Efɛɛzu 6:17 - Bibeli do fee

¹⁷ I gba faabau bɛi fulai isɔ, nɔ idei Ilaaɔ̃ mɔ i gbaa ŋa bɛi taakubai Hundei Ilaaɔ̃.

Efɛɛzu 6:17 Iomraidhean Croise

Samuɛli 2, 22:36

Awɔ Aɔ̃ Lafɛ̃ɛm, awɔi ì jɛ tɛli iyi í faabam, awɔi ì gbɔ kutɔɔm nɔ ì muum gbugbã.

Ezai 49:2

Í jɔ̀ gɛlɛm í yɛi bɛi taakuba ku dɔ̃ anu, nɔ í biim nii do awɔɛ. Í cem nii bɛi afa ku gbe anu, nɔ í singam nii si inɔ tongoɛ.

Ezai 59:17

Dee dee ku jɛ í wɛɛai bɛi ibɔi isɔ, nɔ fulai isɔ iyi í dasi si iriɛi í jɛ faabau. Nɔ í dasi ibɔ jaba gɔ í jɛ bɛi jĩnɛ ŋa iyi á dasi ku jaò ku ba ku gbaa inɛɛ ŋa. Ibɔ nla nla iyi í dasiui í jɛ himmaɛ iyi á ceò ija.

Ozee 6:5

Na ŋɔi í ce ǹ wahala ŋa do ide iyi ǹ jɔ̀ walii ŋau à sɔ̃ ŋau, nɔ ǹ kpa ŋa do idei gɛlɛm ŋa. Ǹ kiiti ŋa dasã nkpa.

Zakari 4:6

Nɔ í jɛɛm í ni, ide iyi Aɔ̃ Lafɛ̃ɛi lele do ilɛ í sɔ̃ Zorobabɛli, nŋu iyi wa ma kpasɛ̃ɛ wee. Í ni, kù jɛ do yiikoi amanɛ, kù nɔ kù jɛ do gbugbãɛi aa ceò icɛɛu. Amma do saabui hundem nii.

Matie 4:4

Ŋɔi Jesu í jɛaa í ni, kukɔi idei Ilaaɔ̃ í ni, amanɛ ci ya wɛɛ na ijɛ nŋu akã, amma á maa wɛɛi na ide iyi Ilaaɔ̃ wa fɔ fei.

Matie 4:7

Nɔ Jesu í jɛaa í ni, amma kukɔi idei Ilaaɔ̃ í ni má, maà ti i sii Aɔ̃ Lafɛ̃ɛɛ.

Efɛɛzu 5:26

Í nya ŋa ikã nɔ í wɛ ŋa í jɔ̀ à má na saabui ideɛ.

Tɛsalonika 1, 5:8

Amma awa iyi à jɛ inɛi dasã ŋa, í sĩa ka ya ce laakaii ara nwa. Ka jɔ̀ naanɛ ku dasi do kubi ku degbe wa bɛi ibɔi igũ, nɔ kpãai faaba ku cɔ ku jɛ nwa bɛi fulai isɔ.

Ebɛɛ 4:12

Idei Ilaaɔ̃i í jɛ kuwɛɛ, í nɔ í nɛ gbugbã. Í dɔ̃ anu í re taakuba ilu andɛ minji. Í nɛ gbugbã iyi á yɔkɔ ku lɔò hee lɛlɛi idɔ ku fɛɛfɛ idɔi amanɛ do lasabuɛ, ikɔ̃i ara mɔ do lompi. Nɔ á wusɛ idɔɔbii amanɛ do lasabuɛ.

Ebɛɛ 6:5

nɔ à yɔɔ iyi idei Ilaaɔ̃ í sĩa, nɔ à mà gbugbãi kuwɛɛi ala,

Kuyɛi Zãa 1:16

Wa mu leleaɔ̃ mɛɛje si awɔ njɛɛ, nɔ taakuba andɛ didɔ̃ minji wa fita hai si gɛlɛɛ nɔ wajuɛ wa daana bɛi nunui dasã.

Kuyɛi Zãa 12:11

Inɛ nwa ŋau à jɔɔ igũ do saabui njɛi ama angudãu do sɛɛdai ntɔu iyi à jɛ. A kù doo kuwɛɛ nŋa nkãma, amma à jɛsi aŋa a ku.

Kuyɛi Zãa 19:15

Taakuba didɔ̃ gɔ wa fita wa hai si gɛlɛɛ iyi á jɛò dimii andunya ŋa igũ. Si anyiɛ nɔ ku gbã ŋa do goloi isɔ. Á fɔ̃ inyii isoi jĩi ndii rezɛ̃ɛ ku nyisiò idɔɔkɔ̃ nlai Ilaaɔ̃ ilu gbugbã fei iyi á naa si inɛi andunya ŋa.

Kuyɛi Zãa 2:16

Na nŋu, i kpaasi idɔ ŋa. Bii kù jɛ bɛɛbɛ, an naa si ŋɛ bii í kɔ̃ɔsi nɔ n ce igũ do inɛ ŋau do taakuba iyi wa fita hai si gɛlɛm.

Samuɛli 1, 17:5

Wa dasi fulai isɔ nkpa do ibɔi isɔ iyi í yɛ bɛi kpakai cɛ̃ɛ nɔ kuwoɛ í to zakai kiloo kita.

Samuɛli 1, 17:58

Ŋɔi Saulu í beeɛ í ni, awɔ amai yooi. Ŋɔi Davidi í jɛaa í ni, amu amai woo ce icɛɛ Izai inɛi Betelehɛmui.