Efɛɛzu 5:11 - Bibeli do fee

¹¹ I maà dasi ara nŋɛ si kookoosu laalɔ iyi amanɛ ŋa à waa ce si ilu kuku. Amma kookoosu dimi bɛɛbɛ i ya fɔɔ inɛ ŋa a gbɔ ŋa.

Efɛɛzu 5:11 Iomraidhean Croise

Kusintii Andunya 20:16

Nɔ í sɔ̃ Sara í ni, wee ǹ wa n na wecĩɛ kpɛkɛlɛ dubu. Iyi bɛi í jɛ fiai kuraram iyi ǹ sãɛ si wajui inɛi kpasɛ̃ɛ ŋa fei, nɔ ku nyisi iyi i kù nɛ taale kãma si ideu ihɛ̃.

Iri ku kɔ̃ 141:5

Bii inɛ dee dee wa cãm wa nyisim kubii. Bii wa niim kai, í yɛ bɛi ikpo jiidai wa tontoom si iri, nɔ n kaa n kɔ̀. Amma an maa n mɔsi do kutɔɔm nii si gãmɛi laalɔ ku cei ilu inɔ kukã ŋa.

Mɔnda ŋa 1:10

Amam, bii ilu dulum ŋa à waa bi a lɛlɛɛ, maà jɛ.

Mɔnda ŋa 1:31

Aa ba ribai mii iyi ì gbɛ̃ ŋa, nɔ ribai ikɔ nŋɛ ŋai aa jɛ ŋa.

Mɔnda ŋa 13:18

Are do anyɔi í ya jɛ ti inɛ iyi ci ya gba ikɔ, amma inɛ iyi í ya gbɔ kugbagbasii í ya ba bɛɛrɛ.

Mɔnda ŋa 15:12

Woo yaako inɛ ci ya bi a sɔ̃ɔ kuraraɛ, na ŋɔi í ce ci ya bee ikɔi ilu laakai ŋa.

Mɔnda ŋa 19:25

Cã woo yaako amanɛ ku ba nnyɛi ku ce laakai, amma i ya gbagba si ilu laakai, á gbɔ yaasei ikɔɛ.

Mɔnda ŋa 25:12

Kai iyi ilu bisi wa ni, í yɛi bɛi lɛlɛawɔi wura walakɔ sabai wura, bi inɛ iyi wa gbɔɔ do laakai.

Mɔnda ŋa 28:4

Woo fũsi wooda ŋa awɔ à ya maa saabu inɛ laalɔ ŋai. Amma woo jirima wooda ŋa à ya maa ba ŋa ku jai.

Mɔnda ŋa 29:1

Inɛ iyi bii à sɔ̃ɔ kuraraɛ ci ya jɛsi, á ce nfei anu akã nɔ kaa dede má.

Ezai 29:21

Inɛ ŋau, aŋai à ya maa yɛ taalei inɛ ŋa, nɔ à ya maa lea inɛ iyi í ya maa kiiti inɛ ŋa anu koofai iluu cɛkũm ŋa, nɔ a maa na ilu ntɔ ŋa taale.

Zeremi 15:17

N kù koo n kù buba n kù waa kpɛ̃ inɔ didɔ̃ do woo yaako inɛ ŋa inya akã. Amma ì tilasim nii ì jɔ̀ ǹ nya aram ikã, domi ì jɔ̀ ǹ wɛɛò idɔɔkɔ̃ nla nla.

Kuwee 19:17

I maà ya cé inɛ mmu ŋa si idɔ nŋɛ. I ya sisi nŋa kurara nŋa iyi à ce ku ba i maà kãa ara nŋɛ dulum na iri nŋa.

Matie 18:15

Jesu í ni má, bii kpaasi woo dasi naanɛ gɔ í ce kurara bi tɛɛ, bɔ bi tɛɛ awɔ akã nɔ í jɔ̀ ku mà yaasei kurarau. Bii í gbɔ ideɛ, ì baaɛ wa má si kpãa jiidai.

Luku 3:19

Amma hai tako ilaalu Herodu í so Herodiasi aboi ifɔɛ í ce abo. Ŋɔi Zãa í gbagba siɛ na ideu do na daa laalɔ ŋa iyi í ce fei wo.

Woo bɛ ŋa 26:18

i cĩ iju nŋa. An bɛɛ bi tu ŋai ku ba a sinda hai si ilu kuku a lɔ si inya kumá, nɔ a sinda hai si gbugbãi Seetam a naa bi Ilaaɔ̃. An bɛɛ bi tu ŋai ku ba a dasim naanɛ nɔ Ilaaɔ̃ ku kpa dulum du ŋa nɔ a na a jɛ tubu do inɛ ŋa iyi í cica à jɛ tɛɛ.

Romu 13:12

Waati iyi à wa si nsɛi í yɛi bɛi idũ í dũ wa koo, nɔ amɛɛjuumá í maai wa. Na nŋu, ka jɔ̀ icɛi ilu kuku ku ce, nɔ ka so jĩnɛi igũ iyi á jɔ̀ ka jabu si inya kumá.

