Efɛɛzu 6:10 - Bibeli do fee

¹⁰ Ide iyi í gbe ǹ wa n bi n sɔ̃ ŋɛ wee. Si anu akã nŋɛ do Lafɛ̃ɛ i jɔ̀ gbugbã nlaɛ ku mua iŋɛ mɔ gbugbã ŋa.

Efɛɛzu 6:10 Iomraidhean Croise

Bomma 1, 28:10

Nsɛi, jɔ̀ i mà iyi Aɔ̃ Lafɛ̃ɛ í cicaɛi ku ba i maa nŋu kpasɛ̃ iyi á jɛ ile kumáu. Dasi gbugbã nɔ i ce icɛu.

Bomma 1, 28:20

Ŋɔi Davidi í sɔ̃ Salomɔɔ amaɛu í ni, jɔ̀ i nɛ gbugbã nɔ i dasi wɔɔkɔ i ce icɛɛ. Maà ce njo nɔ i maà jɔ̀ idɔɛ ku dede, domi Aɔ̃ Lafɛ̃ɛm á wɛɛ do awɔ. Kaa kɔ̀siɛ pai, nɔ kaa fũsiɛ awɔ hee icɛi kpasɛ̃ɛu koo tãò.

Bomma 2, 15:7

Debɛi, iŋɛ i kɔ̃ɔsi gbugbã ŋa nɔ i maà mɔngɔ temua ŋa domi icɛ nŋɛ á nɛ ku sã.

Iri ku kɔ̃ 138:3

Ajɔ iyi ǹ kpeɛu, ì jɛɛm, ì muum wɔɔkɔ do gbugbã.

Ezai 40:28

I kù màa? I kù gbɔɔ? Aɔ̃ Lafɛ̃ɛi í jɛ Ilaaɔ̃ iyi kuwɛɛɛ kù nɛ kɔɔ. Nŋui í taka ilɛ hai kɔɔ ihɛ̃ hee ku bɔ kɔɔ ihɔ̃. Gbugbãɛ ci ya tã hee má jɛ ku gbɛɛji. Kumàɛ í jĩisa nɔ kù nɛ kɔɔ.

Ezai 40:31

Amma inɛ ŋa iyi kpãa ku cɔ nŋa í wa si Aɔ̃ Lafɛ̃ɛ, aa maa ba gbugbã titɔ̃ ŋai. Aa ya maa yɔi bɛi kungbã ŋa. Aa ya maa sɛii, nɔ a kaa ya gbɛɛji. Aa ya maa nɛi, nɔ gbugbã nŋa kaa nɛ kɔɔ.

Azee 2:4

Na nŋu, nsɛi, amu Aɔ̃ Lafɛ̃ɛi lele do ilɛ ǹ ni, awɔ Zorobabɛli do Zozue do inɛi Zudaa ŋa fei, i mua njɛ gbugbã ŋa nɔ i ce icɛ ŋa domi ǹ wɛɛ do iŋɛ.

Zakari 8:13

Iŋɛ inɛi Zudaa do inɛi Izirɛli ŋa, si inɔi dimi mmu ŋa, ì yɛ ŋai bɛi inɛ ŋa iyi à ceekpe wo, amma bɛbɛi, an faaba ŋɛ nɔ aa ba kuwee ŋa. I maà ce njo má. I dasi kookaai ŋa.

Zakari 8:9

Ide iyi amu Aɔ̃ Lafɛ̃ɛi lele do ilɛ ǹ wa n fɔ wee. Ǹ ni, i dasi kookaai ŋa, iŋɛ iyi ì waa gbɔ idei walii ŋau nnyi. Walii ŋau à fɔ ideu, waati iyi à nyɔ icui kpasɛ̃m ku ba a maa.

Kɔrɛnti 1, 16:13

I ce laakaii ara nŋɛ, i leekĩ si naanɛ ku dasi dim dim ŋa. I ce wɔɔkɔ ku ba i ba gbugbã ŋa.

Kɔrɛnti 2, 13:11

Iyi í gbe nsɛi, iŋɛ inɛm ŋa, i jɔ̀ i nɛ inɔ didɔ̃ ŋa, i ce kookaai i jɛò inɛ ŋa iyi à kɔ̃, i ya maa mua njɛ gbugbã ŋa. I ce anu akã ŋa, i wɛɛò laakai ku sũ ŋa. Ilaaɔ̃ ku wɛɛ do iŋɛ, nŋu iyi í bi wa nɔ wa mu nwa laakai ku sũ.

Efɛɛzu 1:19

do bɛi gbugbã nlaɛ wa ce icɛ si awa iyi à dasiɛ naanɛ. Gbugbãu, í jɛ akã do gbugbã nla

Efɛɛzu 3:16

Ǹ wa n tɔɔɛ ku jɔ̀ Hundeɛ ku mu nŋɛ gbugbã jiida jiida si idɔ nŋɛ si bɛi amboeɛ í la í to,

Wooda ku kɔsi 31:23

Si anyii nŋu bɛi Aɔ̃ Lafɛ̃ɛ í sɔ̃ Zozue amai Nunu í ni, jɔ̀ i ce wɔɔkɔ nɔ i dasi gbugbã. Awɔi aa gbã inɛi Izirɛli ŋau i bɔò ŋa si ilɛ iyi ǹ ce nŋa kuwãɛ do kugbasiu nɔ amu takam an maa n wɛɛ do awɔ.

