Efɛɛzu 6:12 - Bibeli do fee

¹² domi kù jɛ do amanɛ ŋai à waa ja. À waa jai do ilu iri laalɔi lele ŋa do ilu yiiko ŋa, do gbugbãi andunyai ilu kuku ŋau ihɛ̃, do inɛi inɔɔko woo ce icɛi Seetam ŋa.

Efɛɛzu 6:12 Iomraidhean Croise

Zɔɔbu 2:2

Ŋɔi Aɔ̃ Lafɛ̃ɛ í bee Seetam í ni, hai iwoi ì waa naa. Nɔ Seetam í jɛaa í ni, ǹ koo ǹ dabii si andunya ǹ kaakoɛ wai.

Matie 16:17

Ŋɔi Jesu í ni, Simɔɔ, amai Zãa, awɔ ilu inɔ didɔ̃i. Kù jɛ amanɛi í sɔ̃ɛ, bii kù jɛ Baam iyi í wa lele.

Maaku 4:19

amma lasabu bututui mii ŋa wa bitandi ŋa. Fia ku bi wa dĩ iju nŋa nɔ à nɛ kɔdɛɛi mii nkpɔ. Mii ŋau bɛi wa ganji ideu ku ce icɛ si ŋa.

Luku 13:24

i ce kookaai i lɔ do andɛ iyi kù cĩu ŋa. Ǹ wa n sɔ̃ ŋɛi, inɛ nkpɔi á maa dɛ kpãa iyi aa lɔò a kaa nɔ a yɔkɔ.

Luku 22:53

Ajɔ fei ǹ ya n wa si inɔ nŋɛ si inɔ kpasɛ̃i Ilaaɔ̃, nɔ i kù mum ŋa. Amma waatiu ihɛ̃i í jɛ tu ŋɛ do gbugbãi ilu kuku.

Laabaau jiida iyi Zãa í kɔ 12:31

Nsɛi ajɔ í to wa mbɛ si bii Ilaaɔ̃ á kiiti inɛi andunya ŋa. Bɛbɛii aa lele Seetam ilaalui andunyau.

Laabaau jiida iyi Zãa í kɔ 14:30

N kaa n ba n sɔ̃ ŋɛ ide nkpɔ má si na iyi í jɔ̀ Seetam ilaalui andunyau wa naa, amma kù nɛ gbugbã kãma sim.

Laabaau jiida iyi Zãa í kɔ 16:11

Nɔ á jɔ̀ a mà iyi Ilaaɔ̃ á kiiti inɛ ŋa domi í kiiti Seetam amanlui andunya tã mɔm.

Woo bɛ ŋa 26:18

i cĩ iju nŋa. An bɛɛ bi tu ŋai ku ba a sinda hai si ilu kuku a lɔ si inya kumá, nɔ a sinda hai si gbugbãi Seetam a naa bi Ilaaɔ̃. An bɛɛ bi tu ŋai ku ba a dasim naanɛ nɔ Ilaaɔ̃ ku kpa dulum du ŋa nɔ a na a jɛ tubu do inɛ ŋa iyi í cica à jɛ tɛɛ.

Romu 8:38

domi ǹ mà kãm kãm, nkãma kù wɛɛ iyi á yɔkɔ ku fɛɛfɛ wa do kubiɛ. Baa iku kaa yɔkɔ, walakɔ kuwɛɛ, do amaleka ŋa, do yiikoi lele ŋa do gbugbã mmuɛ ŋa. Mii iyi í ba wa nnyi hee do iyi á na ku ba wa ala fei, kãma nŋa kaa yɔkɔ.

Kɔrɛnti 1, 15:50

Iŋɛ inɛm ŋa, iyi ihɛ̃i ǹ wa n fɔ, arai ilɛ kaa yɔkɔ ku ba ikpɛ̃ɛ si bommai Ilaaɔ̃. Nŋu iyi í jɛ ti iku kaa yɔkɔ ku ba kuwɛɛ hai tã.

