɔ̃ɔ í ni ku sisia Ɛsitɛɛ yaasei ideu fei nɔ ku nyisiɛ tia si bii à kɔ woodau. Nɔ í ni Ɛsitɛɛ ku bɔ bi ilaaluu ku tɔɔɛ suuru nɔ ku ce araarei inɛɛ ŋa.

Zɔɔbu 27:10

Á nɛ inɔ didɔ̃ si Ilaaɔ̃ ilu gbugbã fei? Á maa tɔɔ Ilaaɔ̃ waati kãma fei?

Iri ku kɔ̃ 4:1

Iriu ihɛ̃ ti inɛ ngboi woo kɔ̃ iri ŋai do Davidi. À ya kɔ̃ɔi do mɔɔlɔ.

Iri ku kɔ̃ 6:9

Iŋɛ iyi ì waa ce laalɔ fei, i fa ara nŋɛ hai bi tom, domi Aɔ̃ Lafɛ̃ɛ í gbɔ kukpatam.

Ezai 26:16

Aɔ̃ Lafɛ̃ɛ, si inɔ kufɔ, awɔi inɛ ŋa à tɔɔ do imu lɛlɛ. Waati iyi ijuukpãɛ í naa si ŋa awɔi à tɔɔ.

Daniɛli 6:10

Ŋɔi ilaalu Dariusi í jilɛ woodau, nɔ í dasi nyindaɛu.

Daniɛli 9:20

Ŋɔi ǹ mɔsi do kutɔɔ ku ce, nɔ ǹ wa n ce tuubai dulum dom ŋa do ti inɛi Izirɛli zamaam ŋau, nɔ ǹ wa n tɔɔ Aɔ̃ Lafɛ̃ɛm nii ntɔ ntɔ na iri kuta kumáu.

Ozee 12:4

Hai si inɔi iyeɛ wa, í zamba igbãɛ, nɔ waati iyi í na í ce inɛ ngbo, í ko ibu do Ilaaɔ̃.

Zakari 12:10

An jɔ̀ kpasɛ̃i Davidi do inɛi Zeruzalɛmu ŋa a nɛ araare nɔ a ya ce kutɔɔ, nɔ a sinda wa sim a cɔ amu iyi à gũ do jĩnɛi igũ. Aa kpata sim bɛi inɛ iyi ama akã lege legeɛ í ku. Aa kpata do inɔ kufɔ nla nla bɛi inɛ iyi ama yemmaɛ í ku.

Matie 17:21

Amma dimii inɛi inɔɔko bɛɛbɛ ci ya fita bii kù jɛ do kutɔɔ do anu ku dĩ.]

Matie 26:41

I wɔ njoo nɔ i maa ce kutɔɔ ŋa ku ba i maà na i dasi kulɛlɛi inɛ ŋa. Idɔi amanɛ í bi, amma araɛ í kua gbugbãɛ.

Maaku 13:33

I ce laakai ŋa, nɔ i ya maa cɔ kpãa ŋa, si na iyi í jɔ̀ i kù mà waati iyi ajɔu á to wa ŋa.

Maaku 14:38

I wɔ njoo nɔ i maa ce kutɔɔ ŋa ku ba i maà dasi kulɛlɛi inɛ ŋa. Idɔi amanɛ í bi, amma araɛ í kua gbugbãɛ.

Luku 21:36

Na nŋu, i cɔ kpãa i maa ceò kutɔɔ ŋa waati kãma fei ku ba i ba gbugbã i gbã si mii iyi wa naa fei ŋa, nɔ i yɔkɔ i leekĩ si wajui amu Amai Amanɛ ŋa.

Luku 22:46

Nɔ í bee ŋa í ni, na mii í ce ì waa sĩ njoo ŋa. I dede i ce kutɔɔ ŋa ku ba i maà dasi kulɛlɛ ŋa.

Luku 3:26

do Maatu do Matatia do Semɛni do Zozɛki do Zoda,

Luku 3:37

do Mɛtusela do Enɔku do Yerɛdi do Mahalaleɛli do Kenaa,

Woo bɛ ŋa 1:14

Do anu akãi inɛ ŋau fei à ya tɔtɔɔ a maa ce kutɔɔ do himma, aŋa do ifɔi Jesu ŋa do Maari iyeɛ do inaabo gɔ ŋa má.

Woo bɛ ŋa 10:2

Mɔkɔu wa too Ilaaɔ̃ nɔ í ya maa jirimaɛ ntɔ ntɔ, nŋu do nyaanzeɛ ŋa fei. Í ya maa ce kutɔɔ waati kãma fei, í ya nɔ ku sobi ilu arei Zuifu ŋa ntɔ ntɔ.

Woo bɛ ŋa 12:5

À waa mu Piɛɛ ile piisɔ̃ɔ bɛ, amma inɛi igbɛi Jesu ŋa à wasi ku ce kutɔɔ na iriɛ do himma jiida jiida bi Ilaaɔ̃.

Woo bɛ ŋa 6:4

Amma awa taka nwa aa ka maa ce kutɔɔ nɔ ka maa waazo idei Ilaaɔ̃ waati kãma fei.

Romu 12:12

I wɛɛò inɔ didɔ̃ ŋa na kpãa ku cɔu. I temua si wahala ŋa. I maà ya gbɛɛji do kutɔɔ ŋa.

