Efɛɛzu 5:3 - Bibeli do fee

³ Iŋɛ ti Ilaaɔ̃i í jɛ ŋa. Na nŋu, i maà ya ce baa ngɔgɔ iyi á jɔ̀ inɛ ŋa a sɔ iri nŋɛ a ni ì tɔtɔɔ sɛ̃ɛ hai nɛ yaase ŋa walakɔ a ni ì ce daa laalɔ ŋa walakɔ binɛ.

Efɛɛzu 5:3 Iomraidhean Croise

Iri ku kɔ̃ 10:3

Ilu inɔ kukã í ya maa tɔɔ fufui si laalɔ iyi í bi ku ce. Bii í ba í coo í ya bu Aɔ̃ Lafɛ̃ɛi nɔ ku maa yaakoɛ.

Iri ku kɔ̃ 119:36

Jɔ̀ idɔm ku wa si ideɛ ŋa. Maà jɔ̀ ku wa si amani.

Kufita 18:21

Nɔ i cica inɛ ŋa iyi aa yɔkɔ a ce icɛu, inɛ ŋa iyi à waa jirima Ilaaɔ̃ nɔ à waa nɛ si kpãa ntɔ nɔ a maà jɛ woo bi fia do bisi laalɔ ŋa. Nɔ i jilɛ ŋa a jɛ inɛ ngbo ŋa. Inɛ gɔ ŋa a jɛ inɛ ngboi amanɛ dubu, inɛ gɔ ŋa mɔ inɛ ngboi amanɛ cĩɔ, inɛ gɔ ŋa mɔ inɛ ngboi amanɛ ciitaa, nɔ inɛ gɔ ŋa mɔ a jɛ inɛ ngboi amanɛ mɛɛwa.

Kufita 20:17

I maà ya ce kɔdɛɛi nkãma iyi í jɛ ti kpaasi nŋɛ gɔ, hai kpasɛ̃ɛ do aboɛ do woo ce icɛɛ do kɛtɛɛ do gbankɛlɛɛ.

Kufita 23:13

I ya jirima ide ŋa iyi ǹ sɔ̃ ŋɛ ŋau bɛ fei. Iyi í re mɔm, nŋui í jɛ i maà ya fɔ idei iwɛ̃ kãma ŋa.

Mɔnda ŋa 28:16

Inɛ ngbo iyi kù nɛ laakai í ya maa raraa inɛ ŋai kpaakpaa, amma inɛ iyi kù bi amani ku ba do daa sãmi, hundeɛ í ya sɔi.

Zeremi 22:17

Amma awɔ, idei irii araɛi ì waa ce, nɔ ì waa kpa hai nɛ taale ŋa. Ì waa kpã inɛ ŋa ijui ntɔ ntɔ.

Zeremi 6:13

Inɛ ŋau, hai inɛ ŋa iyi à kere à re hee ku koo si inɛ ŋa iyi à la à re, aŋa fei kuba nŋai à waa yɔ si iju. Hai walii hee ku koo si woo wee ŋa, aŋa fei ilu ibo ŋai.

Zeremi 8:10

Ŋɔi Aɔ̃ Lafɛ̃ɛ í ni, na nŋu, an na inɛ mmu ŋa abo nŋa ŋa. Nɔ iko nŋa ŋa mɔ, n na inɛ ŋa iyi aa mu ŋa a nɛò ŋau. Bɛɛbɛi an ce nŋa, domi hai inɛ ŋa iyi à kere à re hee ku koo si inɛ ŋa iyi à la à re, aŋa fei kuba nŋai à waa yɔ si iju. Hai walii ŋa hee ku koo si woo wee ŋa, aŋa fei ilu ibo ŋai.

Ezekiɛli 33:31

Inɛ ŋau à ya naa a tɔtɔɔ si wajuɛ a de siɛ itĩ a maa gbɔ ideɛ. Amma a ci ya ce iyi ì waa sɔ̃ ŋau. Lasabu nŋa do mii iyi à bii à ya maa ce.

Kuwee 15:18

Bii inɛmɔkɔ do inaabo à tɔtɔɔ sɛ̃ɛ, tilasii aŋa minji fei a wɛ, amma aa wɛɛi do riisi hee alɛ koo lɛò.

Misee 2:2

Bii à ce binɛi ikoi inɛ ŋa, à ya gbaai. Bii à ce binɛi kpasɛ̃i inɛ ŋa, à ya gbaai. À ya taa ilu kpasɛ̃ do inɛɛ ŋa gbugbãi nɔ mii iyi inɛ ŋau à nɛ fei, à ya kooi.

Kuka 25:1

Inɛi Izirɛli ŋau à wa Sitimu bɛ, nɔ à na à lɔsi sɛ̃ɛ ku tɔtɔɔ do inaaboi Moabu ŋau.

