Efɛɛzu 6:1 - Bibeli do fee

¹ Iŋɛ amu ŋa, i jirima inɛ ŋa iyi à waa mu ŋɛ si bɛi Ilaaɔ̃ í bi, domi bɛɛbɛi í sĩa.

Efɛɛzu 6:1 Iomraidhean Croise

Kusintii Andunya 28:7

Í nɔ í yɛ iyi Zakɔbu í gbɔ idei iyeò baaɛ, nɔ í nɛ ikpa Padan-Aramu.

Kusintii Andunya 37:13

Ŋɔi ajɔ nŋu gɔ Izirɛli í bee Zozɛfu í ni, kù jɛ ikpa Sikɛmui igbãɛ ŋa à bɔ degbe ya. Naa wa n bɛɛ bi tu ŋa. Ŋɔi Zozɛfu í jɛ í ni, to.

Kusintii Andunya 48:12

Nɔ Zozɛfu í jɔ̀ amaɛ ŋau à fita hai si afei itãi baaɛu nɔ nŋu takaɛ í sɛɛbataa.

Kusintii Andunya 50:12

Bɛɛbɛi amai Izirɛli ŋau à ce bɛi baa nŋa í sɔ̃ ŋau dee dee.

Neemi 9:13

Ì kita wa si antaii iri kutai Sinai hai lelei Aɔ̃ nɔ ì ba ŋa ide ku fɔ. Ì na ŋa wooda dee dee ŋa do ikɔ ŋa iyi à jɛ ntɔ, nɔ ì jilɛ nŋa ide jiida ŋa.

Ɛsitɛɛ 2:20

Ɛsitɛɛ kù sɔ̃ inɛ kãma iyi nŋu í jɛ Zuifu domi Maadosee í ni ku maà fɔ. Bɛɛbɛ mɔi í jirimaɛ wa koo bɛi waati iyi í wa si awɔɛ.

Zɔɔbu 33:27

Á ya kɔ̃ iri si wajui inɛ ŋa ku maa ni, ǹ ce dulum nɔ ǹ kua wooda. Amma n kù ba ijuukpã iyi ǹ nɛ n ba.

Iri ku kɔ̃ 119:128

Ŋɔi í jɔ̀ ǹ wa n doo ŋa si mii ŋa iyi à jɛ dee dee, nɔ ǹ cé mii iyi í jɛ ibo fei.

Iri ku kɔ̃ 119:75

Aɔ̃ Lafɛ̃ɛ, ǹ mà iyi kiitiɛ ŋai à jɛ dee dee, nɔ ì nɛ ntɔ iyi ì kpãm iju.

Iri ku kɔ̃ 19:8

Idei Aɔ̃ Lafɛ̃ɛ í kɔ̃i mam mam, nɔ í ya muaa inɛ kuwɛɛ. Sɛɛdaɛi í jɛ ntɔ, nɔ í ya muaa hai mà ŋa bisi.

Mɔnda ŋa 1:8

Amam, jɔ̀ i ya gbɔ ikɔi baaɛ, nɔ i maà ya fũsi idei iyeɛ awɔ

Mɔnda ŋa 23:22

Sotĩ i gbɔ ide iyi baa abíɛ wa sɔ̃ɛ, nɔ i maà na i donda iyeɛ si waati iyi í gbo.

Mɔnda ŋa 30:11

Inɛ gɔ ŋa à wɛɛ iyi à ya maa ceekpe baa nŋa ŋa nɔ a ci ya weea iye nŋa ŋa ajɔ kãma.

Mɔnda ŋa 30:17

Inɛ iyi wa yaako baaɛ nɔ wa donda iyeɛ, gaagaa ŋai aa nya ijuɛ, nɔ kungbã ŋa aa jɔ́ɔ.

Mɔnda ŋa 6:20

Amam, de si idei baaɛ itĩ, nɔ i maà fũsi ikɔi iyeɛ awɔ.

Zeremi 35:14

Yonadabu amai Rekabu í tako í na amaɛ ŋa wooda í ni a maà mɔ vɛ̃ɛ. Nɔ nyaanzei Rekabu ŋau à gba ideɛ ŋau à ceò icɛ. À bu ara nŋa a ci ya mɔ vɛ̃ɛ hee ku baa nnyi, domi idei bala nŋai à jirima. Nɔ amu Aɔ̃ Lafɛ̃ɛ, ǹ wasi ku ba ŋɛ ide ku fɔ n kù leekĩ, amma ì kɔ̀ ku gbɔ idem ŋa.

