Efɛɛzu 5:29 - Bibeli do fee

²⁹ Inɛ gɔ kù nɔ kù wɛɛ iyi í cé araɛ, amma í ya maa wòoi nɔ ku maa gbɔaa bɛi Kirisi wa cea igbɛɛ.

Efɛɛzu 5:29 Iomraidhean Croise

Kusintii Andunya 2:23

Ŋɔi inɛmɔkɔu í ni, ɛhɛ̃ɛ. Nsɛi bɛi arai inɛ ihɛ̃i í yɛi bɛi aram. Inaaboi aa kpoo domi hai si inɛmɔkɔi í fita.

Mɔnda ŋa 11:17

Inɔ akã í ya cea inɛ iyi í nɔɔu jiidai, amma inɔ kukã í ya sinda si lafɛ̃ɛɛi.

Woo lasabu 4:5

Nnyɛi iyi kù bi icɛ ku ce í ya kuò arii.

Ezai 40:11

Í yɛi bɛi woo degbe iyi wa gbã mɛɛmu gaaɛ, nɔ wa tɔtɔɔ ŋa do awɔɛ iyi í wu si ŋa. Í ya so ama angudã ŋau wai si ikpaɛ, nɔ ku gbã iye ŋau ku naaò ŋa wa ku ba a mɔmɔ.

Ezekiɛli 34:27

Jĩi ŋa aa soi, ilɛ á ce amaajɛi, nɔ inɛ baa yooma fei á maa wɛɛi do laakai ku sũ si ilɛu. An da sesee iyi à dĩò inɛm ŋaui, nɔ n nya ŋa hai si aru ku jɛ. Do yaase bɛɛbɛ, inɛ ŋa aa mà iyi amui ǹ jɛ Aɔ̃ Lafɛ̃ɛ.

Matie 23:37

Jesu í ni, iŋɛ inɛi Zeruzalɛmu ŋa, iŋɛi ì ya kpa walii ŋa nɔ i ta amaabɛi Ilaaɔ̃ ŋa mɔ kuta i kpa ŋa ŋa. Isɛ fɛloi ǹ ya n bi n tɔtɔɔ ŋɛ si abɛm bɛi ajɛɛ í ya tɔtɔɔ amaɛ ŋa si ikpaɛ, amma i kù jɛ ŋa.

Matie 6:26

I cɔ yɛi ŋa iyi à waa fo lele. A kù waa gbɛ̃ hee a da ngɔgɔ a dasi suu. Do nŋu fei, Baa nŋɛ iyi í wa lele wa wo ŋa. I kù mà ŋa iyi bɛɛrɛ nŋɛ í re ti yɛi ŋau bɛ?

Romu 1:31

A kù nɛ laakai, a kù nɛ naanɛ, a kù bi njɛ, a kù nɛ araarei njɛ.

Efɛɛzu 5:28

Bɛɛbɛi í jɔ mɔkɔ ŋa a bi abo nŋa ŋa bɛi à bi ara nŋa. Inɛ iyi í bi aboɛ í bi araɛi.

Efɛɛzu 5:30

Igbɛɛu nŋui í jɛ araɛ nɔ awa fei à yɛi bɛi ikɔ̃ ikɔ̃i araɛu.

Efɛɛzu 5:31

Kukɔi idei Ilaaɔ̃ wa fɔ í ni, na nŋu, mɔkɔ á jɔ̀ iyeò baaɛi, nɔ ku wɛɛ do aboɛ nɔ aŋa minji fei a baa a jɛ ara akã.