Matie 15:19

domi hai si idɔi amanɛi lasabu laalɔ wa naa. Inɛ ku kpa, do sakara, do sɛ̃ɛ ku tɔtɔɔ do mudɛ̃ɛ hai ce abɔdɔ̃, do ile, do sɛɛda ibo, do inɛ ku bɛjɛ, mii ŋau bɛ fei hai si idɔi wa naa,

Luku 12:15

Nɔ í sɔ̃ ŋa í ni, i ya ce laakai ŋa ntɔ ntɔ do kɔdɛɛ fei, domi amanii amanɛ si í jɛ icui kuwɛɛɛ, baa bii bɛirei amaniu í la í to.

Luku 16:14

Wee Farisi ŋa fia ku bi nŋa í caa. Iyi à gbɔ ide ŋa iyi Jesu í fɔu fei ŋɔi à waa yaakoɛ.

Woo bɛ ŋa 15:20

Amma ka ce nŋa tia ka sɔ̃ ŋa a maà ya jɛ ijɛi kuwee, nɔ a maà ya tɔtɔɔ sɛ̃ɛ do inaabo mmu gɔ walakɔ inaabo mɔ do mɔkɔ mmu gɔ, a maà ya ŋɔ iŋai mɛɛmu iyi a kù saka, nɔ a maà ya jɛi njɛi iŋa.

Woo bɛ ŋa 20:33

Waati iyi ǹ wa bi tu ŋɛ, iŋɛ taka nŋɛ ì mà ŋa iyi n kù nɛ kɔdɛɛi isɔ fũfũi inɛ gɔ hee má jɛ wura walakɔ ibɔɛ.

Romu 1:29

Nɔ laalɔ fei í wɛɛ nŋa, hai inɔ ku kã do kɔdɛɛ do njɛ ku cé do igu do inɛ ku kpa do ija do ibo do bisi laalɔ, hee do irii njɛ ku sɔ.

Romu 16:2

I gba abou na iri Lafɛ̃ɛ si bɛi í jɔ woo dasi Jesu naanɛ ŋa a ce. Nɔ i maa sobiɛ ŋa do bukaatai mii iyi í bi si aninii iŋɛ fei, domi nŋu takaɛ í sobi inɛ nkpɔ, do amu takam.

Romu 6:13

I maà ti i jɔ̀ ikɔ̃ ikɔ̃i ara nŋɛ kãma kù wa si awɔi dulum má i maa ceò laalɔ ŋa. Amma i so ara nŋɛ i na Ilaaɔ̃ bɛi inɛ ŋa iyi à jĩ wa hai si balɛ, nɔ i so ikɔ̃ ikɔ̃i ara nŋɛ fei i daa Ilaaɔ̃ si awɔ ŋa i maa ceò jiida.

Kɔrɛnti 1, 10:8

Ka maà ya ce adɛi abo kaafe bɛi gɔgɔ nŋa ŋa à ce, nɔ amanɛ dubu kɔnfia do mɛɛta (23.000) í ku si ajɔ akã.

Kɔrɛnti 1, 5:1

À waa gbɔ bii fei à ni inɛ akã nŋɛ gɔ wa ce sakara iyi baa hai dasi Jesu naanɛ ŋa a kaa yɔkɔ a coo. À ni inɛ akã nŋɛ í ya maa sũò aboi baaɛ.

Kɔrɛnti 1, 6:13

Ì ya nyi i ni ŋa, ijɛ í wɛɛi na inɔ, nɔ inɔ mɔ í wɛɛi na ijɛ. Ntɔi, amma do nŋu fei Ilaaɔ̃ á na ku kpa irii mii minji ŋau bɛ fei. Amma i ce laakai ŋa, ara kù wɛɛ na abo kaafe ŋa ku sũò. Í wɛɛi na Lafɛ̃ɛ nɔ Lafɛ̃ɛ mɔ í wɛɛi na iriɛ.

Kɔrɛnti 1, 6:18

I saa adɛi abo ŋa. Kurara iyi amanɛ wa ce fei ci ya má si araɛ, amma inɛ iyi wa ce adɛi abo, arai nŋu takaɛi wa dasi kurara.

Kɔrɛnti 2, 12:21

Ǹ wa n ce njo Ilaaɔ̃ ku maa na ku kayem si waju nŋɛ waati iyi an na ǹ nyi wa bi tu ŋɛ má. Nɔ ǹ wa n ce njo má n maa n na n kpata na irii inɛ nkpɔ ŋa iyi à tako à ce dulum wo nɔ a kù kpaasi idɔ hai si abo kaafe ŋa ku sũò do si daa sãmi nkpɔ do daa bɛɛtɛkɛ iyi à ya ce.

