Efɛɛzu 5:21 - Bibeli do fee

²¹ Iŋɛ iyi ì mà bɛɛrɛi Kirisi, i ya sũa njɛ iri ilɛ ŋa.

Efɛɛzu 5:21 Iomraidhean Croise

Kusintii Andunya 16:9

Ŋɔi amalekai Aɔ̃ Lafɛ̃ɛ í sɔ̃ɔ í ni, sinda i nyi bi lafɛ̃ɛɛ nɔ i koo i sũaa iri ilɛ.

Bomma 1, 29:24

Inɛ ngbo ŋau fei, do sooge ŋau, hee do amai Davidi ŋa iyi à gbeu fei à waa sũa ilaalu Salomɔɔ iri ilɛ.

Bomma 2, 19:7

Na nŋu i jirima Aɔ̃ Lafɛ̃ɛ ŋa. I wɔ̀ njoo si kuce nŋɛ ŋa, domi Aɔ̃ Lafɛ̃ɛ nwa kù bi inɛ iyi ci ya too ntɔ, do inɛ iyi í ya cica inɛ ŋa si na iyi í jɔ̀ à re njɛ do bɛɛrɛ do woo gba amua hai jɛ dee dee.

Neemi 5:15

Amma hee n maa n to bɛ ilu ilɛ ŋa iyi à tako à wa bɛ ŋau à ya daa inɛ ŋa mii nkpɔ nkpɔi iyi aa sã. Inɛ akã fei isɔ fũfũ kpɛkɛlɛ ciijii à ya gba siɛ do sɔnda do atɛ̃. Si anyiɛ, woo ce icɛ nŋa ŋau à ya taa inɛ ŋa gbugbãi. Amma amu n kù ce bɛɛbɛ si na iyi í jɔ̀ ǹ wa n jirima Ilaaɔ̃.

Neemi 5:9

Nɔ ǹ ni má, mii iyi ì waa ce ŋau bɛ kù sĩa. Ì nɛ i maa jirima Ilaaɔ̃ ŋai si isɛɛnɛ nŋɛ ku ba dimi mmu mbɛɛ nwa ŋau a maà bu wa.

Mɔnda ŋa 24:21

Amam, i ya maa jirima Aɔ̃ Lafɛ̃ɛ do ilaalu. Maà ya tɔtɔɔ do inɛ ŋa iyi à ya bi mii fei ku fɔtɔtɔ,

Kɔrɛnti 1, 16:16

amanɛ dimi bɛɛbɛ ŋa do inɛ ŋa iyi à waa ba ŋa icɛu ku ce do himma fei, i ya jirima ŋa ŋa.

Kɔrɛnti 2, 5:11

Ilaaɔ̃ í mà wa sãa sãa, nɔ bɛɛbɛ mɔi ǹ tamaa iŋɛ taka nŋɛ ì mà wa ŋa. À waa dɛ ka kãmia inɛ ŋai si na iyi í jɔ̀ à mà bɛɛrɛi Lafɛ̃ɛ.

Kɔrɛnti 2, 7:1

Baakɔɔm ŋa, kuwãu ihɛ̃ fei tu wai. Na nŋu, ka jɔ̀ idɔ nwa ku má sãa sãa si mii fei ku ba ara nwa do idɔ nwa ku maà nɛ taale kãma, nɔ kumá nwa ku kɔ̃ si Ilaaɔ̃ nɔ ka mà bɛɛrɛɛ.

Galati 5:13

Iŋɛ inɛm ŋa, à kpe ŋɛi i na i nɛ ara nŋɛ. Do nŋu fei, i maà jɔ̀ ara ku nɛ nŋɛ ku mua daai iŋɛ taka nŋɛ kpãa i ceò idɔɔbii ara nŋɛ. Amma i ya maa sobi njɛ do kubi ŋa,

Efɛɛzu 5:22

Iŋɛ inaabo ŋa i sũa mɔkɔ nŋɛ ŋa iri ilɛ bɛi aa cea Lafɛ̃ɛ ŋa,

Efɛɛzu 5:24

Nɔ si bɛi igbɛu í ya sũa Kirisi iri ilɛ, bɛɛbɛ mɔi inaabo ŋa à nɛ a sũa mɔkɔ nŋa ŋa iri ilɛ si mii fei.

Filipi 2:3

I maà ya ce ngɔgɔ do njɛ ku wã ŋa walakɔ do fufu ku tɔɔ, amma i kaye ara nŋɛ i ya doo inɛ ŋa bɛi mii iyi à re ŋɛ.

Timɔtee 1, 2:11

Í sĩa inaabo ŋa a gbɔ ciou si laakai do jirima mam mam.

Timɔtee 1, 3:4

Nɔ ku jɛ inɛ gɔ iyi í nɔ kpasɛ̃ɛ mam mam, nɔ amaɛ ŋa à ya jirimaɛ nɔ à mà bɛɛrɛi inɛ ŋa.

Ebɛɛ 13:17

I gbɔ idei woo cua nŋɛ ŋa nɔ i sũ nŋa iri ilɛ, domi à waa cɔ baanii hunde nŋɛ ŋa si na iyi í jɔ̀ Ilaaɔ̃ á na ku bee ŋa ideɛ. I ce bɛɛbɛ ŋa ku ba a coo do inɔ didɔ̃, ku maà ti ku jɛ do inɔ kufɔ. Bii à coo do inɔ kufɔ, kaa ce nŋɛ aranfãani kãma.

Piɛɛ 1, 2:13

I jirima ilu iri fei ŋa na irii Lafɛ̃ɛ, hai ilaalu nla nŋu iyi í re do gbugbã,

Piɛɛ 1, 2:17

I jirima inɛ fei ŋa, i bi kpaasi woo dasi Jesu naanɛ nŋɛ ŋa, i mà bɛɛrɛi Ilaaɔ̃, nɔ i jirima ilaalu nlau ŋa.

Piɛɛ 1, 5:5

Bɛɛbɛ mɔi, iŋɛ awaasũ ŋa, i sũa inɛ ngboi igbɛ ŋau iri ilɛ. Iŋɛ fei i jɔ̀ ara ku kaye ku jɛ nŋɛ bɛi ibɔ iyi à ya dasi, domi kukɔi idei Ilaaɔ̃ wa fɔ í ni, Ilaaɔ̃ kù wa anyii woo tɔɔ fufu ŋa, amma wa cea woo kaye ara ŋa didɔ̃.