Efɛɛzu 5:14 - Bibeli do fee

¹⁴ Nɔ mii iyi í fita gbugbãa fei í ya mái. Na ŋɔi í ce à ni, awɔ iyi ì waa sĩ njoo, jĩ. Dede hai si inɔi iku ŋa, nɔ Kirisi ku máɛ inya.

Efɛɛzu 5:14 Iomraidhean Croise

Ezai 26:19

Iŋɛ zamaam ŋa, inɛ nŋɛ ŋa iyi à ku ŋau aa nyi wa si kuwɛɛ má. Ikui inɛm ŋau, aa jĩ má. Na nŋu, iŋɛ iyi ì wa si sãau, aa dede nɔ aa dɔ̃ anu do inɔ didɔ̃ ŋa. Ntɔ ntɔ, Aɔ̃ Lafɛ̃ɛ á jɔ̀ ikpã nŋɛ ku yɛ bɛi inya kumá, nɔ ilɛ á jɔ̀ inɛ ŋa iyi à ku ŋau a ba kuwɛɛ má.

Ezai 51:17

Zeruzalɛmu, jĩ, jĩ hai si iri njoo nɔ i dede, awɔ iyi Aɔ̃ Lafɛ̃ɛ í jɔ̀ ì mɔ kɔɔfui idɔɔkɔ̃ɛ. Ì mɔ kɔɔfui idɔɔkɔ̃ɛui, ì sindaɛ fei hee wa cĩɛ iju.

Ezai 52:1

Zeruzalɛmu, jĩ, jĩ hai si iri njoo. Siɔ̃ɔ, jɔ̀ gbugbãɛ ku teese ku baa. Dasi ibɔ kusĩaɛ ŋa, awɔ Zeruzalɛmu ilu kumáu, domi hai ce bango do inɛ iyi í nɛ riisi kãma kaa lɔ wa bi tɛɛ má.

Ezai 60:1

Dede Zeruzalɛmu, má inya, domi inya kumá wa dede na iriɛ. Amboei Aɔ̃ Lafɛ̃ɛ wa máɛ inya bɛi inya kumái inunui daakɔ.

Luku 1:78

Ntɔ ntɔ, araarei Ilaaɔ̃ Lafɛ̃ɛ nwa í lá si wa. Na saabui araareɛui í jɔ̀ inya kumá í naa si wa hai lele bɛi nunui daakɔ,

Luku 15:24

domi amam iyi í yɛ bɛi í ku wo, í baa si andunya má. Í nyɔ wo nɔ à yɔɔ má. Ŋɔi à wa si inɔ didɔ̃.

Laabaau jiida iyi Zãa í kɔ 8:12

Si anyii nŋu, Jesu í ba inɛ ŋa ide ku fɔ má í ni, amui ǹ jɛ inya kumái andunya. Inɛ iyi wa toom á nɛ inya kumá iyi á jɔ̀ inɛ ku ba kuwɛɛ, kaa maa nɛ si ilu kuku.

Laabaau jiida iyi Zãa í kɔ 9:5

Waati iyi ǹ wa si andunya fei amui ǹ jɛ inya kumái andunya.

Woo bɛ ŋa 13:47

domi nŋu bɛi Lafɛ̃ɛ í dasi wa ku ce í ni, ǹ ce ŋɛi bɛi fitila bi dimi mmu ŋa ku ba i bɔò idei faabau hee kɔɔi andunyau ŋa.

Romu 6:13

I maà ti i jɔ̀ ikɔ̃ ikɔ̃i ara nŋɛ kãma kù wa si awɔi dulum má i maa ceò laalɔ ŋa. Amma i so ara nŋɛ i na Ilaaɔ̃ bɛi inɛ ŋa iyi à jĩ wa hai si balɛ, nɔ i so ikɔ̃ ikɔ̃i ara nŋɛ fei i daa Ilaaɔ̃ si awɔ ŋa i maa ceò jiida.

Kɔrɛnti 1, 15:34

I jɔ̀ laakai jiida nŋɛ ku nyi wa si bɛi á sĩa, nɔ i jɔ̀ kookoosui dulum. Inɛ gɔ nŋɛ ŋa a kù mà Ilaaɔ̃ do ntɔ. Ǹ wa n fɔ iyi bɛi ku ba anyɔ ku mu ŋɛ.

Kɔrɛnti 2, 4:6

Ilaaɔ̃i í ni, inya kumá ku ce si aninii ilu kuku, nŋui í nɔ í da nwa si inya kumáɛ si idɔ nwa ku ba ka mà amboeɛ. Amboei Ilaaɔ̃ui à waa yɛ si wajui Kirisi.

Efɛɛzu 2:1

Tako wo ì yɛ ŋai bɛi iku ŋa na irii kurara nŋɛ do dulum du ŋɛ.

Efɛɛzu 2:5

hai waati iyi kurara nwa í ce wa bɛi iku ŋa, Ilaaɔ̃ í mu nwa kuwɛɛ do Kirisi ajɔ. Na didɔ̃ɛi ì baò faaba ŋa.

Kolosee 3:1

Ilaaɔ̃ í dede ŋɛ hai si balɛ do Kirisi ajɔ. Na nŋu, i dɛ mii ndii lele bii Kirisi wa buba si awɔ njɛi Ilaaɔ̃ ŋa.

Tɛsalonika 1, 5:6

Na nŋu, ka maà sĩ njoo bɛi inɛ ŋa iyi à gbe, amma í sĩa ka wɔ njoo ka maa ceò laakaii ara nwa.

Timɔtee 2, 1:10

Nsɛi, kunaai woo faaba nwa Jesu Kirisii í nyisi wa didɔ̃u. Jesu Kirisiui í kpa irii gbugbãi iku nɔ í nyisi wa kuwɛɛ iyi ci ya tã na saabui laabaau jiidau.

Timɔtee 2, 2:26

nɔ laakai nŋa ku baa, a gbã hai si taai Seetam, nŋu iyi wa mu ŋa wo nɔ í jɔ̀ à waa ce idɔɔbiɛ.