Efɛɛzu 5:12

Anyɔ nla nla mɔm nii bii à fɔ mii iyi inɛ ŋau à waa ce si asii.

Efɛɛzu 5:5

I jɔ̀ i mà ŋa kãm kãm iyi woo tɔtɔɔ sɛ̃ɛ hai nɛ yaase do ilu daa sãmi ŋa, kãma nŋa kù nɛ ikpɛ̃ si bommai Ilaaɔ̃ do ti Kirisi. Bɛɛbɛ mɔi hee do ilu binɛ ŋa fei, kãma nŋa kù nɛ ikpɛ̃ si bommai Ilaaɔ̃ do ti Kirisi domi binɛ í yɛi bɛi iwɛ̃ ku tɔɔ.

Filipi 1:27

Nŋu de i ya jɔ̀ isɛɛnɛ nŋɛ ŋa ku yɛ bɛi laabaau jiidai Kirisi í fɔ. Bii ì waa ce bɛɛbɛ ŋa, bii ǹ naa bi tu ŋɛ, walakɔ baa bii n kù naa, n maa n gbɔ iyi ì waa leekĩ si dim dim ŋa, ì ya maa gbɔsi njɛ nɔ ì waa jabu do inɔ akã ŋa na laabaau jiidau iyi í jɛ icui naanɛ ku dasi nŋɛ.

Kolosee 3:5

Na nŋu, i kpa kubii mii ndii andunya iyi wa ce icɛ si ŋɛ fei. Mii ndii andunya ŋaui à jɛ sɛ̃ɛ ku tɔtɔɔ hai nɛ yaase, do daa laalɔ, do binɛ, do kubi nfe nfe, do kɔdɛɛi mii nkpɔ. Ntɔ ntɔ bii ì waa ce kɔdɛɛ, mii nkpɔi ì ya tɔɔ si agbɛi Ilaaɔ̃.

Tɛsalonika 1, 4:3

Mii iyi Ilaaɔ̃ í bi si ŋɛ, nŋui í jɛ i má ŋa, i nɔ ara nŋɛ mam mam i maà ya ce sakara ŋa.

Tɛsalonika 1, 4:7

Ilaaɔ̃ kù kpe wa ka naa ka maa ce sakara, amma í bi ka jɛ inɛ kumá ŋa.

Timɔtee 1, 3:3

Nɔ ku maà jɛ woo mɔ atɛ̃ hee ku kpaa walakɔ woo bi ija, amma ku jɛ ilu suuru iyi wa dɛ laakai ku sũ, nɔ ku maà jɛ woo bi fia yaamɔ.

Timɔtee 1, 6:10

Bɛɛbɛi á ce si na iyi í jɔ̀ kubii fiai í jɛ icãi laalɔ ikã ikã baa yooma fei. Nŋui inɛ gɔ ŋa à lɔsi ku dɛ hee à yaa hai si kpãai naanɛ ku dasi, à baa à dasi ara nŋa si kpãai wahala.

Timɔtee 2, 3:2

Amanɛ ŋa aa maa ce idei iri nŋa, lasabu nŋa fei si fiai á ya wa, aa jɛ woo tɔɔ fufu, aa nyisi iyi aŋa à jɛ ngɔgɔ, aa maa bu Ilaaɔ̃. A kaa jirima baa nŋa ŋa, aa jɛ gudulu ŋa, a kaa mà bɛɛrɛi Ilaaɔ̃.

Titee 1:11

Í gbe a ganji ŋa, domi à waa bitandi nyaanze nkpɔ si bɛi à ya maa cio nŋa mii iyi kù jɔ. À ya maa ce bɛɛbɛi ku ba a baò fia do bisi laalɔ.

Titee 1:7

Ntɔ ntɔ, inɛ ngboi igbɛui á jɛ inɛ iyi á maa dasi icɛ iyi inɛ ŋa à waa cea Ilaaɔ̃ iju. Na nŋu í gbe ku jɛ hai nɛ taale. Kù sĩa ku jɛ ilu faau, walakɔ ilu idɔɔkɔ̃, walakɔ woo mɔ atɛ̃ hee ku kpaa, walakɔ woo bi ija, walakɔ inɛ iyi wa bi ku ba fia do bisi laalɔ.

