Efɛɛzu 5:15 - Bibeli do fee

¹⁵ Na nŋu, i ce laakaii isɛɛnɛ nŋɛ. I maà jɔ̀ i maa nɛ bɛi inɛ ŋa iyi a ci ya lasabu, amma i maa nɛ do laakai ŋa.

Efɛɛzu 5:15 Iomraidhean Croise

Samuɛli 2, 24:10

Waati iyi Davidi í ce kukai zamaau í tã, ŋɔi zigiɛ í da ntɔ ntɔ. Nɔ í tɔɔ Aɔ̃ Lafɛ̃ɛ í ni, dulum nla nlai ǹ ce. Nsɛi, amu takam ǹ mà iyi ide sũmui ǹ ce. Na nŋu, ceem suurui dulum dom.

Zɔɔbu 2:10

Ŋɔi Zɔɔbu í jɛaa í ni, ì waa fɔ ide mbɛ bɛi inaabo hai nɛ yaase. Bii Ilaaɔ̃ wa ce amuai mii jiida, à ya ka gba, na mii í jɔ̀ bii wa ce nwa laalɔɛ aa ka kɔ̀si. Nɔ si nŋu ŋau bɛ fei Zɔɔbu kù ce dulum si ide ku fɔɛ.

Iri ku kɔ̃ 73:22

ǹ ce nnyɛi, n kù mà nkãma. Bi titɛɛ, ǹ yɛi bɛi mɛɛmu.

Kufita 23:13

I ya jirima ide ŋa iyi ǹ sɔ̃ ŋɛ ŋau bɛ fei. Iyi í re mɔm, nŋui í jɛ i maà ya fɔ idei iwɛ̃ kãma ŋa.

Mɔnda ŋa 14:8

Bisii ilu laakaii í jɛ ku mà yaasei kpãaɛ, amma nnyɛi í ya nyɔi na nnyɛi ku jɛɛ.

Mɔnda ŋa 15:21

Nnyɛi í ya nɛ inɔ didɔ̃ si ide hai nɛ yaase ku ceɛi, amma ilu laakai isɛɛnɛ jiidai í ya ce.

Matie 10:16

Jesu í sɔ̃ ŋa má í ni, wee ǹ wa n bɛ ŋɛ nɔ aa yɛ ŋai bɛi angudã ŋa si inɔi mbo ŋa. Na nŋu, i jɔ̀ i nɛ bisi bɛi njo ŋa, nɔ i jɛ hai ce laalɔ bɛi ankasiidi ŋa.

Matie 25:2

Si inɔ nŋa amanɛ miiu í jɛ ilu laakai, amanɛ miiu mɔ kù nɛ laakai.

Matie 27:24

Iyi Pilati í yɛ mii iyi nŋu wa ce fei ngbɛi, nɔ wakatau wa kɔ̃ɔsi mɔm nii, ŋɔi í bu inyi í wɔɔ si wajui zamaau í nyisi iyi baai nŋu kù wa si ideu, í ni, njɛi mɔkɔ dee deeu ihɛ̃ kunikãɛ kù yɛm, í jɛ idei iri nŋɛ.

Matie 27:4

Í sɔ̃ ŋa í ni, ǹ ce dulum si bɛi ǹ zamba inɛ dee deeu ihɛ̃ a kpaa. Amma à jɛaa à ni, yoomai í yɛ wa. Í jɛ idei iriɛ.

Matie 8:4

Nɔ Jesu í sɔ̃ɔ í ni, gbɔ, maà sɔ̃ inɛ gɔ ideu ihɛ̃, amma koo nyisi araɛ bi woo weei Ilaaɔ̃u, nɔ i ce kuwee iyi Moizi í jilɛu. Kuweeu bɛi á nyisi inɛ ŋa iyi ì jɛ inɛ iyi í má bɛbɛi.

Luku 24:25

Ŋɔi Jesu í sɔ̃ ŋa í ni, iŋɛ hai nɛ bisi ŋai, i ci ya dasi ide iyi walii ŋa à fɔ fei naanɛ gbãa gbãa ŋa.

Kɔrɛnti 1, 14:20

Iŋɛ inɛm ŋa, i maà ya wũa ide bɛi ama keeke ŋa má ŋa. Bii í jɛ idei laalɔ ku cei, í sĩa i yɛ bɛi ama keeke ŋa iyi a kù mà laalɔ ku ce, amma si kpãai ide ku wũa i jɔ̀ i yɛ bɛi inɛ ngbo ŋa.

