Efɛɛzu 5:9 - Bibeli do fee

⁹ domi bii à waa nɛ si inya kumá kuce iyi aa ka ce nŋui í jɛ daa didɔ̃ baa yooma fei do dee dee ku jɛ do ntɔ ku fɔ.

Efɛɛzu 5:9 Iomraidhean Croise

Matie 3:8

Na nŋu, i ce kookoosu jiida i nyisiò iyi ì kpaasi idɔ ŋa.

Laabaau jiida iyi Zãa í kɔ 1:47

Ŋɔi à waa koo. Iyi Jesu í yɛ Nataniɛli wa naa bi tɛɛ ŋɔi í ni, i cɔ ŋa, amai Izirɛli takaɛi wa naa bɛ, kù nɛ takii kãma si idɔɛ.

Romu 15:14

Iŋɛ inɛm ŋa, amu takam ǹ mà kãm kãm iyi ì jɛ inɛ jiida ŋa nɔ ì mà mii iyi ì nɛ ku ce ŋa, aa nɔ i yɔkɔ i mua njɛ bisi ŋa.

Romu 2:4

Mà ì donda kulai jiida ku jɛɛ do temuaɛ do suuru ku nɛɛi. I kù mà iyi jiida ku jɛi Ilaaɔ̃ í mɔsi wa koo si gãmɛɛ ku ba i kpaasi idɔɛ?

Efɛɛzu 4:15

Amma bii à waa sisi ntɔu do kubi aa ka la si mii fei ka tóo alái Kirisi iyi í jɛ iriu.

Efɛɛzu 4:25

Na nŋu, i maà ya sɔ ibo má ŋa. I jɔ̀ inɛ fei ku sɔ̃ kpaasiɛ ntɔ, domi à jɛ ikɔ̃ ikã ikãi ara akã.

Efɛɛzu 6:14

Na nŋu, i dede i leekĩ dim dim ŋa. I jɔ̀ ntɔ ku wɛɛ nŋɛ bɛi santiiki iyi sooge í ya dĩò gbankiliɛ, nɔ i jɔ̀ dee dee ku jɛ ku wɛɛ nŋɛ má bɛi ibɔi isɔ.

Filipi 1:11

nɔ icɛ jiida nŋɛ ŋa iyi ì waa ce ŋa na saabui Jesu Kirisiu ku kɔ̃, nɔ ku jɔ̀ inɛ ŋa a yɛ amboei Ilaaɔ̃ nɔ a maa saabuɛ.

Kolosee 3:18

Iŋɛ inaabo ŋa, i sũa mɔkɔ nŋɛ ŋa iri ilɛ si bɛi í jɔ inɛ iyi í nɛ anu akã do Lafɛ̃ɛ ku ce.

Timɔtee 1, 6:11

Amma awɔ iyi ì jɛ ti Ilaaɔ̃, saa mii ŋau bɛ fei. Nɔ i lele kpãai dee dee ku jɛ do bɛɛrɛi Ilaaɔ̃ ku mà do naanɛ ku dasi do kubi do temua do daa didɔ̃.

Ebɛɛ 1:8

Amma Amaɛi wa fãa iyi í ni, awɔi ì jɛ Ilaaɔ̃. Ǹ jilɛ bommaɛ hee do ajɔ fei. Dee dee ku jɛi í jɛ akpai bommaɛ.

Ebɛɛ 11:33

Na naanɛ ku dasii à jɛ amanlu ŋau igũ, à ce iyi í jɛ dee dee, nɔ à ba à gba mii iyi Ilaaɔ̃ í ce nŋa kuwãɛ. À dĩ gɛlɛi muusu nla ŋa,

Zãa 1, 2:29

Si bɛi ì mà ŋa iyi Kirisi í jɛ dee dee, i jɔ̀ i mà ŋa iyi inɛ iyi wa ce dee dee fei amai Ilaaɔ̃i.

Zãa 3, 1:11

Awɔ baakɔɔm, maà too kuce laalɔ, í gbe kuce jiida. Inɛ iyi wa ce jiida, ti Ilaaɔ̃i, amma inɛ iyi wa ce laalɔ kù mà Ilaaɔ̃.