Kɔrɛnti 2, 11:14

Nkãma kù wa bɛ iyi á biti inɛ, domi Seetam takaɛ á yɔkɔ ku kpaasi araɛ bɛi amalekai Ilaaɔ̃.

Kɔrɛnti 2, 4:4

Inɛ ŋau a kù dasi naanɛ si na iyi í jɔ̀ Seetam, lafɛ̃ɛi andunyau í nya laakai nŋa. Í nya laakai nŋai ku ba a maà yɛ inya kumái laabaau jiidau. Laabaau jiidau wa nyisi wa amboei Kirisi, iyi í jɛ Ilaaɔ̃ takaɛ.

Galati 1:16

Si waati iyi í jilɛu, í nyisim Amaɛ ku ba n cea dimi mmu ŋa waazoi laabaau jiidaɛ. Nɔ n kù bɔ bi inɛ kãma ku muum bisi.

Efɛɛzu 1:21

Bɛi Kirisi í wa í reò ilu irii lele fei do ilu yiiko ŋa do ilu gbugbã ŋa do lafɛ̃ɛ ŋa fei. Nɔ iriɛ í re iri fei si waatiu ihɛ̃ do si waati iyi wa naa.

Efɛɛzu 1:3

I jɔ̀ ka saabu Ilaaɔ̃ Baai Lafɛ̃ɛ nwa Jesu Kirisi. Na saabui anu akã nwa do Kirisi, í wee nwa do didɔ̃ ikã ikã iyi Hundeɛ wa mu nwa wa hai lele.

Efɛɛzu 2:2

Waati bɛɛbɛ, kpãa laalɔi inɛi andunya ŋai ì ya maa too si ŋa, nɔ ì ya maa jirima Seetam, ilaalui ilu gbugbãi lele ŋa. Ilaaluu nŋui í jɛ hunde iyi wa ce icɛ hee nsɛi si idɔi inɛ ŋa iyi a kù waa jirima idei Ilaaɔ̃.

Efɛɛzu 3:10

ku ba inɛ ngboi lele ŋa do ilu yiikoi lele ŋa a mà yaasei bisiɛ do saabui igbɛi inɛi Jesu ŋa si waatiu ihɛ̃.

Kolosee 1:13

Do ntɔi í nya wa hai si awɔ gbugbãi ilu kuku nɔ í buba wa si bommai Amaɛ iyi í bi.

Kolosee 2:15

Bɛɛbɛi í kãmiaò gbugbãi lele ŋa do ilu yiiko ŋa í dasi ŋa anyɔ si bantuma. Do ikui Amaɛ si antaii jĩi ku gaauui í kãmiaò ŋa nɔ wa dabiiò ŋa si inɔ ilu bɛi ilaalu ŋa à ya dabiiò inɛ ŋa iyi à mu wa hai si igũ, zamaa fei ku yɛ ŋa.

Timɔtee 2, 2:5

Woo ce gaasai ku sɛi kaa yɔkɔ ku ba ribai areɛ bii kù jɛ í jirima woodaɛ ŋa.

Ebɛɛ 12:1

Na nŋu, si na iyi í jɔ̀ woo jɛ sɛɛda nkpɔu bɛ wa kaako wa, awa mɔ ka nyɔ mii iyi wa bitandi wa si kuwɛɛ nwa do dulum iyi ci ya kpɛtɛ ku mási wa dim dim. Nɔ ka temua si kpãai kuwɛɛ iyi wa degbe wa bɛi woo sɛi í ya temua si areɛ.

Ebɛɛ 12:4

Iŋɛ, si kujabu nŋɛ do dulum, i kù jabu i kù to hee si iku titã ŋa,

Piɛɛ 1, 3:22

nŋu iyi í bɔ lele nɔ wa buba si awɔ njɛi Ilaaɔ̃. Bɛi amaleka ŋa do ilu yiikoi lele ŋa do ilu gbugbã ŋa à waa sũaa iri ilɛ.