Efɛɛzu 5:20 - Bibeli do fee

²⁰ I ya maa saabu Ilaaɔ̃ Baaba waati kãma fei ŋa si mii fei do irii Lafɛ̃ɛ nwa Jesu Kirisi.

Efɛɛzu 5:20 Iomraidhean Croise

Zɔɔbu 1:21

í ni, basĩi iyem í bím wa nɔ basĩi an nyi má. Aɔ̃ Lafɛ̃ɛi í muum, nɔ nŋui í gbaa má. Ka saabu Aɔ̃ Lafɛ̃ɛ.

Iri ku kɔ̃ 34:1

Iriu ihɛ̃ ti Davidii. Davidi í sinda araɛ bɛi sũmu si wajui ilaalu Abimelɛki. Si anyiɛ Abimelɛki í leleɛ, nɔ í nɛ.

Ezai 63:7

An fɔ idei jiida ŋa iyi Aɔ̃ Lafɛ̃ɛ í ce si kubiɛ do kuceɛ ŋa iyi í to saabu, na jiida ŋa iyi í ce nwa fei, do na jiida nla nlaɛ iyi í cea inɛi Izirɛli ŋa, do jiida iyi í ce nŋa na araareɛ do si kubi nlaɛ.

Laabaau jiida iyi Zãa í kɔ 15:16

Kù jɛ iŋɛi ì cicam, amma amui ǹ cica ŋɛ. Nɔ ǹ nya ŋɛ ikã ku ba i ya so iso iyi á kpɛ ŋa. Si bɛɛbɛ mii iyi aa tɔɔ Baaba do irim ŋa fei á mu nŋɛ.

Woo bɛ ŋa 5:41

Ŋɔi woo bɛ ŋau à nɛ hai bi igbɛi woo kiiti ŋau do inɔ didɔ̃ nla nla si na iyi í jɔ̀ Ilaaɔ̃ í ka ŋa si inɛ ŋa iyi à to a maa yaako ŋa na irii Jesu.

Romu 1:8

Sinte titã ǹ wa n saabu Aɔ̃ Lafɛ̃ɛm do saabui Jesu Kirisi na irii iŋɛ fei, si na iyi í jɔ̀ à waa fɔ idei naanɛ ku dasi nŋɛ si andunya fei.

Kɔrɛnti 1, 1:4

Waati kãma fei ǹ ya n maa n saabu Ilaaɔ̃i na iri nŋɛ si na iyi í jɔ̀ í mu nŋɛ didɔ̃ɛ na anu akã nŋɛ iyi ì ce do Jesu Kirisi ŋa.

Kɔrɛnti 1, 15:24

Si anyiɛ, iri ku kpai andunya á to wa, nɔ kù nɛ bɛi á ce iyi Kirisi kù jɛ bomma nɔ ku kãmia mbɛɛɛ ŋau fei. Si anyiɛ nɔ ku so bommau ku daa Ilaaɔ̃ Baaba si awɔ. Ntɔ ntɔ, Kirisi á kpa irii ilu yiiko ŋa do ilu gbugbã ŋa do inɛ ngbo ŋau fei.

Efɛɛzu 5:4

Nɔ i maà ya jɔ̀ idei anyɔ walakɔ ide hai nɛ yaase walakɔ ide nfe nfe ku fita hai si gɛlɛ nŋɛ, domi ide dimi bɛɛbɛ kù jɔò ŋɛ, amma i jɔ̀ ide nŋɛ ku ya jɛ Ilaaɔ̃ ku saabu.

Filipi 1:3

Ǹ ya n maa n saabu Ilaaɔ̃ waati kãma iyi ǹ ye gigi nŋɛ fei.

Filipi 4:6

I maà ya jɔ̀ zigi nŋɛ ku da do ngɔgɔ. Amma si mii fei i ya tɔɔ Ilaaɔ̃ do saabu nɔ i beeɛ bukaatai mii iyi ì bi ŋa.

Kolosee 3:17

Si kuce nŋɛ do si kufɔ nŋɛ i ce fei ndɛɛ do irii Lafɛ̃ɛ Jesu nɔ i saabu Ilaaɔ̃ Baaba ŋa na saabuɛ.

Tɛsalonika 1, 3:9

Zaka bɛirei aa ka yɔkɔ ka saabu Ilaaɔ̃ na inɔ didɔ̃ nla nla iyi à nɛ si wajui Ilaaɔ̃ Lafɛ̃ɛ nwa na iri nŋɛ.

Tɛsalonika 1, 5:18

Bɛi í jɛò fei i saabu Ilaaɔ̃ ŋa. Bɛɛbɛi Ilaaɔ̃ í bi i ce ŋa si kuwɛɛ nŋɛ do Jesu Kirisi.

Tɛsalonika 2, 1:3

Iŋɛ inɛ nwa ŋa, í sĩa ka ya maa saabu Ilaaɔ̃ waati kãma fei na iri nŋɛ. I jɔ̀ ka maa ce bɛɛbɛ domi naanɛ ku dasi nŋɛ wa kɔ̃ɔsi ntɔ ntɔ, nɔ kubi iyi ì nɛ iŋɛ duusɔ̃ɔ í la wa kɔ̃ɔsii.

Tɛsalonika 2, 2:13

Iŋɛ inɛ nwa ŋa, iŋɛ iyi Lafɛ̃ɛ í bi, à nɛ ka ya maa saabu Ilaaɔ̃i waati kãma fei na iri nŋɛ, domi Ilaaɔ̃ í cica ŋɛ hai sinteɛ i baò faaba ŋa do gbugbãi Hundeɛ, do naanɛ nŋɛ iyi ì nɛ si ntɔu ŋa. Hundeui í jɔ̀ ì jɛ inɛ kumá ŋa.

Ebɛɛ 13:15

Na irii Jesu ka maa saabu Ilaaɔ̃, waatɔ ka ya fɔ do gɛlɛ nwa mii iyi í ce si wajui inɛ ŋa. Nɔ saabuu kú jɛ bɛi kuwee iyi à waa ceaa waati kãma fei.

Piɛɛ 1, 2:5

Iŋɛ mɔ, i naa wa bɛi kuta ilu hunde a ceò ŋɛ icɛ a maò ile bi kuwai Hundei Ilaaɔ̃. Bɛi aa jɛ woo wee ŋa iyi à má iyi Hundei Ilaaɔ̃ á jɔ̀ a cea Ilaaɔ̃ kuwee ŋa iyi á dɔ̃aa si do saabui Jesu Kirisi.

Piɛɛ 1, 4:11

Inɛ iyi wa waazo, ku fɔ idei Ilaaɔ̃. Inɛ mɔ iyi wa cea inɛ gɔ icɛ ku coo do gbugbã iyi Ilaaɔ̃ í muaa ku ba si mii fei amboei ku jɛ ti Ilaaɔ̃ do saabui Jesu Kirisi, nŋu iyi í nɛ amboe do gbugbã hee do ajɔ fei. Ami.