Romu 16:17

Ǹ wa n sɔ̃ ŋɛi, iŋɛ inɛm ŋa, i ya ce laakaii inɛ ŋa iyi à ya naaò njɛ ku fɛɛfɛ wa si anini nŋɛ, nɔ a jɔ̀ inɛ gɔ ŋa a koosɛ si naanɛ ku dasi nŋa a cuku. Aŋai à ya maa nya cɔɔi cio iyi ì gbɔ ŋa. I jɔ̀ i jĩò inɛ dimi bɛɛbɛ ŋa

Romu 6:21

Riba yoomai ì ya ba ŋa waati bɛɛbɛ. Riba iyi ì ba ŋau wa mu ŋɛ anyɔ nsɛi, nɔ iri ku kpaɛ ikui.

Galati 6:8

Bii wa gbɛ̃ iyi daai nŋu takaɛ í bi, nfe ku cei á bíaa. Bii í nɔ wa gbɛ̃ iyi Hundei Ilaaɔ̃ í bi, kuwɛɛ hai tãi Hundei Ilaaɔ̃u á bíaa.

Efɛɛzu 4:22

Na nŋu, i jɔ̀ daa nwo nŋɛ ŋa iyi wa nɛ̀ò kuwɛɛ nŋɛ wo, domi kubii daa nwo nŋɛ ŋaui wa dĩ iju nŋɛ nɔ wa bɔò ŋɛ nfe ku ce.

Efɛɛzu 5:12

Anyɔ nla nla mɔm nii bii à fɔ mii iyi inɛ ŋau à waa ce si asii.

Efɛɛzu 5:7

Na nŋu, i maà ya jɔ̀ ide gɔ ku tɔtɔɔ ŋɛ do amanɛ dimi bɛɛbɛ ŋa.

Kolosee 1:12

I ya maa saabu Ilaaɔ̃ Baaba do inɔ didɔ̃ ŋa, nŋu iyi í jɔ̀ ì nɛ ikpɛ̃ si tubu iyi í jilɛa woo dasi naanɛ ŋa si inya kumá.

Tɛsalonika 1, 5:7

Idũi inɛ ŋa à ya sĩ njoo, nɔ idũ mɔi woo mɔ atɛ̃ ŋa à ya mɔ atɛ̃ ku maa kpa ŋa.

Tɛsalonika 2, 3:14

Inɛ iyi í kɔ̀ ku gbɔ ide iyi à kɔ si tiau ihɛ̃ i laakaiɛ ŋa nɔ i maà jɔ̀ ngɔgɔ ku tɔtɔɔ ŋɛ do nŋu, ku ba anyɔ ku muu.

Tɛsalonika 2, 3:6

Iŋɛ inɛ nwa ŋa, à waa tɔɔ ŋɛ do irii Lafɛ̃ɛ nwa Jesu Kirisi, i jĩò kpaasi woo dasi Jesu naanɛ baa yooma fei iyi à jɛ ilu ika ŋa nɔ a kù waa too si kukɔsi iyi à na ŋɛu.

Timɔtee 1, 5:20

Inɛ ŋa iyi à waa ce dulum, sɔ̃ ŋa si wajui inɛi igbɛ ŋau fei ku ba inɛ ŋa iyi à gbe a ce njo.

Timɔtee 1, 5:22

Maà ti i saasa i lea inɛ gɔ awɔ si iri ku ba i maà nɛ ikpɛ̃ si dulum dii inɛ gɔ. Fa araɛ hai si dulum.

Timɔtee 1, 6:5

Nɔ í ya jɔ̀ irii inɛ ŋa ku sinda a kaa mà ntɔ, nɔ a maa ce kakɔɔ hai nɛ kɔɔ. À tamaa kpãai idei Ilaaɔ̃ ku too á ce ŋa ilu amani ŋai.

Timɔtee 2, 3:5

Aa maa too kpãai Ilaaɔ̃ do gɛlɛ, amma ilu muafiti ŋai domi à kɔ̀si gbugbãɛ. Fa araɛ hai bi amanɛ dimi bɛɛbɛ ŋa.

Titee 2:15

Do yaase bɛɛbɛi í sĩa i ya kɔ inɛ ŋa si cio. Mu nŋa gbugbã nɔ i nyisi ŋa kurara nŋa si bɛi ì nɛ kpãaɛ. Maà jɔ̀ inɛ gɔ ku dondaɛ.

Kuyɛi Zãa 18:4

Ŋɔi ǹ gbɔ ide ku fɔ gɔ má hai lele í ni, iŋɛ inɛm ŋa, i fita wa hai inɔ iluu, ku ba i maà na i nɛ ikpɛ̃ si dulum dɛɛ nɔ bɔ̃nɛ ŋa iyi á baa ku maà ba ŋɛ,