Efɛɛzu 5:19 - Bibeli do fee

¹⁹ I jɔ̀ saabu do iri ku kɔ̃ ku ya wa si faaji nŋɛ, i ya kɔ̃ iri do irii Ilaaɔ̃, i cũu do idɔ nŋɛ fei.

Efɛɛzu 5:19 Iomraidhean Croise

Iri ku kɔ̃ 147:7

I saabu Aɔ̃ Lafɛ̃ɛ do iri ku kɔ̃ ŋa. I kɔ̃ iri i na Ilaaɔ̃ Lafɛ̃ɛ nwa bɛɛrɛ do mɔɔlɔ ŋa.

Iri ku kɔ̃ 62:8

Si Ilaaɔ̃i faabam do bɛɛrɛm í wa, nŋui í jɛ kuta ku nɛ gbugbãm. Ilaaɔ̃i í jɛ bi ku manjim.

Iri ku kɔ̃ 86:12

Ilaaɔ̃ Lafɛ̃ɛm, an maa n cĩɛi do idɔm fei, nɔ n maa n naɛ bɛɛrɛ do ajɔ fei.

Iri ku kɔ̃ 95:2

Ka bɔ si wajuɛ, ka saabuɛ, ka kɔ̃a iri do inɔ didɔ̃.

Ezai 65:14

Woo ce icɛm ŋa aa maa dɔ̃ anui do inɔ didɔ̃. Aa wɛɛò inɔ didɔ̃, amma iŋɛ, aa maa dɔ̃ anui do ara kuro hee si idɔ nŋɛ. Aa maa weewea ŋai nɔ i maa wa si inɔ kufɔ ŋa.

Matie 15:8

inɛ ŋau ihɛ̃ à waa jirimam nii do gɛlɛ nŋu akã. Amma idɔ nŋa í jĩim.

Matie 26:30

Si anyiɛ à kɔ̃ iri ŋa nɔ à fita à bɔ geetei Olivieu.

Woo bɛ ŋa 16:25

Zakai idũ laja ŋɔi Pɔlu do Silasi à waa ce kutɔɔ nɔ à kɔ̃ iri à waa saabuò Ilaaɔ̃. Nɔ inɛi piisɔ̃ɔ ŋa iyi à wa bɛu à waa de si ŋa itĩ.

Kɔrɛnti 1, 14:15

To, nsɛi, bɛirei an ce. An ce kutɔɔ do hundem do lasabum ajɔ. An kɔ̃ iri do hundem do lasabum ajɔ.

Kɔrɛnti 1, 14:26

Na nŋu, iŋɛ inɛm ŋa, bɛirei aa ka ce. Bii ì waa tɔtɔɔ ŋa inɛ gɔ nŋɛ ŋa aa nɛ iri ku kɔ̃, inɛ gɔ ŋa mɔ cio ku kɔsi, inɛ gɔ ŋa mɔ idei Ilaaɔ̃ ku waazo, inɛ gɔ ŋa mɔ ide ku fɔ do fee iyi a kù waa gbɔ, inɛ gɔ ŋa mɔ yaasei fee ŋau ku tusɛ. Í sĩa i maa ce fei ndɛɛ ŋa ku ba ku mua inɛi igbɛi Jesu ŋa gbugbã.

Kolosee 3:16

I jɔ̀ idei Kirisi ku kɔ̃ mam mam si idɔ nŋɛ ŋa, nɔ ku mu nŋɛ bisi ntɔ ntɔ ku ba i kɔ njɛ si cio nɔ i mua njɛ gbugbã ŋa. I ya kɔ̃ iri i maa saabu Ilaaɔ̃ ŋa nɔ i jɔ̀ Hundeɛ ku maa nɛò ŋɛ si iri ku kɔ̃ nŋɛ ŋau.

Zaaki 5:13

Wahala í ba inɛ gɔ nŋɛi? Ku ce kutɔɔ. Inɔi inɛ gɔ nŋɛ wa dɔ̃i? Ku saabu Ilaaɔ̃ do iri ku kɔ̃.

Kuyɛi Zãa 5:9

Nɔ à kɔ̃ iri titɔ̃ gɔ à waa ni, awɔi ì to i gba tiau nɔ i ga sɛɛda ŋau, domi à kpaɛ wo, nɔ do njɛɛi ì raa Ilaaɔ̃ amanɛ ŋa hai si dimi fei, do fee ikã ikã fei, do ilɛ fei.