Filipi 3:1

Nsɛi iŋɛ inɛm ŋa, i ya jɔ̀ i wɛɛ do inɔ didɔ̃ ŋa do iyi ì jɛ ti Lafɛ̃ɛ ŋa. Bi tom, n kaa n gbɛɛjiò ide akãu ku kɔ nŋɛ wa, domi ǹ mà iyi á mu nŋɛ gbugbã.

Filipi 4:13

An yɔkɔ n ce fei ndɛɛ do saabui Kirisi iyi wa muum gbugbã.

Filipi 4:8

Iyi í gbe nŋɛ, iŋɛ inɛm ŋa, i ya ce lasabu ŋa si mii iyi í sĩa, iyi Ilaaɔ̃ á saabu. Mii ŋaui í jɛ mii iyi í jɛ ntɔ fei, do mii iyi í nɛ bɛɛrɛ fei, do iyi wa too kpãa fei, do iyi í maaju fei, do iyi í dɔ̃ fei, do iyi í jɔ amanɛ ku saabu fei.

Kolosee 1:11

À waa tɔɔ Ilaaɔ̃ ku mu nŋɛ gbugbã si mii fei do saabui gbugbãi yiikoɛ ku ba i yɔkɔ temua si mii fei ŋa, nɔ i ya maa leekĩ dim dim ŋa.

Timɔtee 2, 2:1

Na nŋu, awɔ amam, mua araɛ gbugbã si didɔ̃ iyi à nɛ do anu akã nwa iyi à ce do Jesu Kirisi.

Timɔtee 2, 4:17

Do nŋu fei, Lafɛ̃ɛ í leekĩ do amu í muum gbugbã, ku ba n waazo laabaau jiidau mam mam nɔ dimi mmu ŋau fei a gbɔɔ. Nɔ ǹ fita si wahalau bɛi inɛ iyi í gbã hai si gɛlɛi muusu nla.

Zozue 1:9

Maà gbɛjɛ iyi ǹ sɔ̃ɛ ǹ ni, jɔ̀ i nɛ wɔɔkɔ nɔ i nɛ gbugbã. Maà jɔ̀ njo ku muɛ, nɔ i maà ti i mɔngɔ munya, domi amu Aɔ̃ Lafɛ̃ɛɛ an wɛɛ do awɔ bii ì waa bɔ fei.

Piɛɛ 1, 3:8

Si anyii fei ndɛɛ i jɔ̀ iŋɛ fei i nɛ lasabu akã do kubi akã ŋa. I bi njɛ bɛi nyaanze akã ŋa, i ce araarei njɛ do ara ku kaye ŋa.

Piɛɛ 1, 4:11

Inɛ iyi wa waazo, ku fɔ idei Ilaaɔ̃. Inɛ mɔ iyi wa cea inɛ gɔ icɛ ku coo do gbugbã iyi Ilaaɔ̃ í muaa ku ba si mii fei amboei ku jɛ ti Ilaaɔ̃ do saabui Jesu Kirisi, nŋu iyi í nɛ amboe do gbugbã hee do ajɔ fei. Ami.

Piɛɛ 1, 5:10

Amma bii ì yɛ ijuukpã si waati keeke ì tã ŋa, Ilaaɔ̃ ilu didɔ̃ fei, nŋu iyi í kpe ŋɛ ku ba i nɛ ikpɛ̃ si amboe hai nɛ kɔɔɛ na saabui anu akã nŋɛ do Kirisi, nŋu takaɛi á jɔ̀ i kɔ̃ dee dee ŋa. Nŋui á nɔ ku jɔ̀ i leekĩ dim dim ŋa, nɔ ku mu nŋɛ gbugbã, i maà tɛkɛɛ hai si ideɛ ŋa.

Zãa 1, 2:14

Ǹ wa n kɔ nŋɛ má, iŋɛ amu ŋa, si na iyi í jɔ̀ ì mà Ilaaɔ̃ Baaba ŋa. Nɔ ǹ wa n kɔ nŋɛ má, iŋɛ baaba ŋa, si na iyi í jɔ̀ ì mà inɛ iyi í wɛɛ hai sinte ŋa. Nɔ ǹ wa n kɔ nŋɛ má, iŋɛ awaasũ ŋa, si na iyi í jɔ̀ ì nɛ gbugbã ŋa, nɔ idei Ilaaɔ̃ í wa si ŋɛ, nɔ ì jɛ Seetam inɛ laalɔu igũ ŋa.

Samuɛli 1, 23:16

Ajɔ nŋu gɔ ŋɔi Zonatãa amai Saulu í dede í bɔ bi Davidi ilui Ɔrɛsi bɛ, nɔ í kɔ̃ɔa si gbugbã si idei Ilaaɔ̃,