Efɛɛzu 5:16 - Bibeli do fee

¹⁶ Waati iyi ì nɛ ŋa, i ceò icɛ, domi waatiu ihɛ̃ bɛi waati laalɔi.

Efɛɛzu 5:16 Iomraidhean Croise

Kusintii Andunya 29:7

Ŋɔi Zakɔbu í ni, nunu wee wa la titã, awaati kù to bɛi aa tɔtɔɔ mɛɛmu nŋɛ ŋa. Do nŋu fei i mu nŋa inyi a mɔ nɔ i koo i degbe ŋa má ŋa.

Iri ku kɔ̃ 37:19

A kaa wa si anyɔ waati iyi wahala á to wa, nɔ waati iyi ari nla nla á naa aa maa jɛi bɛi à bi.

Woo lasabu 11:2

I ya cea inɛ nkpɔ amua domi i kù mà wahala iyi á na ku baɛ si andunya.

Woo lasabu 12:1

Ye gigii Ilaaɔ̃ woo takaɛ si awaasũ ku jɛɛ hee ajɔi wahala ŋa a maa naa, si waati bii aa ni i kù nɛ inɔ didɔ̃ má.

Woo lasabu 9:10

Nɔ mii iyi ì nɛ ku ce fei, coo do gbugbãɛ, domi icɛ do lasabu ku ce si ngɔgɔ do kumà do bisi kãma kaa wɛɛ bi kuwai iku ŋa tengi bii ì waa bɔ.

Daniɛli 2:8

Ŋɔi ilaaluu í nyi í sisi í fɔ má í ni, ntɔ ntɔ, ǹ mà iyi ì waa bi i ba i ya waati ŋai si na iyi í jɔ̀ ì gbɔ mii iyi ǹ dasi idɔ n ce ŋa.

Amɔsu 5:13

Na ŋɔi í ce si waati dimi bɛɛbɛ ilu bisi í ya maa cokoi, domi waati gɔi iyi í gaabu.

Matie 25:17

Bɛɛbɛ mɔi inɛ iyi à na minjiu mɔ, í ba riba minji má.

Laabaau jiida iyi Zãa í kɔ 12:35

Ŋɔi Jesu í sɔ̃ ŋa í ni, í gbe keeke iyi inya kumá kaa wa anini nŋɛ má. Í sĩa i ya maa nɛ si waati iyi ì nɛ inya kumáu ŋa ku ba ilu kuku ku maà na ku boe ŋɛ, domi inɛ iyi wa nɛ si ilu kuku ci ya mà bii wa bɔ.

Romu 13:11

Í sĩa i ce bɛɛbɛ ŋa, domi ì mà ŋa si waati bii à wa nsɛi. Í to i jĩ hai si iri njoo ŋa, domi waati iyi Lafɛ̃ɛ á faaba wa mam mam í maai wa nsɛi í re waati iyi à dasi naanɛ sinte.

Kɔrɛnti 1, 7:26

Ǹ tamaa na wahalai waatiu ihɛ̃ á sĩa inɛ fei ku wɛɛ bɛi í wɛɛ nsɛi.

Galati 1:4

Jesu Kirisi í na araɛ na irii dulum du wa ku ba ku nya wa hai si kuce laalɔi andunyau ihɛ̃. Bɛɛbɛi í ce í ceò idɔɔbii Ilaaɔ̃ Baa nwa.

Galati 6:10

Bɛɛbɛ mɔi waati iyi à ba awɔɛ fei, ka cea inɛ fei jiidaɛ. Nɔ kpaasi woo dasi Jesu naanɛ ŋai à nɛ ka cea ku re.

Efɛɛzu 6:13

Na nŋu, i so jĩnɛi igũi Ilaaɔ̃ fei i dĩ ŋa. Si bɛɛbɛ, bii ajɔi wahala í na í naa, aa yɔkɔ i kɔò ara nŋɛ si wajui Seetam mbɛɛ nŋɛu. Nɔ bii ì ce igũ ì tã ŋa, i leekĩ dim dim ŋa hee kɔɔ.

Efɛɛzu 6:15

I jɔ̀ himmai laabaau jiida ku sisi ku wɛɛ nŋɛ bɛi baata nŋɛ. Laabaau jiidaui á jɔ̀ inɛ ŋa a dɔ̃ do Ilaaɔ̃.

Kolosee 4:5

I jɛ kuwɛɛ nŋɛ do laakai ŋa si inɔi hai dasi naanɛ ŋau. I ya ce icɛ jiida si waati iyi ì nɛ fei ŋa.