Efɛɛzu 5:4 - Bibeli do fee

⁴ Nɔ i maà ya jɔ̀ idei anyɔ walakɔ ide hai nɛ yaase walakɔ ide nfe nfe ku fita hai si gɛlɛ nŋɛ, domi ide dimi bɛɛbɛ kù jɔò ŋɛ, amma i jɔ̀ ide nŋɛ ku ya jɛ Ilaaɔ̃ ku saabu.

Efɛɛzu 5:4 Iomraidhean Croise

Iri ku kɔ̃ 33:1

Iŋɛ inɛ dee dee ŋa, i dɔ̃ anu do inɔ didɔ̃ ŋa na irii Aɔ̃ Lafɛ̃ɛ. Iŋɛ inɛ kumá ŋa, i cũu ŋa domi bɛɛbɛi í sĩa i ce ŋa.

Iri ku kɔ̃ 92:1

Iriu ihɛ̃ à ya kɔ̃ɔi si ajɔi kusĩmi.

Mɔnda ŋa 12:23

Woo saku í ya singa kumàɛi titã, amma nnyɛi í ya nyisi nnyɛi ku jɛɛi.

Mɔnda ŋa 15:2

Idei ilu laakai ŋa í ya jɔ̀ inɛ ŋa a bi kumài, amma ide hai nɛ yaasei nnyɛi ŋa à ya maa fɔ.

Woo lasabu 10:13

Ideɛ ŋa iyi í ya fɔ hai sinteɛ hee do iri ku kpaɛ fei ide hai nɛ yaase ŋai,

Daniɛli 6:10

Ŋɔi ilaalu Dariusi í jilɛ woodau, nɔ í dasi nyindaɛu.

Maaku 7:22

do sakara, do kɔdɛɛ, do inɔ ku kã, do takii, do daa iyi í lɔ zaka, do igu, do fũnɛi inɛ ku nya, do faau, do idɔ ku le í ya fita.

Laabaau jiida iyi Zãa í kɔ 6:23

Waati bɛɛbɛ, akɔi inyi gɔ ŋa mɔ à naa hai Tiberia nɔ à to inyau. Tengi bɛi Lafɛ̃ɛ Jesu í tako í saabu Ilaaɔ̃ í bɛi í na ŋa pɛ̃ɛ à jɛu.

Romu 1:28

Si bɛi a kù bi Ilaaɔ̃ ku mà, ŋɔi í jɔ̀ Ilaaɔ̃ í fũsi ŋa awɔ si lasabu laalɔ nŋa a ceò mii iyi kù jɔ amanɛ ku ce.

Kɔrɛnti 2, 1:11

Iŋɛ taka nŋɛ ì waa sobi wa do kutɔɔ nŋɛ. Ilaaɔ̃ á gba kutɔɔ iyi inɛ nkpɔ í ce na iri nwa, nɔ á ce nwa didɔ̃ ku ba inɛ nkpɔ ku saabuɛ na iri nwa.

Kɔrɛnti 2, 9:15

Ka saabu Ilaaɔ̃ na amuaɛ iyi í kpeeò ku fɔ do gɛlɛ.

Efɛɛzu 1:16

n ci ya n gbɛɛjiò Ilaaɔ̃ ku saabu na iri nŋɛ. Ǹ wa n ye gigi nŋɛ si kutɔɔm.

Efɛɛzu 4:29

Nɔ i maà ya jɔ̀ ide laalɔ kãma ku fita hai si gɛlɛ nŋɛ. Amma i ya fɔ ide jiida iyi á mua inɛ ŋa gbugbã si naanɛ ku dasi nɔ ku sobi ŋa si bukaata nŋa nɔ inɛ ŋa iyi à waa gbɔɔ ku jɛ nŋa aranfãani jiida.

Filipi 4:6

I maà ya jɔ̀ zigi nŋɛ ku da do ngɔgɔ. Amma si mii fei i ya tɔɔ Ilaaɔ̃ do saabu nɔ i beeɛ bukaatai mii iyi ì bi ŋa.

Kolosee 3:8

Amma nsɛi, i nyɔ mii ŋau bɛ fei ŋa, hai idɔɔkɔ̃, do mbɛɛtɛ, do inɔ sãmi. I maà ya jɔ̀ arabu walakɔ ide ku sisi ku fita hai si gɛlɛ nŋɛ ŋa.

Tɛsalonika 1, 3:9

Zaka bɛirei aa ka yɔkɔ ka saabu Ilaaɔ̃ na inɔ didɔ̃ nla nla iyi à nɛ si wajui Ilaaɔ̃ Lafɛ̃ɛ nwa na iri nŋɛ.

Tɛsalonika 1, 5:18

Bɛi í jɛò fei i saabu Ilaaɔ̃ ŋa. Bɛɛbɛi Ilaaɔ̃ í bi i ce ŋa si kuwɛɛ nŋɛ do Jesu Kirisi.

Filemɔɔ 1:8

Na nŋu, baa do iyi ǹ nɛ kpãa na irii Kirisi iyi an tilasiɛ i ce iyi í sĩa,

Ebɛɛ 13:15

Na irii Jesu ka maa saabu Ilaaɔ̃, waatɔ ka ya fɔ do gɛlɛ nwa mii iyi í ce si wajui inɛ ŋa. Nɔ saabuu kú jɛ bɛi kuwee iyi à waa ceaa waati kãma fei.

Piɛɛ 2, 2:18

À waa fɔ idei fufu ku tɔɔ iyi kù nɛ iri. À waa fa inɛ gɔ ŋa do binɛ ikã ikãi mii iyi lafɛ̃ɛ ŋa à nɛ si idɔ nŋa ŋa ku ba a mu ŋa do taa. Inɛ ŋau, do wahalai à ba à gbã wa hai bi inɛ ŋa iyi à wa si kurarau.

Piɛɛ 2, 2:7

Amma í nya Lɔtu inɛ jiida iyi í wa si inɔi inɛ laalɔ ŋau. Í nyaai si na iyi í jɔ̀ í ya nɛ inɔ kufɔ na daa bututu nŋa, nɔ iju iyi wa má fei laalɔ iyi wa yɛ do iyi wa gbɔ wa bitandi idɔ dee deeɛ.

Zudu 1:10

Amma inɛ ŋau, mii iyi a kù mà yaaseɛ fei à ya buui. Nɔ baa mii ŋa iyi à mà bɛi mɛɛmu ŋa mɔ à ya mà, nŋui í ya ce nfe nŋa.

Zudu 1:13

À yɛi bɛi tenku iyi wa tãngãm do gbugbã. Si bɛi kutãngãm nɔu í ya fã inyiu, bɛɛbɛ mɔi kucei iju hai nɛ anyɔ nŋa í ya maa fangaa. À yɛi má bɛi leleaɔ̃ iyi í kua kpãaɛ, nɔ Ilaaɔ̃ í jilɛ nŋa ilu kuku nla nla hee do ajɔ fei.