Efɛɛzu 5:27 - Bibeli do fee

²⁷ Í bi igbɛu ku naa si wajuɛ do kusĩaɛ fei, ku maà ti ku nɛ riisi gɔ, nɔ batai araɛ ku maà yuguu, nɔ ku maà nɛ mii mmu dimi bɛɛbɛ gɔ ŋa má, amma í bi ku jɛ dee deei, ku maà nɛ taale kãma.

Efɛɛzu 5:27 Iomraidhean Croise

Iri ku kɔ̃ 45:13

Ilu amani nlai Tii ŋa aa dɛdɛ a ceɛ amua ŋa ku ba a ba didɔ̃ɛ.

Iri ku kɔ̃ 87:3

Awɔ Zeruzalɛmu ilui Ilaaɔ̃, à waa fɔ idei amboe iyi ì nɛ fei. Kusĩmi.

Iri ku kɔ̃ iyi í dɔ̃ í re 4:7

Awɔ abo kusĩai ntɔ ntɔ. Awɔ iyi ǹ biu n kù yɛ siɛ lɛɛfi kãma.

Ezai 62:3

Aa yɛi bɛi fula kusĩa gɔ si awɔi Aɔ̃ Lafɛ̃ɛ do bɛi bɔngɔtɔbɛɛi ilaalu si ataawɔi Ilaaɔ̃ Lafɛ̃ɛɛ.

Zeremi 33:9

Waati bɛɛbɛi, an nɛ inɔ didɔ̃ si iluu, nɔ iluu á jɔ̀ n nɛ bɛɛrɛ nɔ ku jɛɛm bɛi booda si andunya fei waati iyi inɛi andunya ŋau aa gbɔ mii jiida ŋa iyi an cea fei. Inɛi andunya ŋau aa maa yaya do zigiida, nɔ aa wɛɛò biti si gãmɛi didɔ̃ iyi an ce nŋa do laakai ku sũ iyi an jɔ̀ a nɛ fei.

Kɔrɛnti 2, 11:2

Ǹ wa n ce igu iyi wa naa hai bi Ilaaɔ̃ na iri nŋɛ, domi ì yɛ ŋai bɛi mudɛ̃ɛ iyi ǹ mua mɔkɔ akã. Mɔkɔui í jɛ Kirisi nɔ ǹ bi n kooò ŋɛ bi tɛɛi bɛi mudɛ̃ɛ iyi kù mà mɔkɔ.

Kɔrɛnti 2, 4:14

À mà do ntɔ, inɛ iyi í jĩ Lafɛ̃ɛ Jesu hai si balɛ, á jĩ wa do Jesu ajɔ nɔ kú jɔ̀ awaɛ ŋa ka kò si wajuɛ.

Efɛɛzu 1:4

Ilaaɔ̃ í cica wa tã hai waati iyi kù taka andunya ka jɛ titɛɛ si anu akã nwa do Kirisi, nɔ ka jɛ inɛ kumá ŋa ka maà nɛ taale kãma bi tɛɛ.

Kolosee 1:22

do nŋu fei, nsɛi Ilaaɔ̃ í jɔ̀ ì dɔ̃ do nŋu ŋa. Í ce nŋu bɛi si waati iyi í jɔ̀ Amaɛu í so arai amanɛ ku ba ku ku, ku ba i naa i leekĩ si wajuɛ ŋa hai nɛ dulum, riisi do taale gɔ ku maà wa si.

Kolosee 1:28

Idei Kirisii à waa sisi, nɔ à waa sɔ̃ inɛ fei ku ce laakai, nɔ à kɔ ŋa si cioɛ do bisi baa yooma fei. À waa ce bɛɛbɛi ku ba inɛ fei ku jĩa si anu akãɛ do Kirisi ka bɛi ka tusɛ ŋa bi Ilaaɔ̃.

Tɛsalonika 1, 5:23

Nɔ Ilaaɔ̃ takaɛ, nŋu iyi í jɛ icui laakai ku sũ, ku nya ŋɛ i jɛ titɛɛ mam mam ŋa, nɔ ku degbe hunde nŋɛ do laakai nŋɛ do ara nŋɛ, taale gɔ ku maà wa si, hee ku toò ajɔ iyi Lafɛ̃ɛ nwa Jesu Kirisi á nyi wa.

Ebɛɛ 9:14

Bii bɛɛbɛi, bɛirei aranfãanii njɛi Kirisi á to. Do saabui Hundei Ilaaɔ̃ iyi kaa kui í naò Ilaaɔ̃ araɛ bɛi kuwee iyi kù nɛ leebu. Njɛɛi á jɔ̀ idɔ nwa ku má hai si icɛ nfe nfe ku ce ku ba ka yɔkɔ ka cea Ilaaɔ̃ icɛ nŋu iyi í jɛ icui kuwɛɛ.

Piɛɛ 1, 1:19

Aawo, à faaba ŋɛi do njɛ ilu bɛɛrɛi Kirisi, nŋu iyi í yɛ bɛi ama angudãi kuwee hai nɛ leebu nɔ kù nɛ riisi gɔ.

Piɛɛ 2, 3:14

Na saabu nŋu, iŋɛ baakɔɔm ŋa, si bɛi ì waa degbe ajɔu, i ce kookaai Lafɛ̃ɛ ku na ku ba ŋɛ si laakai ku sũ, riisi do kurara ku maà wa si ŋɛ.

Zudu 1:21

Nɔ i leekĩ si kubii Ilaaɔ̃ ŋa, i maa degbeò ajɔ iyi Lafɛ̃ɛ nwa Jesu Kirisi á mu nŋɛ kuwɛɛ hai tã na araare nŋɛ iyi wa ce.

Zudu 1:24

Ilaaɔ̃ nŋu akãi í jɛ woo faaba nwa, nŋu iyi á yɔkɔ ku degbe ŋɛ i maà na i cuku ŋa, nɔ ku jɔ̀ i naa si amboeɛ ŋa do inɔ didɔ̃, lɛɛfi ku maà wa si. Amboe do jirima do gbugbã do yiiko ku jɛ tɛɛ hai sinte, do nsɛi, hee do ajɔ fei na saabui Lafɛ̃ɛ nwa Jesu Kirisi. Ami.

Kuyɛi Zãa 14:4

Inɛ ŋau, a kù sũò inaabo. À mu ara nŋa a kù mà inaabo titã. À waa too ama angudãu bii wa bɔ fei. À yá ŋa hai si inɔi amanɛ ŋa. À yɛi bɛi amaajɛ sinte iyi à na Ilaaɔ̃ do ama angudãu.