Galati 3:1

Iŋɛ inɛi Galati ŋau, i kù nɛ laakai ŋa. Iŋɛ iyi à sisia idei Jesu Kirisi iyi à kpakpa si jĩi ku gaau sãa sãa, yooi í kɔ̃ɔtɛ̃ ŋɛ.

Galati 3:3

Bɛirei í ce ì kua laakai bɛɛbɛ ŋa. Ì sinti do Hundei Ilaaɔ̃ ŋa nɔ ì waa bi i kpa iriɛ do gbugbãi ara nŋɛ?

Efɛɛzu 5:2

I jɔ̀ kucei kuwɛɛ nŋɛ kú nyisi kubi bɛi Kirisi í bi wa, nɔ í na kuwɛɛɛ na iri nwa. Kuwɛɛɛ iyi í nau nŋui í jɛ kuwee jiida iyi inunuɛ í dɔ̃a Ilaaɔ̃ si.

Efɛɛzu 5:33

Na nŋu, mɔkɔ fei ku bi aboɛ bɛi í bi araɛ, nɔ abo fei ku jirima mɔkɔɛ.

Filipi 1:27

Nŋu de i ya jɔ̀ isɛɛnɛ nŋɛ ŋa ku yɛ bɛi laabaau jiidai Kirisi í fɔ. Bii ì waa ce bɛɛbɛ ŋa, bii ǹ naa bi tu ŋɛ, walakɔ baa bii n kù naa, n maa n gbɔ iyi ì waa leekĩ si dim dim ŋa, ì ya maa gbɔsi njɛ nɔ ì waa jabu do inɔ akã ŋa na laabaau jiidau iyi í jɛ icui naanɛ ku dasi nŋɛ.

Kolosee 1:9

Na nŋu, hai waati iyi à gbɔ laabaau nŋɛ, waati kãma fei à ya ka maa ce nŋɛ kutɔɔi. À waa tɔɔ Ilaaɔ̃ ku jɔ̀ Hundeɛ ku mu nŋɛ bisi do laakai ku ba i mà idɔɔbiɛ ŋa mam mam.

Kolosee 4:5

I jɛ kuwɛɛ nŋɛ do laakai ŋa si inɔi hai dasi naanɛ ŋau. I ya ce icɛ jiida si waati iyi ì nɛ fei ŋa.

Tɛsalonika 1, 5:15

I ce laakai ŋa i maà jɔ̀ inɛ gɔ ku sãa kpaasiɛ laalɔ, amma i hanya i cea njɛ jiida waati kãma fei ŋa do inɛ ŋa iyi à gbe fei.

Timɔtee 1, 6:9

Amma inɛ ŋa iyi à waa bi aŋa a jɛ ilu fia nla, à ya dasi kulɛlɛi, nɔ binɛ laalɔ nkpɔ nkpɔ hai nɛ yaase a mu ŋa bɛi cɛkũm ku jɔ̀ a dasi nfe ku ce.

Ebɛɛ 12:25

Na nŋu, i ce laakai ŋa i maà kɔ̀ ku gbɔ idei inɛ iyi wa ba ŋɛ ide ku fɔ ŋa. Moizi í ba inɛ ŋa ide ku fɔ si andunyau ihɛ̃ í ni a ce laakai, nɔ inɛ ŋa iyi à kɔ̀ ku gbɔ ideɛu a kù fita si ijuukpã. To, awa mɔ iyi à waa gbɔ inɛ iyi wa fɔ ide wa hai lelei Aɔ̃, bɛirei aa ka ce ka fita si ijuukpã bii à waa toaa anyi.

Zaaki 3:13

Yoo nŋɛi í nɛ kumà do bisi. Bii lafɛ̃ɛ í nɛ bisii do ntɔ, ku jɔ̀ a yɔɔ si isɛɛnɛ jiidaɛ do si kookoosu ŋa iyi wa ce do ara ku kaye.

Piɛɛ 1, 1:22

Nsɛi, si ntɔ ku jirimai ì fũuta idɔ nŋɛ ŋa ku ba kubii kpaasi woo dasi naanɛ ŋa iyi ì nɛ ŋa ku maà jɛ do muafiti. Na nŋu, i bi njɛ ntɔ ntɔ do idɔ nŋɛ fei ŋa.

Kuyɛi Zãa 19:10

Ŋɔi ǹ sɛɛbata ku ba n tɔɔɛ, amma í ni, maà ce bɛɛbɛ. Amu mɔ woo ce icɛi bɛi awɔ do bɛi kpaasiɛ ŋa iyi à waa mu ide ntɔ iyi Jesu í nyisi wau. Tɔɔ Ilaaɔ̃. Ide ntɔ iyi Jesu í nyisi wau nŋui í jɛ icui idei walii fei.