Zeremi 35:18

Nɔ Zeremi í sɔ̃ nyaanzei Rekabu ŋau í ni, Aɔ̃ Lafɛ̃ɛi lele do ilɛ, nŋu iyi í jɛ Lafɛ̃ɛi inɛi Izirɛli ŋau í ni, si bɛi ì jirima woodai bala nŋɛ Yonadabu, nɔ ì ceò ide iyi í sɔ̃ ŋɛ feiu icɛ ŋa,

Zeremi 35:8

Wooda iyi bala nwa Yonadabu iyi wa jɛ amai Rekabu í na waui à waa jirima fei mam mam. A ci ya ka mɔ vɛ̃ɛ si kuwɛɛ nwa, hai awa taka nwa do abo nwa ŋa do ama inɛmɔkɔ nwa ŋa hee ku koo do ama inaabo nwa ŋau fei.

Ozee 14:9

Efaraimu, anu akã yoomai í wa si gãmɛi amu do iwɛ̃ ŋa. Amui ǹ ya n jɛɛ si kutɔɔɛ, nɔ amui ǹ wa n wɔ njoo siɛ. Amui ǹ jɛ bɛi jĩi ndii sipɛrɛɛsi iyi í ya maa tũ waati kãma fei. Amui ǹ ya n jɔ̀ i ba amaajɛ ŋa i da.

Kuwee 19:3

Iŋɛ fei i jirima iyeò baa nŋɛ ŋa, nɔ i jirima ajɔi kusĩmim ŋa. Amui ǹ jɛ Aɔ̃ Lafɛ̃ɛ nŋɛ.

Luku 2:51

Ŋɔi í too ŋa à nɛ Nazarɛti nɔ wa gbɔ ide nŋa. Wee iyeu wa mu ide ŋau bɛ fei si idɔɛ.

Romu 12:2

I maà ya ce kucei inɛi andunya ŋa, amma i jɔ̀ Ilaaɔ̃ ku mu nŋɛ lasabu titɔ̃ iyi á kpaasiò kuwɛɛ nŋɛ, ku ba i mà iyi í jɛ idɔɔbii Ilaaɔ̃ ŋa. Idɔɔbiɛu wee. Iyi í jɛ jiida, iyi í dɔ̃ do iyi í kɔ̃ mam mam.

Romu 16:2

I gba abou na iri Lafɛ̃ɛ si bɛi í jɔ woo dasi Jesu naanɛ ŋa a ce. Nɔ i maa sobiɛ ŋa do bukaatai mii iyi í bi si aninii iŋɛ fei, domi nŋu takaɛ í sobi inɛ nkpɔ, do amu takam.

Romu 7:12

Ntɔ ntɔ wooda í má nɔ ideɛ mɔ í má, í jɛ dee dee, í nɔ í sĩa.

Kɔrɛnti 1, 15:58

Na nŋu, iŋɛ baakɔɔm ŋa, i leekĩ dim dim i maà tɛkɛɛ ŋa. I ce kookaai si icɛi Lafɛ̃ɛ do ajɔ fei si na iyi í jɔ̀ ì mà ŋa icɛ iyi ì waa cea Lafɛ̃ɛ kaa ce nfe ŋa.

Wooda ku kɔsi 21:18

Bii inɛ gɔ í nɛ ama iyi ci ya jirima inɛ, nɔ í donda inɛ, nɔ kù waa saalu ide ku fɔi baaɛ hee má jɛ ti iyeɛ, nɔ baa bii à kpãa iju ci ya jirima ŋa,

Timɔtee 1, 5:4

Bii jaaɔ̃ gɔ í nɛ amu ŋa walakɔ tɔku ŋa, í sĩa amaɛ ŋau a woo bɛi nŋu mɔ í tako í ce nŋa. Bii à waa ce bɛɛbɛ à waa cea Ilaaɔ̃ icɛi, nɔ nŋui á dɔ̃a Ilaaɔ̃ si.

Piɛɛ 1, 2:13

I jirima ilu iri fei ŋa na irii Lafɛ̃ɛ, hai ilaalu nla nŋu iyi í re do gbugbã,

Ruutu 3:5

Nɔ Ruutu í jɛaa í ni, bɛi ì sɔ̃m nɔu bɛ fei an coo.

Samuɛli 1, 17:20

Ŋɔi Davidi í dede daadaakɔu í jɔ̀a woo degbe mmu gɔ angudãɛ ŋa nɔ í so asoɛ í nɛò si bɛi Izai í sɔ̃ɔ. Iyi í to asɔ ŋɔi í ba sooge ŋau à waa ce sɔɔlui igũ à wasi ku dɔ̃ anu.