Efɛɛzu 5:2 - Bibeli do fee

² I jɔ̀ kucei kuwɛɛ nŋɛ kú nyisi kubi bɛi Kirisi í bi wa, nɔ í na kuwɛɛɛ na iri nwa. Kuwɛɛɛ iyi í nau nŋui í jɛ kuwee jiida iyi inunuɛ í dɔ̃a Ilaaɔ̃ si.

Efɛɛzu 5:2 Iomraidhean Croise

Kusintii Andunya 8:21

Ŋɔi Aɔ̃ Lafɛ̃ɛ í gbɔ inunu didɔ̃ nɔ í ni si idɔɛ, n kaa n ceekpe ilɛ na irii amanɛ ŋa má domi lasabui idɔi amanɛ ŋa í jɛ laalɔ hai keeke nŋa. N kaa n kpa irii andunya fei bɛi ǹ ceu bɛ má.

Kufita 29:18

Bii ì ce bɛɛbɛ ì tã, aa jo iŋau feii i ceem do kuwee. Nŋu bɛi á jɛ kuwee iyi à ya jo si ina fei sãa sãa iyi inunuɛ á dɔ̃a amu Aɔ̃ Lafɛ̃ɛ si.

Kufita 29:25

Si anyiɛ nɔ i gba mii ŋau hai si awɔ nŋa i koo i joo bi kuweeu si antaii kuwee iyi à tako à jou. Nŋu bɛi í jɛ kuwee iyi à ya jo si ina fei sãa sãa si wajum iyi inunuɛ á dɔ̃ɔm si.

Kuwee 1:13

Mii ndii inɔ ŋau do kɔbisi ŋau fei á wiɛi, nɔ woo weeu ku naaò wa bi tom ku jo fei ndɛɛ si antaii bi kuweeu. Nŋu bɛi í jɛ kuwee iyi à ya jo si ina fei sãa sãa iyi inunuɛ í ya dɔ̃ɔm si.

Kuwee 1:17

Si anyiɛ nɔ ku lawɛ ikpai yɛiu tengi bii wa gũsi araɛu cingaa minji fei, nɔ ku maà nyaa hai si arau, nɔ woo weeu ku lesi yɛiu si antaii jĩi ndii kuwee iyi à dasi inau ku joo. Nŋu bɛi í jɛ kuwee iyi à ya jo si ina fei sãa sãa iyi inunuɛ í ya dɔ̃a amu Aɔ̃ Lafɛ̃ɛ si.

Kuwee 1:9

Si anyiɛ á wiɛ mii ndii inɔ ŋaui do kɔbisi ŋau, nɔ woo weeu ku jo fei ndɛɛ si antaii bi kuweeu. Nŋu bɛi í jɛ kuwee iyi à ya jo si ina fei sãa sãa iyi inunuɛ í ya dɔ̃ɔm si.

Kuwee 3:16

Woo weeu á jo fei ndɛɛi si antaii bi kuweeu. Nŋu bɛi í jɛ iŋai kuwee iyi à ya jo si ina iyi inunuɛ á dɔ̃a amu Aɔ̃ Lafɛ̃ɛ si. Ikpou fei ti amu Aɔ̃ Lafɛ̃ɛi á jɛ.

Amɔsu 5:21

Ǹ cé jingau nŋɛ ŋa iyi ì waa jɛ na irim ŋa nɔ n kù saalu ŋa, n kù bi inunui tuaei buki nŋɛ ŋa ku gbɔ.

Matie 20:28

Nɔ baa amu Amai Amanɛ n kù naa inɛ ŋa a ceem icɛ, amma amui an ce nŋa icɛ, nɔ n na kuwɛɛm n yaò inɛ nkpɔ hai si dulum.

Laabaau jiida iyi Zãa í kɔ 13:34

Wooda titɔ̃ iyi ǹ wa n jilɛ nŋɛ wee, i bi njɛ ŋa. Si bɛi ǹ bi ŋɛ, iŋɛ mɔ i bi njɛ ŋa.

Laabaau jiida iyi Zãa í kɔ 6:51

Amui ǹ jɛ ijɛi kuwɛɛ. Hai lelei Aɔ̃i ǹ kita wa. Nɔ inɛ iyi í ba ijɛu í jɛ fei í nɛ kuwɛɛ hai tã. Ijɛui í jɛ aram. An náai ku ba inɛi andunya ŋa a maa wɛɛò.

Romu 15:16

ǹ wa n jɛò woo ce icɛi Jesu Kirisi bi hai jɛ Zuifu ŋa. Ǹ wa n waazo laabaau jiidai Ilaaɔ̃ bɛi woo wee ku ba hai jɛ Zuifu ŋa a yɛ bɛi kuwee iyi á dɔ̃a Ilaaɔ̃ si, si na iyi í jɔ̀ Hundeɛ í cica ŋa í jɔ̀ à má.