Romu 8:15

Hunde iyi Ilaaɔ̃ í mu nŋɛ kaa ce ŋɛ aru, kaa nɔ ku jɔ̀ njo ku mu ŋɛ má, amma Hundeu í ce ŋɛ amai Ilaaɔ̃ ŋa, nɔ do saabuɛi aa ka yɔkɔ ka kpe Ilaaɔ̃, ka ni Baaba.

Galati 4:6

Nɔ Ilaaɔ̃ í bɛ Hundei Amaɛ wa si idɔ nwa ku nyisiò iyi awai à jɛ amaɛ ŋa. Na saabui Hundeui í jɔ̀ si kutɔɔ nwa à ya ka ni, Baaba.

Efɛɛzu 1:16

n ci ya n gbɛɛjiò Ilaaɔ̃ ku saabu na iri nŋɛ. Ǹ wa n ye gigi nŋɛ si kutɔɔm.

Efɛɛzu 2:22

Na anu akã nŋɛ do Kirisi, iŋɛ mɔ ì yɛi bɛi ileu, nɔ iŋɛò ŋa ì jɛò bi kuwai Hundei Ilaaɔ̃ ŋa.

Efɛɛzu 3:18

ku ba iŋɛ do woo dasi Jesu naanɛ ŋa iyi à gbe fei i yɔkɔ i mà zaka bɛi kubii Kirisi í cĩ í to do kusɔɛ do kujĩisaɛ do kugbokaɛ.

Efɛɛzu 3:8

Amu iyi ǹ jɛ keekei woo dasi Jesu naanɛ ŋa fei, amui Ilaaɔ̃ í cea didɔ̃ n sisia dimi mmu ŋa laabaau jiida nɔ n sɔ̃ ŋa bɛi didɔ̃i Kirisi í la í to nɔ í re kumà nwa.

Efɛɛzu 6:19

Nɔ i cea amu mɔ kutɔɔ ŋa ku ba bii ǹ cĩ gɛlɛ, n ya n ba ide iyi an fɔ nɔ n nɛ wɔɔkɔ n sisiò idei laabaau jiida iyi wa singau wo.

Filipi 1:4

Si kutɔɔm ŋa fei iyi ǹ ya n maa n ce na irii iŋɛ fei, ǹ ya n cooi do inɔ didɔ̃,

Filipi 4:6

I maà ya jɔ̀ zigi nŋɛ ku da do ngɔgɔ. Amma si mii fei i ya tɔɔ Ilaaɔ̃ do saabu nɔ i beeɛ bukaatai mii iyi ì bi ŋa.

Kolosee 1:3

Hai waati iyi à gbɔ bɛi ì dasi Jesu Kirisi naanɛ ŋa, do bɛi ì bi woo dasi Jesu naanɛ ŋa fei, à ya ka maa ce nŋɛ kutɔɔi waati kãma fei, ka maa saabu Ilaaɔ̃ Baai Lafɛ̃ɛ nwa Jesu Kirisi.

Kolosee 4:2

I temua si kutɔɔ ŋa, i ya maa tɔɔ Ilaaɔ̃ waati kãma fei nɔ i maa saabuɛ ŋa.

Tɛsalonika 1, 5:17

I ce kutɔɔ hai nɛ kɔɔ ŋa.

Timɔtee 1, 2:1

Mii sinte iyi ǹ wa n tɔɔ ŋɛi í jɛ i ya ce kutɔɔ ŋa. Mii iyi ì nɛ bukaataɛ fei, i ya tɔɔ Ilaaɔ̃ ŋa nɔ i ya ce kutɔɔ na irii inɛ fei ŋa nɔ i ya saabu Ilaaɔ̃ na iri nŋa ŋa.

Timɔtee 2, 1:3

Ǹ wa n saabu Ilaaɔ̃, nŋu iyi ǹ wa n tɔɔ do idɔ hai nɛ taale si bɛi balam ŋa à tako à ce wo. Waati kãma fei ǹ ya n maa n saabu Ilaaɔ̃ na iriɛ, nɔ dasãò idũ fei ǹ ya n maa n ye gigiɛ si kutɔɔm.

Filemɔɔ 1:5

domi ǹ wa n gbɔ baaui naanɛɛ iyi ì dasi Lafɛ̃ɛ Jesu do bɛi ì bi woo dasi Jesu naanɛ ŋa fei.

Ebɛɛ 5:7

Si waati iyi Jesu í wa si andunya í ya ce kutɔɔ do anu ku dɔ̃ nla nla do cikãaju. Í tɔɔ sobii Ilaaɔ̃, nŋu iyi á yɔkɔ ku nyaa hai si awɔi iku, nɔ í gbɔaa si na iyi í jɔ̀ í sũaa iri ilɛ.

Piɛɛ 1, 4:7

Kɔɔi mii fei í maai wa. Na nŋu, i mu ara nŋɛ do laakai, nɔ i jɔ̀ hunde nŋɛ ku wɔ njoo ku ba i yɔkɔ i ce kutɔɔ ŋa.

Zudu 1:20

Amma iŋɛ baakɔɔm ŋa, i ya maa mua njɛ gbugbã si naanɛ iyi ì dasi Jesu ŋa, nɔ i ya ce kutɔɔ do gbugbãi Hundei Ilaaɔ̃ ŋa.

Samuɛli 1, 1:12

Si bɛi kutɔɔi Ana í kpɛ, ŋɔi Elii wa cɔɔ.