Titee 2:3

Sɔ̃ abo ngbo ŋa mɔ a maa jɛ kuwɛɛ nŋa dee dee bɛi í jɔ inɛi Ilaaɔ̃ ŋa à ya ce. A maà jɛ woo sɔ irii inɛ ŋa walakɔ woo mɔ atɛ̃ hee ku kpa ŋa. Í sĩa a ya maa mua abo à so mɔkɔ saatara ŋa bisi jiida

Ebɛɛ 12:16

I ce laakai ŋa ku ba inɛ gɔ ku maà ce sakara, nɔ inɛ gɔ ku maà na ku kɔ̀ ku mà bɛɛrɛi mii jiida ŋa. Bɛɛbɛi Esau í ce waati iyi í so yemma ku jɛɛ í taa na ijɛ jɛɛ akã.

Zozue 7:21

Si inɔi mii ŋa iyi à ba si igũu ǹ yɛ ibɔ kumboo kusĩa gɔ iyi à ce ilɛi Sinaa, do isɔ fũfũ kpɛkɛlɛ cĩɔ minji, do wura iyi kuwoɛ í to bubui kiloo, ŋɔi binɛm í lɔ si ŋa nɔ ǹ so ŋa. Fei ndɛɛ wa singa inɔ isa si aninii inɔ ilei acɔm bɛ nɔ isɔ fũfũu í wa lɛlɛ nŋa.

Piɛɛ 1, 5:2

Ǹ wa n tɔɔ ŋɛ, i gbɔa inɛ ŋa iyi Ilaaɔ̃ í da nŋɛ si awɔ bɛi à ya gbɔa angudã ŋa, ku maà ti ku jɛ do tilasi walakɔ do binɛi fia, amma i na ara nŋɛ si icɛu do inɔ akã si bɛi Ilaaɔ̃ í bi.

Piɛɛ 2, 2:10

Inɛ ŋa iyi à waa ce kubi nfe nfei ara nŋa nɔ à donda yiikoi Ilaaɔ̃, wahala nŋa á caa. Woo kɔsi cio ilu ibo ŋau à jɛ ilu faau ŋa do woo tɔɔ fufu ŋa iyi a kù waa ce njoi ilu amboei lele ŋa ku bu.

Piɛɛ 2, 2:14

Iju nŋa fei si abo kaafe ŋai í ya wa, dulum ci ya to ŋa. À ya mu inɛ ŋa iyi a kù waa leekĩ dim dim do taa. Idɔ nŋa í nɛ dɔ̃ɔnɛi binɛ. Ilaaɔ̃ í ceekpe ŋa.

Piɛɛ 2, 2:3

Na binɛ nŋa aa jɛ ŋɛ takii do ide ŋa iyi aŋa taka nŋa à waa lasabu. Amma hai ku kpɛ woo kiiti nŋa í tã sɔɔlu ku kiiti nŋa. Nŋu mɔi á ce ŋa nfe nɔ kaa kpɛ mɔm.

Kuyɛi Zãa 2:14

Amma mii iyi ǹ yɛ si ŋɛ wee. Inɛ gɔ ŋa à wa si inɔ nŋɛ iyi à waa too si ikɔi Balamu. Balamu í tako í sɔ̃ Balaki bɛi á ce ku dasi inɛi Izirɛli ŋa kurara ku ba a ŋɔ iŋa iyi à ceaò iwɛ̃ ŋa kuwee, nɔ a ce sɛ̃ɛ ku tɔtɔɔ hai nɛ yaase.

Kuyɛi Zãa 2:21

Ǹ muaa waati ku kpaasi idɔɛ, amma kù bi ku jɔ̀ sakara ku ceɛ.

Kuyɛi Zãa 21:8

Amma inɛ ŋa iyi à mɔngɔ do hai dasi naanɛ ŋa do woo ce laalɔ ŋa do woo kpa inɛ ŋa do woo ce sakara ŋa, do woo ce dobu dobu ŋa do woo tɔɔ iwɛ̃ ŋa do woo sɔ ibo ŋa fei aa ba ikpɛ̃ nŋa si ina nla iyi wa jo do fainwitau. Iyi bɛi í jɛ iku minjisiau.

Kuyɛi Zãa 22:15

Amma anyii iluui woo ce laalɔ ŋa aa wa do woo ce dobu dobu ŋa do woo ce sakara ŋa do woo kpa inɛ ŋa do woo tɔɔ iwɛ̃ ŋa do inɛ ŋa iyi à bi ibo nɔ à ya maa sɔ ibou fei.

Kuyɛi Zãa 9:21

Bɛɛbɛ mɔi inɛ ŋau a kù jɔ̀ inɛ ku kpa, do dobu dobu nŋa ŋa ku ce, do sakara ku ce, do ile nŋa ŋa.

Samuɛli 1, 8:3

Amma a kù waa too yaase jiidai baa nŋa. Kɔdɛɛ nŋa í jɔ̀ a kù waa kiiti inɛ ŋa dee dee, domi inɛ ŋa iyi à ya ce nŋa amua ŋai à ya na ntɔ.