Romu 4:25

Ilaaɔ̃i í jɔ̀ à kpa Jesu wo na irii dulum du wa nɔ í jũu má ku ba ku ce wa inɛ dee dee ŋa.

Romu 8:3

Mii iyi woodai Moizi kù yɔkɔ ku ce si na iyi í jɔ̀ mɔngɔi amanɛ ŋa í jɔ̀ woodau í kua gbugbã, Ilaaɔ̃ í coo. Dulum iyi í wa si arai amanɛ, í kiitiɛ si waati iyi í jɔ̀ Amai nŋu takaɛ í so ara iyi í jɔ arai dulum dii amanɛ ŋa nɔ í bɔɔ wa.

Romu 8:37

Amma si mii ŋau ihɛ̃ fei à jɛ igũ mam mam na saabui Kirisi iyi í bi wa,

Kɔrɛnti 1, 16:14

Iyi ì waa ce fei, i coo do kubi ŋa.

Kɔrɛnti 1, 5:7

Ntɔ ntɔ, à kpa Kirisi tã, nŋu iyi í jɛ bɛi ama angudãi jingaui Iku ku kua nwa. Na nŋu, í sĩa nsɛi i nya levɛ̃ɛ nwo hai si kuwɛɛ nŋɛ ku ba i yɛ bɛi pɛ̃ɛ titɔ̃ iyi kù nɛ levɛ̃ɛ, si bɛi ì yɛ tã ŋa.

Kɔrɛnti 2, 2:14

Ka saabu Ilaaɔ̃, domi í mu nwa gbugbã ka jɛò igũ waati kãma fei si kpãai Kirisi. Wa ceò wa icɛ ku ba ku jɔ̀ inɛ ŋa a mà Kirisi, nɔ kumài Kirisiu ku fangaa bii fei bɛi inúnùi tuae í ya fangaa.

Kɔrɛnti 2, 2:15

Ntɔi, si wajui Ilaaɔ̃ à yɛi bɛi inúnù didɔ̃i Kirisi, bi inɛ ŋa iyi à ba faaba, do bi woo bɔ nfe ku ce ŋa.

Kɔrɛnti 2, 8:9

Ì nɔ ì mà didɔ̃i Lafɛ̃ɛ nwa Jesu Kirisi ŋa, nŋu iyi í tako í jɛ ilu amani, nɔ í ce araɛ ilu are na iri nŋɛ ku ba areɛu ku ce ŋɛ ilu amani ŋa.

Galati 1:4

Jesu Kirisi í na araɛ na irii dulum du wa ku ba ku nya wa hai si kuce laalɔi andunyau ihɛ̃. Bɛɛbɛi í ce í ceò idɔɔbii Ilaaɔ̃ Baa nwa.

Galati 2:20

À kpakpam si jĩi do Kirisi ajɔ. Na nŋu, kù jɛ na aram nii ǹ wɛɛ má, bɛbɛi Kirisii wa ce kuwɛɛɛ sim. Nɔ kuwɛɛ iyi ǹ wa n wɛɛ nsɛi, ǹ wa n wɛɛi do naanɛ iyi ǹ dasi Amai Ilaaɔ̃, nŋu iyi í bim nɔ í na kuwɛɛɛ na irim.

Efɛɛzu 1:4

Ilaaɔ̃ í cica wa tã hai waati iyi kù taka andunya ka jɛ titɛɛ si anu akã nwa do Kirisi, nɔ ka jɛ inɛ kumá ŋa ka maà nɛ taale kãma bi tɛɛ.

Efɛɛzu 3:17

nɔ Kirisi ku ce bi kuwaɛ si idɔ nŋɛ na naanɛ ku dasi nŋɛ. Nɔ ǹ wa n tɔɔ má ku jɔ̀ i nɛ gbugbã i maa leekĩ dim dim si kubi ŋa,

Efɛɛzu 3:19

Baa do iyi kubiu í re kumài amanɛ fei, ǹ bi i mà yaaseɛ ŋa ku ba ì kɔ̃ mam mam bɛi Ilaaɔ̃ í kɔ̃.

Efɛɛzu 4:15

Amma bii à waa sisi ntɔu do kubi aa ka la si mii fei ka tóo alái Kirisi iyi í jɛ iriu.

Efɛɛzu 4:2

I ya maa nɛ do ara ku kaye ŋa, do daa didɔ̃ do temua, nɔ i ya maa mu njɛ ŋa do kubi.

Efɛɛzu 5:15

Na nŋu, i ce laakaii isɛɛnɛ nŋɛ. I maà jɔ̀ i maa nɛ bɛi inɛ ŋa iyi a ci ya lasabu, amma i maa nɛ do laakai ŋa.

Efɛɛzu 5:25

Nɔ iŋɛ mɔkɔ ŋau i bi abo nŋɛ ŋa bɛi Kirisi í bi inɛi igbɛɛ ŋa, nɔ í na kuwɛɛɛ na iri nŋa.

