Efɛɛzu 5:25 - Bibeli do fee

²⁵ Nɔ iŋɛ mɔkɔ ŋau i bi abo nŋɛ ŋa bɛi Kirisi í bi inɛi igbɛɛ ŋa, nɔ í na kuwɛɛɛ na iri nŋa.

Efɛɛzu 5:25 Iomraidhean Croise

Kusintii Andunya 2:24

Na nŋu inɛmɔkɔ á jɔ̀ iyeò baaɛ, nɔ nŋu do aboɛ a wɛɛ, nɔ aŋa minji fei a baa a jɛ ara akã.

Kusintii Andunya 24:67

Izaaki í so Rebeka í jɛ aboɛ í bɔòɛ ilei acɔ iyi í tako í jɛ ti Sara iyeɛu, nɔ í buu jiida jiida. Abou í tũ idɔi Izaaki si anyii ikui iyeɛu.

Samuɛli 2, 12:3

Ilu areu kù nɛ nkãma, í gbe ama angudã zãu gɔ iyi í ra. Í ya maa wo angudãui, nɔ wa la do amaɛ ŋa ajɔ. Angudãu í ya maa jɛ sɔndaɛ nɔ ku maa mɔ inyi si kaaleɛ. Tengi bii í ya sũ, bɛi ama angudãu mɔ í ya sũ, nɔ wa cɔɔ mɔm nii bɛi ama inaaboɛ.

Iri ku kɔ̃ iyi í dɔ̃ í re 1:11

aa ka ceɛ sabai wura ŋa, do boodai isɔ fũfũ ŋa.

Matie 20:28

Nɔ baa amu Amai Amanɛ n kù naa inɛ ŋa a ceem icɛ, amma amui an ce nŋa icɛ, nɔ n na kuwɛɛm n yaò inɛ nkpɔ hai si dulum.

Laabaau jiida iyi Zãa í kɔ 6:51

Amui ǹ jɛ ijɛi kuwɛɛ. Hai lelei Aɔ̃i ǹ kita wa. Nɔ inɛ iyi í ba ijɛu í jɛ fei í nɛ kuwɛɛ hai tã. Ijɛui í jɛ aram. An náai ku ba inɛi andunya ŋa a maa wɛɛò.

Woo bɛ ŋa 20:28

I mu ara nŋɛ ku sĩa, nɔ i ya maa degbe inɛ ŋa iyi Hundei Ilaaɔ̃ í da nŋɛ si awɔ fei, aŋa iyi à jɛ igbɛi inɛi Ilaaɔ̃ ŋa iyi nŋu takaɛ í ya do njɛi Amaɛ.

Galati 1:4

Jesu Kirisi í na araɛ na irii dulum du wa ku ba ku nya wa hai si kuce laalɔi andunyau ihɛ̃. Bɛɛbɛi í ce í ceò idɔɔbii Ilaaɔ̃ Baa nwa.

Galati 2:20

À kpakpam si jĩi do Kirisi ajɔ. Na nŋu, kù jɛ na aram nii ǹ wɛɛ má, bɛbɛi Kirisii wa ce kuwɛɛɛ sim. Nɔ kuwɛɛ iyi ǹ wa n wɛɛ nsɛi, ǹ wa n wɛɛi do naanɛ iyi ǹ dasi Amai Ilaaɔ̃, nŋu iyi í bim nɔ í na kuwɛɛɛ na irim.

Efɛɛzu 5:2

I jɔ̀ kucei kuwɛɛ nŋɛ kú nyisi kubi bɛi Kirisi í bi wa, nɔ í na kuwɛɛɛ na iri nwa. Kuwɛɛɛ iyi í nau nŋui í jɛ kuwee jiida iyi inunuɛ í dɔ̃a Ilaaɔ̃ si.

Efɛɛzu 5:24

Nɔ si bɛi igbɛu í ya sũa Kirisi iri ilɛ, bɛɛbɛ mɔi inaabo ŋa à nɛ a sũa mɔkɔ nŋa ŋa iri ilɛ si mii fei.

Efɛɛzu 5:28

Bɛɛbɛi í jɔ mɔkɔ ŋa a bi abo nŋa ŋa bɛi à bi ara nŋa. Inɛ iyi í bi aboɛ í bi araɛi.

Efɛɛzu 5:33

Na nŋu, mɔkɔ fei ku bi aboɛ bɛi í bi araɛ, nɔ abo fei ku jirima mɔkɔɛ.

Kolosee 3:19

Iŋɛ mɔkɔ ŋa, i bi abo nŋɛ ŋa, i maà ya jɔ̀ i gaabu si ŋa ŋa.

Timɔtee 1, 2:6

nɔ í na araɛ ku yaò inɛ fei hai si dulum. Bɛɛbɛi si waati jiidaɛ í nyisi wa iyi Ilaaɔ̃ í bi amanɛ fei ku ba faaba.

Piɛɛ 1, 3:7

Iŋɛ inɛmɔkɔ ŋa mɔ, si kuwɛɛ nŋɛ do abo nŋɛ ŋa, i ye gigi iyi a kù to ŋɛò gbugbã. I jɔ̀ i mà bɛɛrɛ nŋa ŋa, domi Ilaaɔ̃ á mua aŋa mɔ kuwɛɛ iŋɛò ŋa ajɔ. I ya maa ce bɛɛbɛ ku ba nkãma ku maà ganji ŋɛ si kutɔɔ nŋɛ.

Kuyɛi Zãa 5:9

Nɔ à kɔ̃ iri titɔ̃ gɔ à waa ni, awɔi ì to i gba tiau nɔ i ga sɛɛda ŋau, domi à kpaɛ wo, nɔ do njɛɛi ì raa Ilaaɔ̃ amanɛ ŋa hai si dimi fei, do fee ikã ikã fei, do ilɛ fei.