Efɛɛzu 6:13 - Bibeli do fee

¹³ Na nŋu, i so jĩnɛi igũi Ilaaɔ̃ fei i dĩ ŋa. Si bɛɛbɛ, bii ajɔi wahala í na í naa, aa yɔkɔ i kɔò ara nŋɛ si wajui Seetam mbɛɛ nŋɛu. Nɔ bii ì ce igũ ì tã ŋa, i leekĩ dim dim ŋa hee kɔɔ.

Efɛɛzu 6:13 Iomraidhean Croise

Woo lasabu 12:1

Ye gigii Ilaaɔ̃ woo takaɛ si awaasũ ku jɛɛ hee ajɔi wahala ŋa a maa naa, si waati bii aa ni i kù nɛ inɔ didɔ̃ má.

Amɔsu 6:3

Iŋɛ ilu inɔ kufɔ ŋai. I kù bi ajɔi ijuukpãu ku to wa ŋa. Amma iŋɛi aa jɔ̀ ilu inɔ kukã ŋa a na a gba ilɛ nŋɛ.

Malasi 3:2

Yooi á yɔkɔ ku leekĩ dim dim si ajɔ iyi á to wa. Mà yooi á yɔkɔ ku leekĩ waati iyi á faata wa, domi á yɛi bɛi ina iyi wa yɔ isɔ. Nɔ ku yɛ bɛi acɛ jiidai woo fɔ jĩnɛ ŋa.

Luku 21:36

Na nŋu, i cɔ kpãa i maa ceò kutɔɔ ŋa waati kãma fei ku ba i ba gbugbã i gbã si mii iyi wa naa fei ŋa, nɔ i yɔkɔ i leekĩ si wajui amu Amai Amanɛ ŋa.

Luku 8:13

Inɛ gɔ ŋa mɔ à yɛi bɛi ilɛ kuta. Aŋai à gbɔ ideu nɔ à gbaa do inɔ didɔ̃. Amma a kù jɔ̀ kù ce icã si idɔ nŋa. Naanɛ ku dasi nŋa í kpɛ keeke amma iyi wahala í naa, à nyiò anyi.

Romu 13:12

Waati iyi à wa si nsɛi í yɛi bɛi idũ í dũ wa koo, nɔ amɛɛjuumá í maai wa. Na nŋu, ka jɔ̀ icɛi ilu kuku ku ce, nɔ ka so jĩnɛi igũ iyi á jɔ̀ ka jabu si inya kumá.

Kɔrɛnti 2, 10:4

Jĩnɛi igũ ŋa iyi à waa jabuò kù jɛ ti andunya, amma gbugbãi Ilaaɔ̃i iyi á jɔ̀ ka kɛkɛ bindi ŋa ka kpaò irii lasabui amanɛ

Efɛɛzu 5:16

Waati iyi ì nɛ ŋa, i ceò icɛ, domi waatiu ihɛ̃ bɛi waati laalɔi.

Efɛɛzu 5:6

I maà ya jɔ̀ inɛ gɔ ku dĩ iju nŋɛ do ide nfe, domi na nŋu bɛi í jɔ̀ idɔɔkɔ̃i Ilaaɔ̃ wa naa si irii inɛ ŋa iyi a kù waa jirimaɛ.

Kolosee 4:12

Epafaasi, inɛi ide nŋɛ woo ce icɛi Jesu Kirisi, nŋu mɔ í ce ŋɛ fɔɔ. Waati kãma fei í ya maa jabui ku maa ce kutɔɔ na iri nŋɛ ku ba i jĩa si idei Ilaaɔ̃ nɔ i yɔkɔ i leekĩ si dim dim ŋa nɔ i tã sɔɔlu i maa ceò idɔɔbii Ilaaɔ̃ fei ŋa.

Zaaki 4:7

Na nŋu, i sũa Ilaaɔ̃ iri ilɛ. I kɔ̀si Seetam á sa nŋɛ ku jĩ.

Piɛɛ 1, 4:1

Kirisi í ba ijuukpã si araɛ. Na nŋu, i mà ŋa iyi iŋɛ mɔ aa ba ijuukpã nɔ í sĩa i yɔkɔ temua ŋa, domi inɛ iyi í temuaò ijuukpã si araɛ, dulum kaa kãmiaɛ má,

Kuyɛi Zãa 3:10

Ǹ ni i temua ŋa, nɔ ì jirima idem nɔu ŋa. Na ŋɔi í jɔ̀ amu mɔ an degbe ŋɛ si waatii wahala iyi wa naa si andunya fei ku na ku cɔ laakaii inɛ ŋa.

Kuyɛi Zãa 6:17

I bii wa ŋa si na iyi í jɔ̀ ajɔi idɔɔkɔ̃ nla nla nŋau í to wa. Yooi á yɔkɔ ku leekĩ si waju nŋa.