Wooda ku kɔsi 27:6

Kuta iyi a kù gbei aa yɔkɔ i ceò icɛ ŋa si bi kuweeu ku ma. Si antaiɛ bɛi aa ya cea Aɔ̃ Lafɛ̃ɛ kuwee iyi à ya jo si ina fei sãa sãau,

Filipi 4:18

Andi mii iyi ì sambaam wa fei ŋa ǹ yɔɔ. Í nɔ í to hee í gbe. Bɛi Epafoditi í naam amua nŋɛ wa í ceem zaka. Amua nŋɛu í yɛɛm nii bɛi kuwee iyi í nɛ inunu jiida iyi Ilaaɔ̃ í gba í dɔ̃aa si.

Kolosee 3:14

Iyi í re mɔm i bi njɛ ŋa. Kubiui á jɔ̀ i ya maa gbɔsi njɛ jiida jiida ŋa.

Tɛsalonika 1, 4:9

Iyi í jɛ kubii woo dasi Jesu naanɛ ŋa, kù jɛ tilasi a kɔ nŋɛ wa, domi Ilaaɔ̃ í nyisi ŋɛ si bɛi í jɔ i bi njɛ iŋɛ duusɔ̃ɔ.

Timɔtee 1, 2:6

nɔ í na araɛ ku yaò inɛ fei hai si dulum. Bɛɛbɛi si waati jiidaɛ í nyisi wa iyi Ilaaɔ̃ í bi amanɛ fei ku ba faaba.

Timɔtee 1, 4:12

Maà ti i jɔ̀ a dondaɛ na awaasũ ku jɛɛ, amma jɔ̀ i nyisi woo dasi Jesu naanɛ ŋa yaase jiida si ide ku fɔɛ, do kuceɛ, do kubiɛ, do naanɛ ku dasiɛ, do dee dee ku jɛɛ.

Titee 2:14

Í so araɛ í na na iri nwa ku ya wa hai si laalɔ baa yooma fei, nɔ ku ce wa inɛ kumá ŋa ka na ka jɛ bɛi dimi akã iyi á jɛ titi nŋu akã nɔ ka jɛ ilu himma ka maa ceò icɛ jiida.

Ebɛɛ 8:3

À jilɛ woo wee nla baa yooma fei ku cea Ilaaɔ̃ amua do kuwee ŋa. Na nŋu, í gbe woo wee nla nwa ku nɛ ngɔgɔ iyi á ceò kuwee.

Ebɛɛ 9:14

Bii bɛɛbɛi, bɛirei aranfãanii njɛi Kirisi á to. Do saabui Hundei Ilaaɔ̃ iyi kaa kui í naò Ilaaɔ̃ araɛ bɛi kuwee iyi kù nɛ leebu. Njɛɛi á jɔ̀ idɔ nwa ku má hai si icɛ nfe nfe ku ce ku ba ka yɔkɔ ka cea Ilaaɔ̃ icɛ nŋu iyi í jɛ icui kuwɛɛ.

Ebɛɛ 9:23

Mii ndii andunya ŋau ihɛ̃ iyi à jɔ mii ndii lele ŋau à maaju do kuwee dimi bɛɛbɛ. Amma mii ndii lele ŋa taka nŋa à nɛ bukaatai kuwee iyi í re do bɛɛrɛ.

Ebɛɛ 9:26

Bii í jɛ Kirisi í lɔ bɛ tuuba nkpɔ nkpɔ wo, á yɛ ijuukpã isɛ fɛɛfɛlo hai sintei andunya. Amma nsɛi, si waatii ankãanyiu ihɛ̃, í na araɛ bɛi kuwee gbakã akã iyi í to ku kpa idei dulum hee do ajɔ fei.

Piɛɛ 1, 4:8

Iyi í re fei ndɛɛ, nŋui í jɛ i ce kookaai i bi njɛ ŋa, domi kubi í ya bii kurara nkpɔ.

Zãa 1, 3:16

À mà bɛi kubi í yɛ si na iyi í jɔ̀ Kirisi í na kuwɛɛɛ na iri nwa. Na nŋu, awa mɔ ka na kuwɛɛ nwa na irii kpaasi nwa ŋa.

Zãa 1, 3:23

Woodaɛu wee. Ka dasi Amaɛ Jesu Kirisi naanɛ, nɔ ka bi njɛ si bɛi í jilɛ nwa.

Kuyɛi Zãa 5:9

Nɔ à kɔ̃ iri titɔ̃ gɔ à waa ni, awɔi ì to i gba tiau nɔ i ga sɛɛda ŋau, domi à kpaɛ wo, nɔ do njɛɛi ì raa Ilaaɔ̃ amanɛ ŋa hai si dimi fei, do fee ikã ikã fei, do ilɛ fei.